အိန္ဒိယ-မြန်မာ အမှတ်(၂) နယ်စပ်ကုန်သွယ်ရေး ခေတ္တ ရပ်ဆိုင်း


ခိုနူမ်းသုန်သတင်း၊ ၁၈ ဧပြီ ၂၀၁၇

အိန္ဒိယ-မြန်မာအမှတ် (၂) နယ်စပ်ကုန်သွယ်ရေးစခန်းအခြေစိုက်ရာ ဇိုခေါထာ(အိန္ဒိယဘက်ခြမ်း) တွင် ကုန်တင်ကုန်ကျလုပ်ငန်းကို တာဝန်ယူဆောင်ရွက်နေကြသည့် အဖွဲ့အစည်း ၂ ခုအကြား အငြင်းပွားမှုပြသာနာကြောင့် မီဇိုရမ်ပြည်နယ် ကျန်ဖိုင်းခရိုင် တရားသူကြီးက နယ်စပ်ဖြတ်ကျော်ပြီး ကုန်သွယ်ရေးလုပ်ငန်းလည်ပတ်မှုကို ခေတ္တရပ်ဆိုင်းရန် ယနေ့အမိန့်ထုတ်ပြန်လိုက်သည်ဟုသိရသည်။

အဆိုပါအမိန့်အရ ဇိုခေါထာမှတဆင့် နှစ်နိုင်ငံကုန်ပစ္စည်းများ သယ်ယူပို့ဆောင်ရေး၊ ကုန်တင်ကုန်ချ လုပ်ငန်း၊ နယ်စပ်ကုန်သွယ်ရေးနှင့်စပ်လျဉ်းသည့် မည်သည့်ကုန်သွယ်ရေးလုပ်ငန်းမဆို မီဇိုရမ်အစိုးရဘက်က ရပ်ဆိုင်းလိုက်ခြင်းဖြစ်သည်။

ကုန်သွယ်ရေးလုပ်ငန်းများကို လုပ်ကိုင်နေကြသော နှစ်နိုင်ငံကုန်သည်ကြီးများကိုလည်း အသိပေးအကြောင်းကြားထားပြီး၊ ယခုအမိန့်သည် တစုံတရာအပြောင်းအလဲမရှိပါက ၁ လ ကြာ အသက်ဝင်မည်ဖြစ်သည်ဟု ကျန်ဖိုင်းခရိုင်တာဝန်ရှိသူများထံမှသိရသည်။

အမှတ်(၂) နယ်စပ်ကုန်သွယ်ရေးမှတဆင့် ကုန်ပစ္စည်းများသယ်ယူပို့ဆောင်ရာတွင် ကုန်တင်ကုန်ချလုပ်ငန်း ကို ဦးဆောင်လုပ်ကိုင်ရန် ဇိုခေါထာကျေးရွာ(အိန္ဒိယဘက်ခြမ်း)မှ အဖွဲ့ ၂ ဖွဲ့အကြား အငြင်းပွားမှုပြသာ နာပေါ်ပေါက်လာသည့်အတွက် အလွယ်တကူ ပြသာနာဖြေရှင်းနိုင်မည့် အလားအလာမရှိ သည့်အပြင် အငြင်းပွားမှုပိုမိုကြီးထွားလမလာနိုင်စေရေးအတွက် မီဇိုရမ်ပြည်နယ်အစိုးရက ယခုကဲ့သို့ နှစ်နိုင်ငံကုန်သွယ်ရေး ခေတ္တရပ်ဆိုင်းထားရန် အမိန့်ထုတ်ပြန်ခဲ့ခြင်းဖြစ်သည်။

ယခုကဲ့သို့ မီဇိုရမ်အစိုးရဘက်မှ အမိန့်ထုတ်ပြန်ပြီး ကုန်သွယ်ရေးရပ်ဆိုင်းမှုကြောင့် ကုန်တင်ကုန်ကျလုပ်ငန်းများလုပ်ကိုင်နေကြသော မြန်မာဘက်ခြမ်းမှအလုပ်သမားများလည်း အခက်ကြုံနေကြရသည်ဟု ရိခေါဒါရ်မြိ့ တီအိုချောင်းဒေသခံတစ်ဦးကပြောသည်။

“ ဒီမှာက ကူလီထမ်းတဲ့ အလုပ်သမားတွေများတယ်လေ၊ ဒီဘက်ကနေ ဟိုဘက်ကမ်းကို ကုန်ပစ္စည်းတွေထမ်းပို့ပြီး ၀မ်းစာရှာနေကြတာလေ၊ ဟိုဘက်ခြမ်းက ပိတ်လိုက်တော့ ကုန်ပစ္စည်းအ၀င်အထွက်မရှိတော့ သူတို့တွေ အတွက် အလုပ်မရှိတော့ဘူးလေ’’ ဟု ဒေသခံကပြောသည်။

အိန္ဒိယ-မြန်မာနယ်စပ်ကုန်သွယ်ရေးအခြေစိုက်ရာ ဇိုခေါထာကျေးရွာတွင်ကုန်တင်ကုန်ချလုပ်ငန်း နှင့်ပတ်သတ်ပြီး ဒေသခံအဖွဲ့အစည်းများအကြား အငြင်းပွားမှုမကြာခဏဖြစ်ပွားလေ့ရှိ ယခုကဲ့သို့ ပြည်နယ်အစိုးရမှ နယ်စပ်ကုန်သွယ်ရေးလုပ်ငန်းကို ရပ်ဆိုင်းလေ့ရှိသည်။

Khonumthung Burmese
https://www.facebook.com/KhonumtungBurmese/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ