ပယောဂကုတယ်ဆိုပြီး ရိုက်နှက်မှုကြောင့် အဘွားအို ၁ ဦး သေဆုံး


ရှမ်းပြည်နယ်၊ ဟိုပုံးမြို့နယ်က ဘုန်းကြီးကျောင်းမှာ တရားစခန်းဝင်နေတဲ့ အဘွားအို ၃ ယောက်ကို ပယောဂ ကုဖို့ဆိုပြီး ရိုက်နှက်ကန်ကျောက်ခဲ့တဲ့ ကိုရင်ကြီး အပါအဝင် ၃ ဦးကို  ဟိုပုံးရဲစခန်းက ဖမ်းဆီးစစ်ဆေးနေပါတယ်။

ရိုက်နှက်ခံထားရတဲ့ အဘွားအိုတွေထဲက အသက် ၆ဝ ကျော်အရွယ် အဘွားအို ၁ ဦး သေဆုံးသွားတဲ့အတွက် ရိုက်နှက်ခဲ့တဲ့ ကိုရင်ကြီး အပါအဝင် သုံးယောက်ကို လူသတ်မှု ပုဒ်မ (၃ဝ၂) နဲ့ ဖမ်းဆီးထားတယ်လို့ ဟိုပုံးရဲစခန်းက ဒုရဲအုပ် အောင်ဆန်းမင်းက ပြောပါတယ်။

"အမှုက လူသတ်မှုနဲ့ဖွင့်ထားတာဗျ။ ၃ဝ၂ နဲ့။ လူကတော့ အချုပ်ထဲမှာပေါ့။ ဖမ်းထားတာပေါ့။ အမှုစစ်ကတော့ သွားပြီးစစ်နေတာပေါ့။ အမှုစစ်ကတော့ စခန်းမှူးပဲ စစ်တာ"

ဟိုပုံးမြို့နယ် ကောင်းစေတီရွာက ကောင်းစေတီ တောရကျောင်းတိုက်မှာ တရားစခန်းဝင်နေတဲ့ အဘွားအို ၃ ယောက်ကို အဲဒီကျောင်းမှာ သီတင်းသုံးနေတဲ့ ကိုရင်ကြီး အရှင် ဣန္ဒောဘာသ အပါအဝင် ၃ ဦးက ဧပြီလ ၁၃ ရက်နေ့ သင်္ကြန်အကြိုနေ့ ညနေမှာ ပယောဂကုပေးမယ်ဆိုပြီး ခေါ်ယူကာ ခန္ဓာကိုယ်အနှံ့ကို ဝါးလုံးနဲ့ ရိုက်နှက်တဲ့ အပြင် ခြေနဲ့ကန်ကျောက်တာပါ ပြုလုပ်ခဲ့တယ်လို့  သိရပါတယ်။

အဲဒီလို ရိုက်နှက်ခံခဲ့ရတဲ့ အဘွားအိုတွေထဲက ၁ ဦးဟာ ရိုက်နှက်ခံရတဲ့ ဒဏ်ရာတွေနဲ့ ဧပြီလ ၁၄ ရက်နေ့ ညနေ မှာ သေဆုံးခဲ့ပြီး ကျန်တဲ့အဘွားအို ၂ ယောက်လည်း ဒဏ်ရာတွေ ရရှိခဲ့တဲ့အတွက် ဟိုပုန်းမြို့နယ် ပြည်သူ့ဆေးရုံ မှာ တင်ထားရတယ်လို့ သိရပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ