ပြည်နယ်နဲ့ တိုင်းတွေမှာ ကိုယ်ပိုင်ဖွဲ့စည်းပုံ အခြေခံဥပဒေ ရေးဆွဲခွင့်ရရှိ

( UPDJC အစည်းအဝေးကို နေပြည်တော် သင်္ဂဟဟိုတယ်မှာ မေလ ၁၂ ရက်နေ့မှာ ကျင်းပစဉ် ) Photo: Win Naung Toe/RFA
တိုင်းဒေသကြီးနဲ့ ပြည်နယ်တွေမှာ ကိုယ်ပိုင်ဖွဲ့စည်းပုံအခြေခံဥပဒေ ရေးဆွဲခွင့်ဆိုတဲ့အချက်ကို ဒီကနေ့ ကျင်းပတဲ့ ပြည်ထောင်စုငြိမ်းချမ်းရေးဆွေးနွေးမှု ပူးတွဲကော်မတီ အစည်းအဝေးက သဘောတူလက်ခံလိုက်ပါတယ်။

ဒီကနေ့ ကျင်းပတဲ့ UPDJC အစည်းအဝေးမှာ သမိုင်းဝင်သဘောတူချက်ဖြစ်တဲ့ ကိုယ်ပိုင်ပြဌာန်းခွင့်အတွက် တိုင်းဒေသကြီးနဲ့ ပြည်နယ်တွေမှာ ကိုယ်ပိုင်ဖွဲ့စည်းပုံအခြေခံဥပဒေ ပြဌာန်းခွင့်ကို သဘာတူခဲ့ကြောင်း နိုင်ငံတော်အတိုင်ပင်ခံရုံးဝန်ကြီးဌာန ညွန်ကြားရေးမှူးချုပ် ဦးဇော်ဌေး က ပြောပါတယ်။
"ဒီကနေ့အစည်းအဝေးရဲ့ ထူးခြားချက်က ကျနော်တို့ သမိုင်းဝင်တဲ့ သဘောတူညီချက်တွေ ရရှိခဲ့ပါတယ်၊ သမိုင်းဝင် သဘောတူညီချက်ဆိုတာ နိုင်ငံရေးကဏ္ဍမှာ ခေါင်းစဉ်အားလုံပေါင်း ၆ ခုရှိပါတယ်၊ အချက်ပေါင်း ၂၁ ချက်ရှိပါတယ်၊ ဖက်ဒရယ်အခြေခံမူတွေဖြစ်ပါတယ်၊ တကယ်ကို ကျနော်တို့တိုင်းပြည်မှာ တခါမှမရှိဘူးတဲ့ သဘောတူညီချက်ပေါ့နော်၊ ဥပမာ ကိုယ်ပိုင်ပြဌာန်းခွင့်၊ နောက်တစ်ချက်က တိုင်းဒေသကြီး ပြည်နယ်တွေမှာ ကိုယ်ပိုင်ဖွဲ့စည်းပုံအခြေခံဥပဒေတွေ ထားရှိဖို့၊ ဒါကိုအကုန်လုံးက သဘောတူညီတယ်၊ တကယ်လည်း ဝမ်းမြောက်စရာကောင်းပါတယ်၊ လာမယ့် ငြိမ်းချမ်းရေးညီလာခံဟာ တကယ်ကို သမိုင်းမှတ်တိုင်ဖြစ်လာမှာဖြစ်ပါတယ်"
အဲဒီလို ကိုယ်ပိုင်ဖွဲ့စည်းပုံအခြေခံဥပဒေ ရေးဆွဲမယ်ဆိုရင် မူလတည်ဆဲဖွဲ့စည်းပုံ အခြေခံဥပဒေကို မဆန့်ကျင်တဲ့ ဥပဒေမျိုးဖြစ်အောင် ရေးဆွဲကျင့်သုံးသွားရမှာဖြစ်ကြောင်း ပအိုဝ်းအမျိုးသားအဖွဲ့ချုပ် နာယက ဗိုလ်မှူးကြီး ခွန်ဥက္ကာ က ပြောပါတယ်။

ကိုယ်ပိုင်ဖွဲ့စည်းပုံ အခြေခံဥပဒေ ရေးဆွဲဆိုတဲ့အချက်ဟာ ပြည်နယ်နဲ့တိုင်းဒေသကြီးတွေမှာ ဆွေးနွေးခဲ့တဲ့ နိုင်ငံရေးဆွေးနွေးမှုရလဒ်တွေထဲမှာ ပါဝင်တဲ့အကြောင်းအရာဖြစ်ပြီး ဒီကနေ့ကျင်းပတဲ့ UPDJC အစည်းအဝေးမှာ တင်သွင်းခဲ့တာဖြစ်ပါတယ်။

အဲဒီအချက်ကို သဘောတူလက်ခံပေမယ့် မေလ ၂၄ ရက်နေ့မှာ ကျင်းပမယ့် ၂၁ ရာပင်လုံပြည်ထောင်စုငြိမ်းချမ်းရေးညီလာခံမှာ ထပ်မံတင်သွင်းပြီး အတည်ပြုချက်ရယူရမှာ ဖြစ်ပါတယ်။

ဒီကနေ့ဆွေးနွေးပွဲမှာ နိုင်ငံရေးကဏ္ဍ၊ စီးပွားရေကဏ္ဍ၊ လူမှုရေးကဏ္ဍ၊ မြေယာနဲ့ သဘာဝပတ်ဝန်းကျင်ကဏ္ဍနဲ့ လုံခြုံရေးကဏ္ဍဆိုင်ရာတွေကို ဆွေးနွေးတင်ပြခြင်း၊ ဒုတိယအကြိမ်ကျင်းပမယ့် ၂၁ ရာစုပင်လုံ ပြည်ထောင်စုငြိမ်းချမ်းရေးညီလာခံ ကျင်းပမယ့်ကာလ၊ ညီလာခံသဘောတူညီချက်တွေကို ပြည်ထောင်စု သဘောတူစာချုပ်အဖြစ် ချုပ်ဆိုရေးကိစ္စတွေကို ဆွေးနွေးကြတာဖြစ်ပါတယ်။

RFA Burmese
https://www.facebook.com/rfaburmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ