တာချီလိတ် - ကျိုင်းတုံကားလမ်းရှိ နမ့်လုံချောင်းအတွင်း ယာဉ်တစ်စီးအရှိန်လွန်ကျ၍ တစ်ဦးသေ သုံးဦးဒဏ်ရာရ


ရှမ်းပြည်နယ်အရှေ့ပိုင်း တာချီလိတ် - ကျိုင်းတုံကားလမ်း မိုင်တိုင်အမှတ် (၆၉၅)နှင့် (၆၉၆)အကြား စွပ်ပလောင်း ကျေးရွာတွင် ဧပြီလ(၁၂)ရက်နေ့က မိုင်းဖြတ်ဘက်သို့ မောင်းနှင်လာသည့် ကားတစ်စီး အရှိန်လွန်၍ ပေ(၂၀၀)ကျော်နက်သည့် ချောက်ကမ်းပါးသို့ကျရာမှ တစ်ဦးသေ၊ သုံးဦးဒဏ်ရာ ရသွားကြောင်း သိရသည်။


စွပ်ပလောင်းကျေးရွာမှ မိုင်းဖြတ်မြို့ဘက်သို့ ယာဉ်မောင်း ဇော်ထွန်း မောင်းနှင်လာပြီး အမျိုးသားတစ်ဦးနှင့် အမျိုးသမီးနှစ်ဦး စုစုပေါင်းလေးဦး လိုက်ပါလာသည့် ယာဉ်သည် ဧပြီလ (၁၂)ရက်နေ့ ညနေ (၆)နာရီ (၂၀)မိနစ်ခန့်တွင် လမ်း၏ ယာဘက် ပေ(၂၀၀)ကျော်နက်သည့် ချောက်ကမ်းပါး နမ့်လုံချောင်းအတွင်း အရှိန်လွန် ထိုးကျသွားခြင်းဖြစ်ကြောင်း သိရသည်။

ယာဉ်တိမ်းမှောက်မှုကြောင့် ယာဉ်ပေါ်တွင် လိုက်ပါလာသည့် ယာဉ်မောင်း အပါအဝင် အမျိုးသားနှစ်ဦးနှင့် အမျိုးသမီးတစ်ဦးမှာ ဒဏ်ရာများရသွားပြီး အမျိုးသမီးတစ်ဦးမှာ နေရာတွင် သေဆုံးသွားကြောင်း သိရသည်။


အခင်းဖြစ်ပွားရာသို့ ရဲတပ်ဖွဲ့၊ မီးသတ်တပ်ဖွဲ့၊ တပ်နယ်မှ တပ်ဖွဲ့ဝင်များနှင့် ကူညီသူ စုစုပေါင်း အင်အား (၇၀)ခန့်ဖြင့် ကူညီကယ်ဆယ်ပြီး ဒဏ်ရာရသူများအား မိုင်းဖြတ်ဆေးရုံသို့ တင်ပို့ထားကြောင်း သိရသည်။

အဆိုပါ ယာဉ်တိမ်းမှောက်မှုနှင့် ပတ်သက်၍ မိုင်းဖြတ်မြို့မရဲစခန်းတွင် ယာဉ်(ပ)၈/၂၀၁၇၊ ရာဇသတ်ကြီးဥပဒေပုဒ်မ ၂၇၉/၃၃၇/၃၃၈/၃၀၄-က တို့ဖြင့် အမှုဖွင့်ဆောင်ရွက်ထားကြောင်း သိရသည်။

သတင်း/ဓာတ်ပုံ - ကိုသာ
Tachileik News Agency
http://www.tachileik.net/2017/04/mpct.html

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ