သင်္ကြန်ကာလအတွင်း ရခိုင်ကမ်းရိုးတန်းကို မုန်တိုင်းဝင်နိုင်

၂ဝ၁၅ ခုနှစ် ဇူလိုင်လ ၃ဝ ရက်နေ့က တိုက်ခတ်ခဲ့တဲ့ ကိုမန် မုန်တိုင်းကြောင့် စစ်တွေမြို့က ပျက်စီးသွားတဲ့ မြို့ပေါ်ရပ်ကွက်တချို့ကို တွေ့ရစဉ်။ Photo:Min Thein Aung/RFA
ဘင်္ဂလားပင်လယ်အော်မှာ သင်္ကြန်ကာလအတွင်းမှာ မုန်တိုင်းဖြစ်ပေါ်လာနိုင်ပြီး အဲဒီမုန်တိုင်းဟာ ရခိုင်ပြည်နယ် မြောက်ပိုင်းကို ဦးတည်လာနိုင်တယ်လို့ မိုးလေဝသနှင့် ဇလဗေဒညွှန်ကြားမှုဦးစီးဌာန က ပြောပါတယ်။

ဘင်္ဂလာပင်လယ်အော်မှာ မနက်ဖြန် ဧပြီလ ၁၄ ရက်နေ့မှာ လေဖိအားနည်းရပ်ဝန်းဖြစ်နိုင်ပြီး ဧပြီလ ၁၆ ရက်နေ့မှာ အားကောင်းကာ မုန်တိုင်းငယ်ဖြစ်လာကြောင်းနဲ့ ဧပြီလ ၁၇ ရက်နေ့မှာ ရခိုင်ကမ်ရိုးတန်းကို ဦးတည်လာနိုင်ကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာန ဒုတိယညွှန်ကြားရေးမှူးချုပ် ဦးကျော်မိုးဦးက ပြောပါတယ်။

"လောလောဆယ်တော့ ဘင်္ဂလားပင်လယ်အော်မှာ လေရစ်ခွေမှုဖြစ်နေတယ်၊ လေဖိအားနည်း ရပ်ဝန်း အနေနဲ့တော့ ဒီ ၁၄ ရက်နေ့လောက်တော့ ဖြစ်နိုင်တယ်လို့ ခန့်မှန်းထားတယ်၊ ၁၆ ရက်နေ့ကြရင် ပိုအားကောင်းလာပြီးတော့မှ အားကောင်းတဲ့ မုန်တိုင်းငယ်အဆင့်ကိုရောက်မယ်၊ ၁၇ ရက်နေ့ညပိုင်းမှာ ရခိုင်ကမ်းရိုးတန်းကိုဦးတည်နေတယ်၊ ဝင်ခါနီးနားကြရင် အားနည်းနည်း လျော့သွားနိုင်တဲ့အတွက်ကြောင့် ၁၇ ၊၁၈ လောက်မှာ ရခိုင်မြောက်ပိုင်းကိုဝင်နိုင်တယ်လို့ ခန့်မှန်းရတယ်"

မုန်တိုင်းငယ်ဦးတည်နိုင်တဲ့ ရခိုင်ပြည်နယ်မြောက်ပိုင်းက နေရာအတိအကျကိုတော့ မပြောနိုင်သေးပေမယ့် လေဖိ အားနည်းရပ်ဝန်းရဲ့ အရှိန်ကြောင့် ဧပြီလ ၁၄ ရက်နေ့ကနေ စတင်ပြီး မြစ်ဝကျွန်းပေါ်၊ ရခိုင်ပြည်နယ်၊ ရန်ကုန် ၊ မြန်မာနိုင်ငံအလယ်ပိုင်းတို့မှာ အချိန်အခါမဟုတ် မိုးရွာသွန်းတာတွေဖြစ်နိုင်ပြီး ဧပြီ ၁၅ ၊၁၆ ၊၁၇ တို့မှာ တစ်နိုင်ငံလုံး မိုးရွာသွန်းနိုင်တဲ့ အနေအထားထိရှိတယ်လို့ ဦးကျော်မိုးဦးက ပြောပါတယ်။

သင်္ကြန်ကာလအတွင်း မုန်တိုင်းဖြစ်နိုင်တဲ့ အနေအထားရှိတာကြောင့် ပင်လယ်ပြင်ခရီးသွားလာတဲ့ သူတွေအနေနဲ့ မိုးလေဝသသတင်းတွေကို ဂရုပြုနားထောင်ဖို့ ၊မိုးလေဝသသတင်းကိုကြည့်ရှုပြီးမှသာ ဘေးအန္တရာယ်ကင်းမှသာ ခရီးသွားလာကြဖို့ မိုးလေဝသနှင့် ဇလဗေဒညွှန်ကြားမှုဦးစီးဌာန ဒုတိယညွှန်ကြားရေးမှူးချုပ် ဦးကျော်မိုးဦး အသိပေးပြောကြားပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ