တောင်ကိုရီးယားက ကန်ရဲ့ထောက်ခံမှုအရင်ထက် ပိုရမယ်


 မြောက်ကိုရီးယားဟာ စနေနေ့ကပဲ အမေရိကန်နဲ့ စစ်ဖြစ်ဖို့ ဝန်မလေးဘူးလို့ ကြိမ်းဝါးထားခဲ့ပြီး နောက်တနေ့မှာ ဒုံးကျည်စမ်းသပ်မှုကို ပြုလုပ်ခဲ့တာပါ
မြောက်ကိုရီးယားရဲ့ မအောင်မြင်တဲ့ ဒုံးကျည်စမ်းမှုအပြီး နာရီပိုင်းအတွင်းမှာပဲ တောင်ကိုရီးယားကိုရောက်ရှိလာတဲ့ အမေရိကန်ဒုသမ္မတ မိုက်ပန့်စ်က တောင်ကိုရီးယားကို အခုလို အချိန်မျိုးမှာ အရင်ကထက်ပိုပြီး ထောက်ခံမှုပေးမယ်လို့ ပြောဆိုလိုက်ပါတယ်။

တောင်ကိုရီးယား နိုင်ငံခြားရေးဌာနရဲ့ ပြောခွင့်ရ ပုဂ္ဂိုလ် ချိုးဂျွန်းဟျော့ကတော့

'မြောက်ကိုရီးယားဟာ မနေ့ကလဲ ဒုံးကျည်တွေ အမျိုးမျိုး ပြတဲ့အပြင် ဒီနေ့လဲ ဒုံးကျည်ထပ်စမ်းပြီး တကမ္ဘာလုံးကို ခြိမ်းခြောက်နေတယ်ဆိုတော့ နောက်ထပ် ဒါမျိုးတွေ ထပ်လုပ်လာရင် ကျနော်တို့ကလည်း ပြင်းပြင်းထန်ထန် တုန့်ပြန်သွားမယ်' လို့ ပြောခဲ့ပါတယ်။

မြောက်ကိုရီးယားရဲ့ ဒုံးကျည်စမ်းသပ်မှု မအောင်မြင်တာဟာ တွက်ဆထားပြီးသား ကိစ္စမဟုတ်ဘူးလို့လည်း မစ္စတာ မိုက်ခ်ပန့်စ်နဲ့အတူ ပါဝင်လာတဲ့ အမေရိကန် အရာရှိတွေက ပြောဆိုထားပါတယ်။

မြောက်ကိုရီးယားဟာ စနေနေ့ကပဲ အမေရိကန်နဲ့ စစ်ဖြစ်ဖို့ ဝန်မလေးဘူးလို့ ကြိမ်းဝါးထားခဲ့ပြီး နောက်တနေ့မှာ ဒုံးကျည်စမ်းသပ်မှုကို ပြုလုပ်ခဲ့တာပါ။

တောင်ကိုရီးယားကို ရောက်ရှိနေတဲ့ မစ္စတာ ပန့်စ်ဟာ ကိုရီးယားစစ်ပွဲအတွင်းက သေဆုံးသူတွေရဲ့ ဂူဗိမာန်ကိုလည်း သွားရောက်လည်ပတ်ခဲ့ပြီး တနင်္လာနေ့ကျမှ တောင်ကိုရီးယားခေါင်းဆောင်တွေနဲ့ တွေ့ဖို့ စီစဉ်ထားတာ ဖြစ်ပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ