ဦးဝင်းတင် အမည်နဲ့ ပန်းခြံထားပေးဖို့ တောင်းဆို

( ရန်ကုန် ရေဝေးသုဿာန်မှာရှိတဲ့ အမျိုးသားဒီမိုကရေစီအဖွဲ့ချုပ် သဘာပတိအဖွဲ့ဝင်၊ သတင်းစာဆရာ၊ စာရေးဆရာကြီး ဟံသာဝတီ ဦးဝင်းတင် ရဲ့ အုတ်ဂူကို တွေ့ရစဉ် )Photo: Thant Zin Oo/RFA
အမျိုးသားဒီမိုကရေစီအဖွဲ့ချုပ် သဘာပတိအဖွဲ့ဝင်၊ သတင်းစာဆရာ၊ စာရေးဆရာကြီး ဟံသာဝတီ ဦးဝင်းတင် နာမည်နဲ့ ပန်းခြံတစ်ခုဆောက်လုပ်ပေးဖို့ ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်း ကို အမျိုးသားဒီမိုကရေစီအဖွဲ့ချုပ် နာယက သူရဦးတင်ဦးက တောင်းဆိုလိုက်ပါတယ်။

ရန်ကုန်မြို့ ဗဟန်းမြို့နယ် တော်ဝင်နှင်းဆီခန်းမမှာကျင်းပတဲ့ ဆရာကြီး ဦးဝင်းတင် ကွယ်လွန်ခြင်း ၃ နှစ်ပြည့်အခမ်းအနားမှာ အခုလိုတောင်းဆိုလိုက်တာဖြစ်ပါတယ်။

ဒီနေ့ ဆရာကြီး ဦးဝင်းတင် ကွယ်လွန်ခြင်း ၃ နှစ်ပြည့် အထိမ်းအမှတ်အခမ်းအနားတွေကို ရန်ကုန်မြို့နဲ့ မန္တလေးမြို့တွေမှာ ကျင်းပခဲ့ကြပါတယ်။

ရန်ကုန်မြို့မှာ ကျင်းပတဲ့အခမ်းအနားကို အမျိုးသားဒီမိုကရေစီအဖွဲ့ချုပ် နာယက သူရဦးတင်ဦး၊ ရန်ုကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်း၊ စာရေးဆရာ ဦးမိုးသူ၊ မုံရွာအောင်ရှင်နဲ့ ၈၈ မျိုးဆက် ပွင့်လင်းလူ့အဖွဲ့အစည်းက ဦးမင်းကိုနိုင် တို့က ဂုဏ်ပြုစကား ပြောကြားခဲ့ပါတယ်။

အဲဒီနောက် အဖွဲ့အစည်းအသီးသီးကနေ ပေးပို့တဲ့ အောက်မေ့ဖွယ် သဝဏ်လွှာတွေနဲ့ ဂုဏ်ပြုကဗျာတွေလည်း ဖတ်ကြားခဲ့ကြပါတယ်။

မန္တလေးမြို့ တောင်သမန်အင်းစောင်းက တောင်လေးလုံးကျောင်းတိုက်မှာ အခမ်းအနားကို ကျင်းပခဲ့ပါတယ်။

အခမ်းအနားကို သတင်းစာဆရာကြီး ဦးဝင်းတင်နဲ့ မန္တလေးမြို့က လုပ်ဖေါ်ကိုင်ဖက် သတင်းစာဆရာတွေ၊ စာရေးဆရာတွေ၊ နိုင်ငံရေးအင်အားစုတွေ တက်ရောက်ခဲ့ပါတယ်။

ဆရာကြီး ဦးဝင်းတင်ဟာ ၂၀၁၄ ခုနှစ် ဧပြီ ၂၁ ရက်နေ့မှာ ရန်ကုန်ပြည်သူ့ဆေးရုံကြီးမှာ ကွယ်လွန်ခဲ့တာဖြစ်ပြီး ကွယ်လွန်ချိန်မှာ အသက် ၈၄ နှစ်ရှိပြီဖြစ်ပါတယ်။

RFA Burmese
https://www.facebook.com/rfaburmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ