မင်းပြားမြို့နယ်မှာ ရေယာဉ်တစ်စီး နစ်မြုပ် လူ ၇ ဦး သေဆုံး

မင်းပြားမြို့ နယ် တောင်ပုက္ကေကျေးရွာအနီးမှာ ဧပြီလ ၁၃ ရက်နေ့က ရေယာဉ်နစ်မြုပ်တာကြောင့် သေဆုံးခဲ့သူတွေကို တွေ့ရစဉ် Photo: Zaw Min FB
ရခိုင်ပြည်နယ် အမ်းမြို့နယ် ကံဘွေကျေးရွာကနေ ကျောက်တော်မြို့နယ်ဘက်ကို ဘုရားဖူးခရီးထွက်ခွာလာ တဲ့ ရေယာဉ်တစ်စီးဟာ မင်းပြားမြို့နယ် တောင်ပုက္ကေကျေးရွာအနီးမှာ ဒီနေ့ မနက်အစောပိုင်းက နစ်မြုပ်ခဲ့ပြီး လူ ၇ ယောက်သေဆုံးခဲ့ပါတယ်။

အဲဒီရေယာဉ်မှာ လူပေါင်း ၆၀ ကျော်စီးနင်းလိုက်ပါလာတာဖြစ်ပြီး ဆယ်ယူလို့ ရရှိထားသူတွေကို မင်းပြားမြို့ နယ် ပြည်သူ့ဆေးရုံကို ပို့ထားတယ်လို့ မင်းပြားမြို့နယ်အုပ်ချုပ်ရေးမှူး ဦးကျော်စိုးမိုးထွန်းက ပြောပါတယ်။

"ခရီးသည်က ကျနော်တို့ ခန့်မှန်းရသလောက် ၆၁ ဦးလောက် ရှိတယ်။ ဒီ ၆၁ ဦးမှာ ၇ ဦး ဆုံးသွားတယ်ပေါ့နော်။ ကျန်တဲ့သူတွေ အကုန်လုံးကတော့ ကျနော်တို့ ဆေးဝါး ကုသမှုတွေ စောင့်ရှောက်မှုတွေ ကျနော်တို့ ပေးထားပါ တယ်။ လောလောဆယ်တော့ ကျနော်တို့ကတော့ အချင်းဖြစ်နေရာကို ရောက်နေတယ်။ ရောက်ပြီးတော့ အဲဒီမှာ ဆယ်တင်လို့ရတဲ့ လူတွေအကုန်လုံးကို မင်းပြားမြို့နယ် ပြည်သူ့ဆေးရုံကို ပို့လိုက်ပြီပေါ့နော်။ဆေးရုံကိုပို့ပြီး မှ ဆေးဝါးကုသမှုတွေ ရှိတယ်။ ကျန်တဲ့ ကောင်းတဲ့သူတွေကတော့ ဒီမှာကျန်ခဲ့မှာပဲ"

သေဆုံးသူတွေဟာ အသက် ၁၈ နှစ်အောက် လူငယ်တွေဖြစ်ပြီး မိန်းကလေးငယ်နှစ်ဦး ပါဝင်တယ်လို့ ပြောပါ တယ်။ အဲဒီရေယာဉ် နစ်မြုပ်မှုကြောင့် လူတစ်ဦးပျောက်ဆုံးနေပြီး ၉ ဦးကို ဆေးရုံတင်ထားရတယ်လို့ သိရပါတယ်။

ရေယာဉ် နစ်မြုပ်မှုနဲ့ပတ်သက်ပြီး စစ်ဆေးဖို့အတွက် ရခိုင်ပြည်နယ် အစိုးရအဖွဲ့ဝင်တွေလည်း သွားရောက်နေကြ တယ်လို့ သိရပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ