ကမ္ဘာတ၀ှမ်း အီစတာပွဲတော်များ

Easter sunday ပွဲတော်

ကမ္ဘာတလွှားက ခရစ်ယာန် ဘာသာဝင်တွေ ဒီကနေ့ တနင်္ဂနွေနေ့မှာ အီစတာပွဲတော်တွေကို ကျင်းပနေကြပါတယ်။

ယေရှုခရစ်တော် သေဆုံးရာကနေ ပြန်လည် ရှင်ပြန် ထမြောက်ရာနေ့ အဖြစ် ခရစ်ယာန် ဘာသာဝင်တွေ သက်ဝင်ယုံကြည်ကြတဲ့ အီစတာနေ့ကတော့ ခရစ်ယာန် ပြက္ခဒိန်ရဲ့ အကြီးမြတ်ဆုံး နေ့ထူးနေ့မြတ် ဖြစ်ပါတယ်။

ကက်သလစ် သာသနာပိုင် ပုပ်ရဟန်းမင်းကြီး ဖရန့်စစ် သတင်းသုံးရာ ဗာတီကန် နန်းတော်က အီစတာ ပွဲတော်မှာတော့ တက်ရောက်သူ အများအပြား ရှိခဲ့ပြီး လုံခြုံရေးကိုလည်း တင်းတင်းကျပ်ကျပ် ချထားပါတယ်။

ခရစ်တော် ရှင်ပြန်ထမြောက်ရာနေ့ - အီစတာ အကြို မနေ့ စနေနေ့ကတော့ ပုပ်ရဟန်းမင်းကြီး ဖရန့်စစ်က ရွှေ့ပြောင်းအခြေချသူတွေ၊ ဆင်းရဲသားတွေနဲ့ ဖယ်ကျဉ်ခံထားရသူတွေ အပေါ် ပြုမူ ဆက်ဆံပုံတွေကို ရှုတ်ချခဲ့ပါတယ်။ နေ့စဉ်နဲ့ အမျှ တရားမမျှတမှုတွေ အဂတိလိုက်စားမှုတွေကြောင့် ဒီလူတွေရဲ့ လူ့ဂုဏ်သိက္ခာကို ကားစင်တင်ပြီး အဆုံးစီရင်ခံနေရတယ်လို့လည်း ပုပ်ရဟန်းမင်းကြီးက မိန့်ကြားသွားပါတယ်။

အီဂျစ်နိုင်ငံမှာတော့ ကော့ပတစ် ခရစ်ယာန် ဘုရားကျောင်းတွေ ဗုံးခွဲ တိုက်ခိုက်ခံရပြီး ဒါဇင်နဲ့ချီ သေဆုံး ၁၀၀ ကျော် ဒဏ်ရာရခဲ့ပြီးနောက်မှာတော့ ဒီကနေ့ ကျရောက်တဲ့ ခရစ်ယာန်တွေရဲ့ အီစတာ ပွဲတော် ကာလ အတွင်း လုံခြုံရေးကို အထူးတိုးမြှင့်ထားပါတယ်။

ဗွီအိုအေ (မြန်မာပိုင်း)
http://burmese.voanews.com