ပန်ခမ်းအစည်းအဝေး စတင်ကျင်းပ

( ၀ ကိုယ်ပိုင်အုပ်ချုပ်ခွင့်ရ အထူးဒေသက ပန်ဆန်းမြို့ကို တွေ့ရစဉ် )Photo: Kan Thar/RFA
တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးစာချုပ် NCA မှာ လက်မှတ်မထိုးရသေးတဲ့ တိုင်းရင်းသား လက်နက်ကိုင်အဖွဲ့ ၇ ဖွဲ့ အစည်းအဝေးကို ၀ ပြည်သွေးစည်းညီညွတ်ရေး တပ်မတော် UWSA ရဲ့ ပန်ခမ်းနယ်မြေမှာ ဒီကနေ့ စတင် ကျင်းပနေပါတယ်။

ပန်ခမ်း အစည်းအဝေးကို တက်ရောက်နေတဲ့ တိုင်းရင်းသားလက်နက်ကိုင်အဖွဲ့တွေ လိုချင်တဲ့ NCA နဲ့ လက်ရှိ NCA စာချုပ်နဲ့ နီးစပ်မှုရှိအောင် ဘယ်လိုလုပ်မလဲဆိုတာကို ဆွေးနွေးနေတာဖြစ်တယ်လို့ အမျိုးသား ဒီမိုကရက်တစ် မဟာမိတ် တပ်မတော် NDAA ရဲ့ ပြောရေးဆိုခွင့်ရှိသူ ဦးကြည်မြင့် က ပြောပါတယ်။

"အဓိက ပြည်တွင်း ငြိမ်းချမ်းရေး ကိစ္စပါ။ အားလုံး အစိုးရနဲ့ ၀ိုင်းဝန်းပြီးမှ၊ တပ်မတော်နဲ့ ၀ိုင်းဝန်းပြီးမှ ငြိမ်းချမ်းရေး အကောင်အထည်ဖော်နိုင်အောင်။ အဲဒါပါ။ အရင်က ဟိုဘက်မှာ လုပ်ထားတဲ့ NCA နဲ့ အခု ဒီဘက်မှာ ရပ်တည်မယ့် အပစ်ရပ်စာချုပ်နဲ့ ဘယ်လိုနီးစပ်အောင်၊ ဘယ်လိုလုပ်မလဲဆိုတာ အဲဒီမှာ ကြိုးစားနေတာပါ။"

လက်ရှိကျင်းပနေတဲ့ ပန်ခမ်းဆွေးနွေးပွဲမှာ ၀ပြည်သွေးစည်းညီညွတ်ရေး တပ်မတော် UWSA၊ ကချင် လွတ်မြောက်ရေး တပ်မတော် KIA၊ရှမ်းပြည် တိုးတက်ရေး ပါတီ/ ရှမ်းပြည်တပ်မတော် SSPP/SSA ၊ အမျိုးသား ဒီမိုကရက်တစ် မဟာမိတ် တပ်မတော် NDAA၊ မြန်မာ အမျိုးသား ဒီမိုကရေစီ မဟာမိတ် တပ်မတောာ် MNDAA ၊ တအာင်းလွတ်မြောက်ရေး တပ်မတော် TNLA နဲ့ ရခိုင် တပ်မတော် AA စတဲ့ တိုင်းရင်းသား လက်နက်ကိုင် အဖွဲ့တွေ တက်ရောက်ဆွေးနွေးကြတယ်လို့ သိရပါတယ်။

ဆွေးနွေးပွဲကို ဒီကနေ့ နဲ့ မနက်ဖြန် နှစ်ရက်ကြာ ကျင်းပမှာဖြစ်ပါတယ်။

ပြီးခဲ့တဲ့ ဖေဖော်ဝါရီလကလည်း ပန်ခမ်းဒေသမှာပဲ တိုင်းရင်းသားလက်နက်ကိုင်တွေရဲ့ ထိပ်သီး အစည်းအဝေးကို ကျင်းပခဲ့ပြီး အဲဒီအစည်းအဝေးကနေ လက်ရှိ NCA စာချုပ် မှာ လက်မှတ်မထိုးဘဲ UWSA ဦးဆောင်တဲ့ နိုင်ငံရေး တွေ့ဆုံဆွေးနွေးမှု ကော်မတီဖွဲ့ပြီး အစိုးရနဲ့ ဆွေးနွေးဖို့ ဆုံးဖြတ်ခဲ့တာဖြစ်ပါတယ်။

RFA Burmese
https://www.facebook.com/rfaburmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ