အေမရိကန္သူလၽွိုအျဖစ္ စြပ္စြဲခံရသူ ေနရပ္ျပန္ေရာက္



Share/Bookmark
 မစၥ ဖန္ ဂီးလ္လစ္စ္ဟာ အေမရိကန္ ျပည္ေထာင္စု တကၠဆက္ျပည္နယ္ ဟ်ဴစတန္ၿမိဳ႕က ကုန္သြယ္ေရးအဖြဲ႕တဖြဲ႕နဲ႔ တ႐ုတ္နိုင္ငံကို လိုက္ပါလာခဲ့
တ႐ုတ္နိုင္ငံမွာ သူလၽွိုလုပ္တယ္လို႔ စြပ္စြဲခံရၿပီး လြန္ခဲ့တဲ့ ၂ ႏွစ္က အဖမ္းခံခဲ့ရတဲ့ အေမရိကန္နိုင္ငံသူ ဆန္ဒီ ဖန္ ဂီးလ္လစ္စ္ဟာ ျပည္ႏွင္ဒဏ္ေပးခံရအၿပီးမွာ ေနရပ္ အေမရိကန္ ျပည္ေထာင္စုကို ျပန္လည္ေရာက္ရွိလာပါတယ္။

အခုလို ျပန္လည္ေရာက္ရွိလာတဲ့ တ႐ုတ္အႏြယ္ဝင္ ဗီယက္နမ္ဖြား အေမရိကန္နိုင္ငံသူ မစၥ ဖန္ ဂီးလ္လစ္စ္ကို လြတ္ေျမာက္လာေရးအတြက္ လွုပ္ရွားေဆာင္ရြက္ေပးခဲ့တဲ့ ခင္ပြန္းျဖစ္သူက ႀကိဳဆိုခဲ့ပါတယ္။

စီပြားေရးသမားတေယာက္ျဖစ္သူ မစၥ ဖန္ ဂီးလ္လစ္စ္ဟာ အေမရိကန္ ျပည္ေထာင္စု တကၠဆက္ျပည္နယ္ ဟ်ဴစတန္ၿမိဳ႕က ကုန္သြယ္ေရးအဖြဲ႕တဖြဲ႕နဲ႔ တ႐ုတ္နိုင္ငံကို လိုက္ပါလာခဲ့ၿပီး တ႐ုတ္ျပည္တြင္း မကာအိုဘက္ကို အသြားမွာ ထိန္းသိမ္းခံခဲ့ရတာ ျဖစ္ပါတယ္။

မစၥ ဖန္ ဂီးလ္လစ္စ္ဟာ ၁၉၉၆ ခုႏွစ္မွာ တ႐ုတ္နိုင္ငံကို ေထာက္လွမ္းေရး ခရီးစဥ္ ၂ ႀကိမ္လာေရာက္ခဲ့ၿပီး အေမရိကန္မွာ ရွိတဲ့ တ႐ုတ္ သူလၽွို ၂ ေယာက္ကို တဖက္လွည့္နဲ႔ ျပန္ခိုင္းနိုင္ေအာင္ လုပ္ေရးမွာ အက္ဖ္ဘီအိုင္နဲ႔ ပူးေပါင္းခဲ့တယ္ဆိုၿပီး တ႐ုတ္အစိုးရက စြပ္စြဲခဲ့တာ ျဖစ္ပါတယ္။

ၿပီးခဲ့တဲ့ အပတ္မွာ တ႐ုတ္ တရား႐ုံးတ႐ုံးက သူ႔ကို ေထာင္ သုံးႏွစ္ခြဲနဲ႔ ျပည္ႏွင္ဒဏ္ တၿပိဳင္နက္ထဲ ခ်မွတ္ခဲ့တာေၾကာင့္ ေထာင္ဒဏ္နဲ႔ ျပည္ႏွင္ဒဏ္ ဘယ္ျပစ္ဒဏ္ အရင္ခံရမလဲဆိုတာ မေသ မခ်ာ ျဖစ္ေနခဲ့တာပါ။

BBC Burmese
http://www.bbc.com/burmese

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ