ကမ္ဘာမှာ သစ်တောပြုန်းတီးမှု မြန်မာ တတိယ

ဆင်းရဲမှုကြောင့် သစ်ခိုးထုတ်တာတွေ ရှိနေသေး
မြန်မာနိုင်ငံမှာ သစ်အလွန်အကျွံထုတ်မှု ၊ တရားမ၀င် သစ်ထုတ်မှု ၊ လောင်စာအတွက် ထင်းမီးသွေးအပေါ် မှီခိုနေရမှု ၊ သစ်တောမြေတွေကို လယ်ယာနဲ့ အိမ်မြေ အဖြစ် ပြောင်းလဲမှုတွေကြောင့် ၂၅ နှစ်အတွင်း မြန်မာနိုင်ငံမှာ နှစ်စဉ် သစ်တော ဧက ဆယ်သိန်းနီးပါး ပြုန်းတီး လာနေပြီး ကမ္ဘာပေါ်မှာ သစ်တော ပြုန်းတီးမှု တတိယ အများဆုံး နိုင်ငံ ဖြစ်ခဲ့ပါတယ်။

ဒီလို သစ်တောပြုန်းတီးမှုတွေ ရပ်တန့်ဖို့ လက်ရှိ အစိုးရ လက်ထက်မှာ စီမံကိန်းချ လုပ်ဆောင်နေတယ်လို့ သယံဇာတနဲ့ ပတ်ဝန်းကျင် ထိန်းသိမ်းရေး ဝန်ကြီးဌာန ၊ သစ်တော ဦးစီးဌာန ဒုတိယ ညွှန်ကြားရေးမှူးချုပ် ဦး ကျော်ကျော်လွင်က ပြောပါတယ်။

မနှစ် အစိုးရသစ် တက်လာပြီးနောက် တနိုင်ငံလုံး သစ်ထုတ်လုပ်မှုကို နှစ်ဝက်လောက် ရပ်ဆိုင်းခဲ့ပြီး သစ်ခုတ်မှု ဒဏ်ကို ဆိုးဆိုးဝါးဝါး ရင်ဆိုင်ခဲ့ရတဲ့ ပဲခူးရိုးမမှာ ဆယ်နှစ်ထိ ပိတ်ထားတယ်လို့လည်း ဆိုပါတယ်။

ပုဂ္ဂလိက သစ်ကုမ္ပဏီကြီးတွေကို သစ်ထုတ်လုပ်ခွင့် ပေးတာတွေ ရပ်ပြီး အစိုးရပိုင် မြန်မာ့သစ်လုပ်ငန်းကိုပဲ ထုတ်ခွင့်ပေးထားတယ်လို့ သိရပါတယ်။

ဒါပေမဲ့ ဆင်းရဲမှုကြောင့် သစ်ခိုးထုတ်တာတွေ ရှိနေသေးတယ်၊ သစ်တော ဝန်ထမ်း တယောက်က ဧက ရှစ်ထောင်ကျော် တာဝန်ယူ ကာကွယ်နေရလို့ စောင့်ရှောက်မှု အားနည်းနေသေးတယ်လို့ သစ်တော ဦးစီးဌာန ဒုတိယ ညွှန်ကြားရေးမှူးချုပ် ဦး ကျော်ကျော်လွင်က ပြောပါတယ်။

ပြုန်းတီးသွားတဲ့ သစ်တောတွေ ပြန်လည် ထူထောင်ရေး အတွက် ၁ဝ နှစ် စီမံကိန်းချ ဆောင်ရွက်နေတယ်လို့ သိရပါတယ်။

သစ်ထုတ်လုပ်မှုကို တနှစ် တန် ၁၇ သိန်းကျော်ကနေ တန် ၃ သိန်းထိ လျှော့ချထုတ်နေတယ်လို့ ပြောကြားခဲ့ပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ