မန္တလေးမြို့မှာ သင်္ကြန်အကြိုနေ့ တစ်ရက်တည်းအတွင်း ဆေး ရုံရောက်သူ တစ်ရာကျော်ရှိ

မန္တလေးဆေးရုံကြီး အရေးပေါ်လူနာလက်ခံကုသဆောင်ကို ရောက်လာတဲ့ လူနာတင်ယာဉ်တစ်စီးကို ဧပြီလ ၁၄ ရက်နေ့က တွေ့ရစဉ်/Photo: Hset Paing Toe/RFA
မန္တလေးမြို့မှာ သင်္ကြန်အကြိုနေ့တစ်ရက်အတွင်း ယာဉ်မတော်မဆမှုနဲ့ ခိုက်ရန်ဖြစ်ပွားမှုတွေကြောင့် ထိခိုက် ဒဏ်ရာရရှိသူ ၁၁၆ ဦး ဆေးရုံကိုရောက်ရှိခဲ့ပြီး တစ်ဦးသေဆုံးခဲ့တယ်လို့ မန္တလေးအထွေထွေရောဂါ ကုဆေးရုံကြီး ဆေးလူမှုဆက်ဆံရေးဌာန က ပြောပါတယ်။

အဲဒီသူတွေထဲမှာ ကျိုးပဲ့ဒဏ်ရာနဲ့ ပွန်းပဲ့ ဒဏ်ရာ ရရှိသူတွေ များတယ်လို့ မန္တလေးဆေးရုံကြီး အရေးပေါ် လူနာလက်ခံကုသဆောင်မှာ အခမဲ့ဝန်ဆောင်မှုပေးနေတဲ့ မဏီစလ လူမှုကူညီရေးအဖွဲ့ က ဦးနေမင်းထွန်း က ပြောပါတယ်။

မနေ့က သင်္ကြန်အကြိုနေ့မှာ မန္တလေးမြို့ ဆေးရုံကြီးကို ရောက်ရှိလာတဲ့ အတွင်းလူနာ ၅၀ ကျော်နဲ့ ပြင်ပလူနာ ၆၀ ကျော် ရောက်ရှိပြီး ၂၂ ဦးကို အရိုးကျောဆေးရုံမှာ လွှဲပြောင်းကုသထားတယ်လို့ သိရပါတယ်။

ဆေးရုံရောက်ရှိလာသူတွေထဲက ထက်ဝက်ကျော်ဟာ အရက်သေစာနဲ့ မူးယစ်ဆေးဝါးကို သုံးစွဲထားသူတွေဖြစ် တယ်လို့ ဆေးရုံတာဝန်ရှိသူတွေက ပြောပါတယ်။

သင်္ကြန်အတွင်း ခိုက်ရန်ဖြစ်ပွားမှုနဲ့ ထိခိုက်ဒဏ်ရာရရှိသူအများစုဟာ ညနေ ၅ နာရီကနေ ၁၀ နာရီအတွင်းမှာ အများဆုံး ဖြစ်ပွားလေ့ရှိတယ်လို့ ဆေးရုံမှတ်တမ်းအရ သိရပါတယ်။

ပြီးခဲ့တဲ့နှစ် မန္တလေးသင်္ကြန်မှာ ထိခိုက်ဒဏ်ရာရရှိသူ ၈၀၀ ဦးခန့်ရှိခဲ့ပြီး ၂၀ ဦး သေဆုံးခဲ့တယ်လို့ မန္တလေးအထွေထွေရောဂါကုဆေးရုံကြီး မှတ်တမ်းတွေအရ သိရပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ