၂ဝ၁၅ ခုနှစ် ဇူလိုင်လ ၃ဝ ရက်နေ့က တိုက်ခတ်ခဲ့တဲ့ ကိုမန် မုန်တိုင်းကြောင့် စစ်တွေမြို့က ပျက်စီးသွားတဲ့ မြို့ပေါ်ရပ်ကွက်တချို့ကို တွေ့ရစဉ်။ Photo:Min Thein Aung/RFA |
ဘင်္ဂလာပင်လယ်အော်မှာ မနက်ဖြန် ဧပြီလ ၁၄ ရက်နေ့မှာ လေဖိအားနည်းရပ်ဝန်းဖြစ်နိုင်ပြီး ဧပြီလ ၁၆ ရက်နေ့မှာ အားကောင်းကာ မုန်တိုင်းငယ်ဖြစ်လာကြောင်းနဲ့ ဧပြီလ ၁၇ ရက်နေ့မှာ ရခိုင်ကမ်ရိုးတန်းကို ဦးတည်လာနိုင်ကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာန ဒုတိယညွှန်ကြားရေးမှူးချုပ် ဦးကျော်မိုးဦးက ပြောပါတယ်။
"လောလောဆယ်တော့ ဘင်္ဂလားပင်လယ်အော်မှာ လေရစ်ခွေမှုဖြစ်နေတယ်၊ လေဖိအားနည်း ရပ်ဝန်း အနေနဲ့တော့ ဒီ ၁၄ ရက်နေ့လောက်တော့ ဖြစ်နိုင်တယ်လို့ ခန့်မှန်းထားတယ်၊ ၁၆ ရက်နေ့ကြရင် ပိုအားကောင်းလာပြီးတော့မှ အားကောင်းတဲ့ မုန်တိုင်းငယ်အဆင့်ကိုရောက်မယ်၊ ၁၇ ရက်နေ့ညပိုင်းမှာ ရခိုင်ကမ်းရိုးတန်းကိုဦးတည်နေတယ်၊ ဝင်ခါနီးနားကြရင် အားနည်းနည်း လျော့သွားနိုင်တဲ့အတွက်ကြောင့် ၁၇ ၊၁၈ လောက်မှာ ရခိုင်မြောက်ပိုင်းကိုဝင်နိုင်တယ်လို့ ခန့်မှန်းရတယ်"
မုန်တိုင်းငယ်ဦးတည်နိုင်တဲ့ ရခိုင်ပြည်နယ်မြောက်ပိုင်းက နေရာအတိအကျကိုတော့ မပြောနိုင်သေးပေမယ့် လေဖိ အားနည်းရပ်ဝန်းရဲ့ အရှိန်ကြောင့် ဧပြီလ ၁၄ ရက်နေ့ကနေ စတင်ပြီး မြစ်ဝကျွန်းပေါ်၊ ရခိုင်ပြည်နယ်၊ ရန်ကုန် ၊ မြန်မာနိုင်ငံအလယ်ပိုင်းတို့မှာ အချိန်အခါမဟုတ် မိုးရွာသွန်းတာတွေဖြစ်နိုင်ပြီး ဧပြီ ၁၅ ၊၁၆ ၊၁၇ တို့မှာ တစ်နိုင်ငံလုံး မိုးရွာသွန်းနိုင်တဲ့ အနေအထားထိရှိတယ်လို့ ဦးကျော်မိုးဦးက ပြောပါတယ်။
သင်္ကြန်ကာလအတွင်း မုန်တိုင်းဖြစ်နိုင်တဲ့ အနေအထားရှိတာကြောင့် ပင်လယ်ပြင်ခရီးသွားလာတဲ့ သူတွေအနေနဲ့ မိုးလေဝသသတင်းတွေကို ဂရုပြုနားထောင်ဖို့ ၊မိုးလေဝသသတင်းကိုကြည့်ရှုပြီးမှသာ ဘေးအန္တရာယ်ကင်းမှသာ ခရီးသွားလာကြဖို့ မိုးလေဝသနှင့် ဇလဗေဒညွှန်ကြားမှုဦးစီးဌာန ဒုတိယညွှန်ကြားရေးမှူးချုပ် ဦးကျော်မိုးဦး အသိပေးပြောကြားပါတယ်။
RFA Burmese
http://www.rfa.org/burmese
သင်္ကြန်ကာလအတွင်း ရခိုင်ကမ်းရိုးတန်းကို မုန်တိုင်းဝင်နိုင်
Reviewed by THITHTOOLWIN
on
18:58
Rating: