ဖားကန့် ၊ ဇွန် ၁၈
ကချင်ပြည်နယ် ဖားကန့်မြို့နယ် လုံးခင်ကျေးရွာအုပ်စု ရပ်ကွက်(၁) လုံးခင်နယ်မြေရဲစခန်းဟောင်မြေနေရာတွင် ဇွန်လ ၁၈ ရက်နေ့ ည ၁၂ နာရီးကျော်က အဆောက်အဦး တစ်လုံးအား မိုးကြိုးပစ်ပြီး မီးလောင်ရာမှ အမျိုးသားနှစ်ဦး သေဆုံးမှု ဖြစ်ပွားခဲ့ကြောင်း သိရသည်။
နှစ်ထပ်သွပ်မိုး အဆောက်အဦးအား မီးလောင်နေကြောင်း သိရှိရသဖြင့် ဖားကန့်မြို့နယ်မီးသတ်ဦးစီးဌာနမှ ဦးစီးအရာရှိ တင်မောင်တိုး ဦးစီးပြီး မီးသတ်တပ် ဖွဲ့ဝင်များဖြင့် မီးငြိမ်းသတ်ယာဉ် ၄ စီးဖြင့် ဒေသခံပြည်သူများ ပူးပေါင်းပြီး သွားရောက်ငြိမ်းသတ်ခဲ့ကြောင်း သိရသည်။
မီးလောင်မှုကြောင့် နှစ်ထပ်သွပ်မိုး မီးလောင်ကျွမ်းခဲ့ပြီး မီးလောင်မှုနှင့် ပတ်သတ်၍ စစ်ဆေးတွေ့ရှိချက်များအရ မိုးကြိုးပစ်ချပြီး လျှပ်စစ်စီးဝင်ကာ မီးလောင်ခြင်းဖြစ်ကြောင်း မီးလောင်မှုကြောင့် အဆောက်အဦးတစ်လုံး ကာလတန်းဖိုးငွေကျပ်(၄၅၀၀၀၀)ခန့် ဆုံးရှုံးခဲ့သည့်အပြင် အဆောက်အဦးအတွင်း ဝင်ရောက် မိုးခိုနားသူ အမည်မသိ အမျိုးသားနှစ်ဦး မီးလောင်ဒဏ်ရာများဖြင့် သေဆုံးမှုဖြစ်ပွား ခဲ့ကြောင်း သိရသည်။
ဖြစ်စဉ်နှင့် ပတ်သက်၍ နယ်မြေရဲစခန်း(လုံးခင်)မှ အမှုဖွင့် ဆောင်ရွက်ထားရှိကြောင်း သိရသည်။
မင်းထွန်းဇော်
Myanmaalinn
https://www.facebook.com/MYANMAALINNNEWS
မိုးကြိုးပစ်ပြီး အဆောက်အဦး မီးလောင်ရာမှ အမျိုးသားနှစ်ဦး သေဆုံးမှု ဖြစ်ပွား
Reviewed by THITHTOOLWIN
on
17:02
Rating: