လှည်းကူးက ကျူးကျော်တဲ အလုံးရေ ၅ ထောင်ခန့် ဖယ်ရှားပြီးဖြစ်

ရန်ကုန်တိုင်းဒေသကြီး လှည်းကူးမြို့နယ်၊ စခန်းကြီးကျေးရွာ အုပ်စု အမြန်လမ်းဘေးမှာရှိတဲ့ ကျူးကျော်တဲအိမ်တွေကို ဇွန်လ ၁၂ ရက်နေ့က ဖယ်ရှားနေစဉ်။ Photo: Aung Thain Kha/ RFA
ရန်ကုန်တိုင်းဒေသကြီး၊ လှည်းကူးမြို့နယ် ၊ စခမ်းကြီးကျေးရွာအုပ်စု အမြန်လမ်းက ကျူးကျော်တဲတွေ ကို တိုင်းဒေသကြီးအစိုးရအဖွဲ့က အခုလ ၁၂ ရက်နေ့ ကစတင်ပြီး ရှင်းလင်းနေရာမှာ ဒီနေ့အထိ ကျူးကျော်တဲ အလုံးရေ ၅၀၀၀ ခန့်ရှင်းလင်းပြီးဖြစ်တယ်လို့ ရန်ကုန်တိုင်း မြို့ပြနဲ့အိမ်ရာဖွံ့ဖြိုးရေး ဦးစီးဌာန ညွှန်ကြားရေးမှူး ဦးယုခိုင်က ပြောပါတယ်။

လာမယ့် တရက်၊ နှစ်ရက်အတွင်း အားလုံးရှင်းလင်းပြီး ဖြစ်မယ့်အနေအထားရှိတယ် လို့ ညွှန်ကြားရေးမှူး ဦးယုခိုင်က ပြောပါတယ်။

" ဒီနေ့ထိဆို ၅၀၀၀ ကျော်ကျော်လောက်ထိ ဖြစ်သွားပြီ။ ဒီတစ်ရက်နှစ်ရက်အတွင်းတော့ ပြီးလောက်အောင် လျာထားတယ်။ သို့သော်လည်း ဒီဘက်က လက်ရှိအနေအထားအရ လုပ်ငန်းသဘာဝအရ နည်းနည်း နှောက်နှေး နေတာ လေးတွေလည်း ရှိတာပေါ့ ။ လုပ်တော့ လုပ်နေတယ် ကျနော်တို့ မပြီးသေးဘူးပေါ့။ နောက်ထပ်ကျန်လည်း နည်းနည်းပေါ့။ နည်းနည်းပဲကျန်တော့မှာ။ အရင်မှန်းတာတော့ လေးထောင်လောက်ပေါ့။ အခုလုပ်ရင်းကိုင်ရင်းနဲ့ ငါးထောင်ကျော်လောက်ဖြစ်လာတာပေါ့"

ကျူးကျော်တဲတွေကို ရှင်းလင်းရာမှာ ကန့်ကွက်ဆန္ဒပြတဲ့အနေနဲ့ အမြန်လမ်းပေါ်တက်ပြီး အိပ်နေသူ ၅ ဦးကို ဝတ္တရားနှောက်ယှက်မှုနဲ့ တရားစွဲဆိုထားပါတယ်။

ဒါ့အပြင် ကျူးကျော်တဲတွေကို ငွေပေးချေပြီး ဝယ်ယူခဲ့သူ ၃ ဦးက ရောင်းချခဲ့သူတွေကို လှည်ကူးရဲစခန်းမှာ လိမ်လည်မှုနဲ့ အမှုဖွင့်ထားတာရှိပြီး လိမ်လည်ရောင်း ချခဲ့သူတွေကို ထိထိရောက်ရောက်အရေးယူနိုင်ရေးအတွက် ဆောင်ရွက်သွားမှာ ဖြစ်တယ်လို့ ဦးယုခိုင်က ပြောပါတယ်။

လာရောက်တိုင်တန်းသူတွေရဲ့ ပြောပြချက်တွေအရ ရောင်းချသူတွေဟာ အုပ်စုဖွဲ့ပြီးလိမ်လည် ရောင်းချခဲ့ ကြတဲ့အနေအထားရှိတယ်လို့ သိရပါတယ်။

စခမ်းကြီးကျေးရွာအုပ်စု အမြန်လမ်းဘေးက ကျူးကျော်တဲ ၆၀၀၀ ဝန်းကျင်ကို တိုင်းဒေသကြီး အစိုးရအဖွဲ့က စီးပွားဖြစ်ကျူးတွေအဖြစ်သာ သတ်မှတ်ထား တာ ဖြစ်ပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ