စနေဂြိုလ်ရဲ့လမှာ သက်ရှိနေနိုင်

စနေဂြိုလ်ရဲ့လ (Courtesy NASA)
စနေဂြိုဟ် (Saturn) မှာ ရှိတဲ့ လဟာ သက်ရှိသတ္တဝါတွေ နေထိုင်နိုင်မယ့် နေရာသစ် အဖြစ် ရှိနေတယ်လို့ အမေရိကန် အာကာသ စူးစမ်း လေ့လာရေးအဖွဲ့ နာဆာက ပြောပါတယ်။

ဒီလရဲ့ မျက်နှာပြင်မှာ အေးခဲနေတဲ့ သမုဒ္ဒရာပြင်နဲ့ ဖုံးလွှမ်းနေတာကို နာဆာကနေ လွှတ်တင်ထားတဲ့ Cassini အာကာသယာဉ်ကနေ တွေ့ရှိခဲ့ရပြီး အဲဒီမှာ ဟိုက်ဒရိုဂျင် ဓါတ်ငွေ့ အမြောက်အများ ရှိနေတယ်လို့ ပြောပါတယ်။ ဒီဓါတ်ငွေ့ဟာ လူသားတွေနဲ့ တခြားသက်ရှိတွေ အသက်ရှင်နေနိုင်ရေးအတွက် အဓိက ဓါတုစွမ်းအင်တမျိုးလို့ ဝါရှင်တန်မှာ ရှိတဲ့ နာဆာ သိပ္ပံအဖွဲ့က Thomas Zurbuchen ကပြောပါတယ်။

Enceladus လို့ခေါ်တဲ့ ဒီစနေဂြိုဟ်ရဲ့ လဟာ သက်ရှိတွေ ရှင်သန်ရေးအတွက် လိုအပ်တဲ့ အခြေနေတွေ ရှိနေတဲ့ ဂြိုဟ်တလုံးဖြစ်ပြီး ဒီဂြိုဟ်ကို တွေ့ရှိတာကနေ စင်္ကြာဝဋ္ဌာကြီးထဲမှာ လူသားတွေ နေထိုင်ရာကမ္ဘာဟာ အထီးကျန်မဟုတ်ပဲ တခြားသက်ရှိနေနိုင်တဲ့ ဂြိုဟ်တွေ ရှိနေတယ် ဆိုတာကို ပြောနိုင်ဖို့ နီးစပ်လာပြီလို့လည်း နာဆာက ကျေညာချက် ထုတ်ပြန် ပြောဆိုပါတယ်။

Cassini အာကာသယာဉ် စီမံကိန်းက သုတေသန ပညာရှင်တွေရဲ့ ဒီတွေ့ရှိချက်ကို ကြာသပတေးနေ့က သိပ္ပံစာစောင်မှာ တင်ပြထားပါတယ်။ ဒီအာကာသယာဉ်ကနေ ၂၀၁၅ အောက်တိုဘာလ ထဲမှာပဲ စနေဂြိုဟ်ရဲ့ လ Enceladus ကနေ ထွက်နေတဲ့ ဓါတ်ငွေ့တန်းထဲမှာ ဟိုက်ဒရိုဂျင်ဓါတ် ပါဝင်နေတာ ကို တိုင်းတာ နိုင်ခဲ့ပါတယ်။ ဒီဓါတ်ငွေ့တန်းမှာ ရေက ၉၈ % လောက်ပါဝင်ပြီး ဟိုက်ဒရိုဂျင်က ၁ % လောက် ပါနေသလို ကာဗွန်ဒိုင် အောက်ဆိုက်၊ မီသိန်းနဲ့ အမိုးနီးယားဓါတ်တွေလည်း ပါဝင်နေတာပါ။

သက်ရှိတွေ ရှင်သန်နိုင်ဖို့ အဓိကအဖြစ် ရေ၊ စွမ်းအားပေးနိုင်မယ့် အရင်းမြစ် နဲ့ ဟိုက်ဒရိုဂျင်၊ နိုက်ထရိုဂျင်၊ အောက်ဆီဂျင်နဲ့ တခြား ဓါတ်ငွေ့တွေ ပါဝင်တဲ့ ဒြပ်ပေါင်းတွေ လိုအပ်ပါတယ်။

ဗွီအိုအေ (မြန်မာပိုင်း)
http://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ