ပုဏ္ဏားကျွန်းနှင့် ယိုးတရုတ်ကြား ၀ါးတားဂိတ်များပြုလုပ်ကာ အလှူငွေကောက်ခံမှုများကို ကျေးရွာအုပ်ချုပ်ရေးမှူးများ တားဆီးပေးရန် လိုအပ်

ရခိုင်ဂေဇက် ၊ ဧပြီ ၁၅

သင်္ကြန်ကာလအတွင်း ပုဏ္ဏားကျွန်းမြို့နှင့် ယိုးတရုတ်ကျေးရွာအကြား ကျေးရွာ ရေလောင်း မဏ္ဍုပ်များမှ ၀ါးတားဂိတ် ၊ ကြိုးတားဂိတ် ၊ တုံးတားဂိတ်များ ပြုလုပ်ကာ အလှူငွေ ကောက်ခံမှုများကို ကျေးရွာအုပ်ချုပ်ရေးမှူးများက တားဆီးပေးရန် လိုအပ်ကြောင်း ဘုရားဖူးပြည်သူများနှင့် မော်တော်ဆိုင်ကယ် စီးနှင်းသွားလာသူများက ပြောသည်။

ယင်းသို့ ကားလမ်းမပေါ်၌ တားဂိတ်များဖြင့် အလှူငွေထည့်ခိုင်းခြင်းမှာ ရွာသားများမှ ဆွမ်းလှူရန် ၊ အအေးလှူရန် ပြောဆို ကောက်ခံသော်လည်း ကျေးရွာတစ်ရွာတွင် တာဂိတ် ၂ ခုကနေ ၃ ခု အထိ တားဆီးကောက်ခံနေသည့်အတွက် အများပြည်သူများ စိတ်အနှာင့်အယှက် ဖြစ်နေရေကြောင်း ဖြတ်သွား ဖြတ်လာများက ဆိုသည်။

ယိုးတရုတ်ကျေးရွာသား တစ်ဦးကတော့ ယင်းသို့အလှူငွေကောက်ခံခြင်းမှာ ဘာသာရေးကို ခုတုံး လုပ်ခြင်းသာ ဖြစ်သည်ဟု ပြစ်တင်ဝေဖန်သည်။

ပုဏ္ဏားကျွန်းနှင့် ယိုးတရုတ်ကျေးရွာအကြား ယင်းသို့ တားဂိတ်အရေအတွက်မှာ ၅၀ ကျော်လောက်ရှိသည့်အတွက် တားဂိတ် တခုလျှင် ငွေ ၁၀၀ ထည့်ပေးရလျှင် ခရီးသွား ပြည်သူ တဦး အနည်း ဆုံး ငွေ ၅၀၀၀ ကျပ် ကုန်ကျမှုရှိကြောင်း ၊ ထိုကဲ့သို့ ကားလမ်မပေါ်၌ တားဂိတ်များ လုပ်ကာ ငွေကောက်ခံမှုများ တွင်ကျယ်လာသည့်အတွက် အသက် ၁၀ နှစ်အောက် ကလေးငယ်များကပါ အတုယူမှုလွဲမှားကာ တချို့နေရာတွင် တားဂိတ်များဖြင့် ငွေတောင်းခံမှုများ ရှိကြောင်း ၊ ဧပြီလ ၁၄ ရက်နေ့ ကွမ်းတောင်အလွန် မင်းချောင်းတံတား ထိပ်တွင် အသက် ၁၀ နှစ်အောက် ကလေးငယ် ၃ ဦး ၀ါးတစ်လုံးဖြင့် တားကာ လာသမျှ ဆိုင်ကယ်နှင့် ကားများကို တားဆီး ကောက်ခံသည်ကို အများပြည်သူများ တွေ့မြင်ခဲ့ရသည်။

Rakhine Gazette
https://www.facebook.com/RakhineGazetteJournal/