မြောက်ကိုရီးယား နောက်ထပ်ရန်မလုပ်ဖို့ အမေရိကန်သတိပေး

အမေရိကန်သမ္မတ Donald Trump။
မြောက်ကိုရီးယားနိုင်ငံမှာ အရေးပါဆုံး နိုင်ငံတော် အားလပ်ရက်ဖြစ်တဲ့ Kim Il Sung မွေးနေ့ အထိမ်းအမှတ် လူထုစုဝေးမှုတွေလုပ်ဖို့ ပြင်ဆင်နေပြီး နျူကလီးယား စမ်းသပ် ပစ်လွှတ်တာတွေလည်း လုပ်နိုင်တယ်ဆိုတဲ့ သတင်းတွေ တိုးလာနေတာနဲ့အမျှ မြောက်ကိုရီးယား အစိုးရအနေနဲ့ နောက်ထပ် ရန်လိုတဲ့လုပ်ရပ်တွေ ထပ်ပြီးမလုပ်ဖို့ အမေရိကန်သမ္မတ Donald Trump က ကြာသပတေးနေ့မှာ ထပ်မံ သတိပေးလိုက်ပါတယ်။

ပြဿနာတခု ဖြစ်နေတဲ့ မြောက်ကိုရီးယားကို ကောင်းကောင်း ကိုင်တွယ်သွားနိုင်မှာပါလို့လည်း သမ္မတ Trump က အိမ်ဖြူတော်မှာ ပြောသွား ပါတယ်။ ဒီအပေါ်မှာ မြောက်ကိုရီးယား ဒု နိုင်ငံခြားရေးဝန်ကြီး Han Song Ryol ကတော့ - ကိုရီးယားကျွန်းဆွယ် ဟာ အခုဆိုရင် ဆိုးယုတ်တဲ့ အခြေအနေတခုမှာ ရောက်နေပြီး အမေရိကန်ဘက်က လက်ဦးမှုယူပြီး လေကြောင်းကနေ တိုက်ခိုက်လာတာ မျိုးကို မြောက်ကိုရီးယားအနေနဲ့ ဒီအတိုင်း လက်ပိုက်ကြည့်နေမှာ မဟုတ်ဘူးလို့ အေပီသတင်းဌာနနဲ့ တွေ့ဆုံမေးမြန်းချိန်မှာ ပြောပါတယ်။

အမေရိကန်သမ္မတ Trump က တွီတာလူမှုကွန်ရက်မှာ ပြောဆိုရေးသားနေတာတွေဟာ ပြဿနာရှိပြီး တင်းမာမှုတွေ ပိုတိုးစေတယ်လို့လည်း အေပီသတင်းဌာနနဲ့ သီးခြား တွေ့ဆုံ မေးမြန်းခန်းအတွင်း မစ္စတာ Han က ပြစ်တင် ပြောသွားပါတယ်။ တရုတ်အစိုးရကတော့ မြောက်ကိုရီး ယားကိုရော၊ အမေရိကန်ကိုပါ အပြန်အလှန် ခြိမ်းခြောက်မှုတွေ ရပ်ပြီး တွေ့ဆုံ ဆွေးနွေးနိုင်အောင် ကြိုးစားဖို့ တိုက်တွန်းထားပါတယ်။

ပြန်လည် ပြင်ဆင်လို့မရတဲ့ ထိန်းမနိုင်သိမ်းမရ အခြေအနေတခုကို ရောက်ပြီး ပဋိပက္ခကို ပိုမို ဆိုးရွားသွားအောင် ဘယ်ဘက်ကမှ မလုပ်သင့်ဘူးလို့ တရုတ်နိုင်ငံခြားရေးဝန်ကြီး Wang Yi က ဒီကနေ့ ဘေဂျင်းမြို့တော်မှာ ပြောဆိုသွားတာပါ။

ဗွီအိုအေ (မြန်မာပိုင်း)
http://burmese.voanews.com
မြောက်ကိုရီးယား နောက်ထပ်ရန်မလုပ်ဖို့ အမေရိကန်သတိပေး မြောက်ကိုရီးယား နောက်ထပ်ရန်မလုပ်ဖို့ အမေရိကန်သတိပေး Reviewed by THITHTOOLWIN on 20:25 Rating: 5
Powered by Blogger.