မြောက်ကိုရီးယား ပစ်လွှတ်တဲ့ ဒုံးကျည် ပေါက်ကွဲပျက်စီး

ဧပြီလ ၆ ရက်နေ့တုန်းကမြောက်ကိုရီးယား ပစ်လွှတ်တဲ့ဒုံးကျည်
မြောက်ကိုရီးယား အစိုးရက ဆိပ်ကမ်းမြို့ ဆင်ပိုကနေ ဒုံးကျည် စမ်းသပ်လိုက်တာကြောင့် အုတ်အုတ်ကျက်ကျက် ဖြစ်နေတဲ့ တောင်ကိုရီးယား နိုင်ငံကို အမေရိကန် ဒုတိယ သမ္မတ ရောက်ရှိနေပါတယ်။

မြောက်ကိုရီးယား နိုင်ငံရဲ့ ဒုံးကျည် စမ်းသပ်မှုကတော့ မအောင်မြင်ခဲ့ပါဘူး။ အခုအချိန်က စိန်ခေါ်ချက်တွေရှိနေတဲ့ အချိန်ဖြစ်ပေမယ့် ရဲရင့်တဲ့ ပြည်သူတွေနဲ့ အမေရိကန်ရဲ့ သမိုင်းဝင် မဟာမိတ် တောင်ကိုရီးယား နိုင်ငံနဲ့ ဆက်ဆံရေး ကတော့ အရင်က မရှိခဲ့ဘူးတဲ့ အခြေအနေမျိုး အထိ ခိုင်မာ တောင့်တင်းနေပါတယ်လို့ ဒုတိယ သမ္မတ Mike Pence က ဒီကနေ့ တနင်္ဂနွေနေ့မှာ ပြောဆိုပါတယ်။

အခုအချိန်ဟာ ကမ္ဘာတလွှား အခက်အခဲ အကြပ်အတည်းတွေ ရှိနေချိန်ပါ။ အထူးသဖြင့်တော့ အာရှ ပစိဖိတ် ဒေသမှာ ဖြစ်ပါတယ်လို့ ဒုတိယ သမ္မတ Mike Pence က ပြောဆိုခဲ့တာပါ။ ညစာစားပွဲ မတိုင်ခင်မှာလည်း ဒုတိယ သမ္မတက အမေရိကန် တပ်ဖွဲ့ဝင်တွေနဲ့ အတူ ဘုရားကျောင်းမှာ အီစတာ ၀တ်ပြုပွဲကို တက်ရောက်ခဲ့ပါတယ်။ မြောက်ကိုရီးယား ခေါင်းဆောင် Kim Jong Un အစိုးရရဲ့ စစ်အင်အား ပြတဲ့ပွဲလို့ ကမ္ဘာတလွှား အစိုးရတွေက ရှုမြင်ကြတဲ့ မြို့တော် ပြုံယမ်းက ကြီးကျယ်လှတဲ့ စစ်ရေးပြ အခမ်းအနားတွေ အပြီး နောက်တနေ့မှာ ဒုံးကျည် စမ်းသပ်တာ ဖြစ်ပါတယ်။

မြောက်ကိုရီးယားရဲ့ မအောင်မမြင် ဖြစ်ခဲ့တဲ့ ဒုံးကျည် စမ်းသပ်မှုကို အမေရိကန် သမ္မတနဲ့ သူ့ရဲ့ စစ်ရေးဆိုင်ရာ အဖွဲ့တို့က သိရှိထားပြီ ဖြစ်ကြောင်းနဲ့ သမ္မတဘက်က တစုံတရာ မှတ်ချက် ပေးထားတာ မရှိသေးဘူးလို့ အမေရိကန် ကာကွယ်ရေး ၀န်ကြီး Jim Mattis က အကျဉ်းချုပ် ကြေညာချက် ထုတ်ခဲ့ပါတယ်။ မြောက်ကိုရီးယား တို့ ဒုံးကျည် စမ်းသပ်အပြီး မကြာခင်မှာဘဲ အမေရိကန် စစ်တပ်ရဲ့ ပစိဖိတ် ဒေသ ကွပ်ကွဲရေး ဌာနက ထုတ်တဲ့ ကြေညာချက်မှာတော့ ဒုံးကျည်က ပစ်ပြီးပြီးချင်းမှာဘဲ ပေါက်ကွဲသွားတာ ဖြစ်ပြီး ဒုံးကျည် အမျိုးအစားကို ဆန်းစစ်နေပါတယ်လို့ ဖော်ပြထားပါတယ်။

ဗွီအိုအေ (မြန်မာပိုင်း)
http://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ