JJ-Express ခရီးသည်တင်ယာဉ်အား ကျောက်ခဲဖြင့် ပစ်ပေါက်သူ ဖမ်းဆီးမိ

ခရီးသည်တင်ယာဉ်ကို ခဲဖြင့်ပစ်ပေါက်သူအား အမှုဖွင့်အရေးယူထား
နေပြည်တော်၊ မတ် ၂၃

 ပဲခူးတိုင်းဒေသကြီး၊ အုတ်တွင်း မြို့နယ်၊ ရန်ကုန်-မန္တလေး အမြန်လမ်းမကြီး၊ မိုင်တိုင်အမှတ်(၁၄၃/၆)အနီးတွင် ၂၀၁၇ ခုနှစ်၊ မတ်လ ၂၂ ရက်နေ့ နံနက် ၂ နာရီ ၄၅ မိနစ်အချိန်က JJ-Express ခရီးသည်တင်ယာဉ်အား ကျောက်ခဲဖြင့် ပစ်ပေါက်သူကို အမှုဖွင့် အရေးယူထား ကြောင်း သိရပါသည်။

 နေပြည်တော်ဘက်မှ ရန်ကုန်ဘက်သို့ ရန်ကုန်တိုင်းဒေသကြီး၊ ကွမ်းခြံကုန်းရပ်ကွက်နေ ဦးဇော်နိုင်လင်း(၃၈)နှစ် မောင်းနှင် လာသည့် 3K/×××× JJ-Express ခရီးသည်တင်ယာဉ်အား လူတစ်ဦးမှ ခဲဖြင့်ပစ်ပေါက်ကြောင်း သတင်းအရ ဗောဓိကုန်းအမြန်လမ်းမကြီးရဲစခန်းမှ တပ်ဖွဲ့ဝင်များ၊ အမြန်လမ်းမီးသတ်တပ်ဖွဲ့ဝင်များက သက်သေများနှင့်အတူ သွားရောက်၍ လိုက်လံရှာဖွေဖမ်းဆီးခဲ့ပါသည်။

ထိုသို့ ရှာဖွေဖမ်းဆီးရာတွင် ရေလျှံကျေးရွာထိပ်၌ ကြွယ်ဂံ ကျေးရွာနေ ဆန်းလင်းအောင်(၂၅)နှစ်အား လက်ထဲ၌ ကျောက်ခဲများကိုင်ဆောင်လျက် တွေ့ရှိဖမ်းဆီး ရမိခဲ့ပြီး ခဲဖြင့် ပစ်ပေါက်မှုကြောင့် ခရီးသည်တင်ယာဉ်၏ ဝဲဘက်တံခါးမှန်ကွဲသွားသဖြင့် ၎င်းအား ဗောဓိကုန်းအမြန်လမ်းမကြီးရဲစခန်း(ပ)၁၇/၂၀၁၇၊ ရာဇသတ်ကြီးပုဒ်မ ၂၇၉-က/၄၄၀ ဖြင့် အရေးယူ ထားကြောင်း မြန်မာနိုင်ငံ ရဲတပ်ဖွဲ့ ၏ သတင်းထုတ်ပြန်ချက်အရ သိရပါသည်။

သစ်ထူးလွင်
JJ-Express ခရီးသည်တင်ယာဉ်အား ကျောက်ခဲဖြင့် ပစ်ပေါက်သူ ဖမ်းဆီးမိ JJ-Express ခရီးသည်တင်ယာဉ်အား ကျောက်ခဲဖြင့် ပစ်ပေါက်သူ ဖမ်းဆီးမိ Reviewed by THITHTOOLWIN on 20:46 Rating: 5
Powered by Blogger.