မြောက်ကိုရီးယားတပ်မတော်နေ့အကြို တောင်ကိုရီးယား တပ်လှန့်ထား

မြောက်ကိုရီးယား စစ်ရေးပြအခမ်းအနား။ (ဧပြီ ၁၅-၂၀၁၇)
မြောက်ကိုရီးယားမှာ အရေးကြီးတဲ့ နှစ်ပတ်လည်နေ့တနေ့ နီးကပ်လာနေတဲ့အတွက် အရေးပေါ် တပ်လှန့်ထားကြောင်း တောင်ကိုရီးယားက ဒီကနေ့ပဲ ပြောဆိုလိုက်ပါတယ်။ မြောက်ကိုရီးယားက နျူကလီးယား စမ်းသပ်မှုတခု ထပ်လုပ်မယ့် သတင်းတွေနဲ့အတူ ၂ နိုင်ငံ နယ်စပ် ဒေသမှာလည်း စစ်အင်အားတွေ တိုးမြှင့်ထားတာပါ။

တရုတ်နိုင်ငံမှာလည်း ဗုံးကြဲလေယာဉ်တွေရဲ့ လှုပ်ရှားမှုတွေဟာ ပုံမှန်ထက်ပိုများ နေတဲ့အတွက် အသင့်အနေအထား ပြင်ဆင်ထားပုံရကြောင်း အမေရိကန် တာဝန်ရှိသူတွေက ပြောပါတယ်။ ဒါပေမဲ့လည်း မြောက်ကိုရီးယားရဲ့ တဦးတည်းသော မဟာမိတ်ဖြစ်တဲ့ တရုတ်နိုင်ငံကတော့ သိပ်မစိုးရိမ်တဲ့ သဘောထားမျိုး ပြောဆိုထားတာပါ။ ရုရှားနိုင်ငံကလည်း မြောက်ကိုရီးယားနဲ့ နယ်စပ်အနီး စစ်လက်နက်နဲ့ အင်အား တိုးမြှင့်ချထားကြောင်း သတင်းတွေ ထွက်ပေါ်နေတာနဲ့ ပတ်သက်လို့ မဟုတ်မှန်ကြောင်း အစိုးရပြောခွင့်ရသူကို ကိုးကားပြီး RIA ရုရှားသတင်းဌာနက ဖော်ပြခဲ့ပါတယ်။

ကုလသမဂ္ဂရဲ့ တားမြစ်ချက်ကို ချိုးဖောက်ပြီး မြောက်ကိုရီးယားက နောက်ထပ် နျူကလီးယား စမ်းသပ်မှုတခု မကြာခင် ပြုလုပ်ဖို့ ရှိနေတဲ့အကြောင်း အမေရိကန်နဲ့ တောင်ကိုရီးယား အစိုးရတာဝန်ရှိသူတွေက မကြာသေးခင် သီတင်းပတ်တွေမှာကတည်းက ပြောဆိုနေကြတာပါ။

နောက်တကြိမ် နျူကလီးယား စမ်းသပ်မယ့် အစီအစဉ်နဲ့ ပတ်သက်လို့ အမေရိကန်ရော၊ တရုတ်နိုင်ငံကပါ မြောက်ကိုရီးယားကို သတိပေးထားပါတယ်။ မြောက်ကိုရီးယားက အင်္ဂါနေ့ကျရင် ၈၅ ကြိမ်မြောက် ကိုရီးယားပြည်သူ့တပ်မတော် ထူထောင်တဲ့ အထိမ်းအမှတ်အဖြစ် ကျင်းပဖို့ ရှိနေပြီး၊ ဆောင်းရာသီ စစ်ရေးလေ့ကျင့်မှုတွေ အဆုံးသတ်ချိန်မှာ တိုက်ဆိုင်ကျင်းပမှာ ဖြစ်တယ်လို့လည်း တောင်ကိုရီးယားနိုင်ငံက ပြန်လည်ပေါင်းစည်းရေး ၀န်ကြီးဌာန ပြောခွင့်ရသူ Lee Duk-haeng ကပြောပါတယ်။

နျူကလီးယားကိစ္စ အပါအ၀င် မြောက်ကိုရီးယား အရေးဆွေးနွေးဖို့ အမေရိကန်၊ တောင်ကိုရီးယားနဲ့ ဂျပန်နိုင်ငံတွေက ထိပ်တန်းသံတမန်တွေ အင်္ဂါနေ့မှာ တွေ့ဆုံဖို့ စီစဉ်ထားကြောင်းလည်း တောင်ကိုရီးယား နိုင်ငံခြားရေးဝန်ကြီးဌာနက ပြောပါတယ်။

ဗွီအိုအေ (မြန်မာပိုင်း)
http://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ