ကိုလံဘိုမြို့အမှိုက်ပုံပြိုကျမှု သေဆုံးသူ ၁၆ ယောက်ရှိပြီ

 လောလောဆယ်မှာတော့ ဒီအမှိုက်ပုံမှာ အမှိုက်ဆက်ပစ်ခွင့် မပေးတော့ဘူးလို့ အစိုးရ ကြေညာထား
သီရိလင်္ကာနိုင်ငံရဲ့ မြို့တော် ကိုလံဘိုရဲ့ ဆင်ခြေဖုံးအရပ်မှာရှိတဲ့ ဧရာမ အမှိုက်ပုံ ပြိုကျမှုကြောင့် သေဆုံးရသူ အရေအတွက် ၁၆ ယောက် ရှိသွားပြီလို့ ကယ်ဆယ်ရေးလုပ်နေတဲ့ အစိုးရ စစ်တပ်က ပြောပါတယ်။

ပြီးခဲ့တဲ့ သောကြာနေ့မှာ အဲဒီအမှိုက်ပုံ အနီးနားမှာ နေထိုင်ကြသူတွေက တမီလ်နဲ့ ဆင်ဟာလာ နှစ်သစ်ကူး ပွဲတော် ဆင်နွှဲနေတဲ့ အချိန်မှာပဲ တန်နဲ့ ချီတဲ့ ပုပ်ပွနေတဲ့ အမှိုက်တွေက အိမ်ခြေ တရာကျော်လောက်ရဲ့ အပေါ်ကို ဖုံးလွှမ်းသွားခဲ့တာ ဖြစ်ပါတယ်။

အခုလို ပေ ၃၀ဝ လောက်မြင့်တဲ့ အမှိုက်ပုံ ပြိုကျမှုဟာ လတ်တလော မီးလောင်မှုနဲ့ မိုးကြီးမှုတွေကြောင့် ဖြစ်ပြီး ရာနဲ့ချီတဲ့ အစိုးရစစ်သားတွေက အသက်ရှင်ကျန်ရစ်သူတွေကို ဆက်လက် ရှာဖွေမှုတွေ ပြုလုပ်နေပါတယ်။

ကိုလွန်နာဝါ အရပ်မှာရှိတဲ့ ဒီအမှိုက်ပုံမှာ အမှိုက်တန်ချိန် ၂၃ သန်းလောက် ရှိနိုင်ပြီး ဒီအမှိုက်ပုံ ရှင်းလင်းရေး ကိစ္စအတွက် နိုင်ငံတွင်း ပါလီမန်မှာ တင်ပြခဲ့ဖူးပေမယ့် အခုအချိန်အထိ မရှင်းလင်းရသေးပဲ ဖြစ်နေတာပါ။

လောလောဆယ်မှာတော့ ဒီအမှိုက်ပုံမှာ အမှိုက်ဆက်ပစ်ခွင့် မပေးတော့ဘူးလို့ အစိုးရ ကြေညာထားပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ