ဦးကိုနီလုပ်ကြံခံရမှုမှာ ကြံရာပါတဦးဖြစ်တဲ့ ထောက်လှမ်းရေး ဟောင်း ဇေယျာဖြိုးကို ရုံးထုတ်လာစဉ်။ (မတ် ၁၇-၂၀၁၇) |
တရားခံ ကြည်လင်း |
ကြံရာပါဖြစ်တဲ့ အောင်ဝင်းထွန်းဟာ ဦးကိုနီကို လုပ်ကြံသတ်ဖြတ်ဖို့ ကားမောင်းပို့တာတွေ၊ နေရာစီစဉ်တာတွေ လုပ်ခဲ့သူတဦးဖြစ်တယ်လို့ ဆိုပါတယ်။ သူ့ကို ပြစ်မှုဆိုင်ရာ ဥပဒေပုဒ်မ (၂၁၂) ပြစ်မှုကျူးလွန်သူကို လက်သင့်ခံတဲ့ ဥပဒေနဲ့ တရားစွဲထားကြောင်း တရားလိုရှေ့နေတွေက ပြောပါတယ်။
တရားခံ အောင်ဝင်းဇော် |
" အန်ကယ်လ်တို့ပြောတဲ့ကိစ္စက ဘာလဲဆိုတော့ ဝရမ်းကိုတရားရုံးက ထုတ်တဲ့အခါမှာ ထပ်မံပြီးတော့ ဝရမ်းလုံလောက်မှုမရှိတဲ့အတွက်ကြောင့် ထပ်မံပြီးတော့ ဝရမ်းထုတ်စေချင်ပါတယ်။ လူဖမ်းဝရမ်းပေါ့ အောင်ဝင်းခိုင်ကို ဖမ်းဖို့ ထပ်ထုတ်ပေးပါလို့ အန်ကယ်လ်တို့ လတ်တလော လျှောက်ထားထားတယ်။ လျှောက်ထားချက်အပေါ် တရားရုံးက ချက်ခြင်း အမိန့်မချသေးဘူး။
သူတို့ရဲ့ချေပချက်မရှိသေးဘူး။ လောလောဆယ် ချေပချက်မရှိသေးဘူး။ တရားခံပြေးကြေညာသင့်၊ မကြေညာသင့် ဥပဒေရေးရာအရ အငြင်းပွားမှုတော့ ရှိနေသေးတယ်။"
ပထမအကြိမ် ရုံးထုတ်စစ်ဆေးမှုကို မတ်လ (၃)ရက်နေ့က ပြုလုပ်ခဲ့ပါတယ်။ နောက်တပတ် သောကြာနေ့ တတိယမြောက် ရုံးထုတ်စစ်ဆေးမှာဖြစ်ပြီး အမှုနဲ့ ပတ်သက်နေတဲ့ သက်သေ အတော်များများကို ခေါ်ယူစစ်ဆေးမယ်လို့ ခန့်မှန်းထားကြောင်း ဦးကိုနီမိသားစုရှေ့နေ ဦးခင်မောင်ဌေးက ရုံးချိန်အပြီးမှာ သတင်းထောက်တွေကို အခုလိုပြောပါတယ်။
" နောက်တပတ်ဆိုရင်တော့ ကျနော်တို့ တရားလိုကို စစစ်လိမ့်မယ်လို့ မျှော်လင့်ပါတယ်။ စစ်မှာပါ ဒီအမှုနဲ့ပတ်သက်ပြီး သူတို့ ခုံဖွဲ့ပြီး စစစ်တယ်။ အစိုးရဘက်ကလည်း ခုံဖွဲ့ပေးလိုက်တယ်။ ကျနော်တို့ကတော့ နစ်နာသူက ဌားထားတဲ့ ရှေ့နေက အစိုးရရှေ့နေများနဲ့ အတူ အကြံပေးပြီးတော့ ပူးပေါင်းပြီးဆောင်ရွက်ဖို့အတွက်ပါ။ သူတို့ရဲ့ ကြီးကြပ်ကွပ်ကဲမှုအောက်ကနေ အမှုမှာ ကျနော်တို့ ပူးပေါင်းပြီးဆောင်ရွက်မှာပါ။"
တရားခွင် စစ်ချက်ပေးမှုတွေမှာ သတင်းသမားတွေကို ကြည့်ရှုနားထောင်ခွင့်ပေးခဲ့ပေမယ့် ဗွီဒီယိုကင်မရာနဲ့ ရိုက်ကူးတာ၊ အသံဖမ်းတာတွေကိုတော့ ခွင့်မပြုခဲ့ပါဘူး။ အဲဒီရုံးချိန်မှာ သက်ဆိုင်ရာ မြို့နယ် လွှတ်တော်အမတ်တွေလည်း လာရောက်နားထောင်ခဲ့ကြပါတယ်။
ဒီအတောအတွင်း မတ်လ (၁၅)ရက်နေ့က တာမွေမြို့နယ် ထွေအုပ်ဒုဦးစီးမှူး နေမျိုးဆွေ မိမိကိုယ် မိမိ ကြိုးဆွဲချသေဆုံးခဲ့တယ်ဆိုတဲ့အမှုမှာ ဦးကိုနီလုပ်ကြံခံရမှုနဲ့ ပတ်သက်နေတယ်လို့ သတင်းတွေထွက်ပေါ်ခဲ့ပါတယ်။
ဦးကိုနီကို လုပ်ကြံမှုမှာ ကြံရာပါတဦးဖြစ်တဲ့ ထောက်လှမ်းရေးဟောင်း ဇေယျာဖြိုးကို အာဏာပိုင်တွေ ဖမ်းဆီးချိန်သက်သေခံပစ္စည်းတွေကို သိမ်းဆည်းရာမှာ ဦးနေမျိုးဆွေ ပါဝင်ခဲ့သူတဦးဖြစ်တယ်လို့ သတင်းတွေထွက်ပေါ်နေတာနဲ့ ပတ်သက်လို့ သက်ဆိုင်ရာ တာမွေမြို့နယ် ရဲစခန်းကို ဆက်သွယ်မေးမြန်းရာမှာ တာဝန်ကျ ရဲအရာရှိတဦး တုန့်ပြန်ပြောတာကတော့-
" အဲ့ဒီ့ကိစ္စကို ဃဃနန မသိတာ။ ကျနော်တို့လည်း ဘာမှ မသိတာ။"
မေး။ ။ ဟုတ်ကဲ့ ကျမတို့ ဒုဦးစီးမှူး ဦးနေမျိုးဆွေကိစ္စလေး သေချာမေးချင်လို့ပါ။ သူကြိုးဆွဲချသေဆုံးမှု အခြေအနေ နောက်ဆုံး ရဲစခန်းဘက်က ဘာတွေများ ထုတ်ပြန်ထားပါလဲ။
"ဆရာဝန်တောင် ထင်မြင်ချက်မပေးနိုင်သေးဘူး။ ကျနော်တို့အနေနဲ့ ဘာမှ မသိနိုင်သေးဘူး။ ကျန်တဲ့အခြေအနေက ကျနော်တို့လည်း သေချာလည်း မသိနိုင်ဘူးလေ အမ ။ ကျနော်တို့ကို ထွေအုပ်က ဖုန်းဆက်လို့ အကြောင်းကြားလို့ သွားလို့ရတာလေ။ ဖုန်းဆက်အကြောင်းကြားလို့ သွားတော့မှ အခြေအနေကတော့ အခုအချိန်အထိ ဘာမှ မသိရသေးဘူး။"
မှုခင်းကို ကိုယ်တိုင်သွားရောက်စစ်ဆေးခဲ့သူတွေထဲမှာ ပါဝင်ခဲ့တဲ့ တာမွေမြို့နယ် တိုင်းဒေသကြီးလွှတ်တော်ကိုယ်စားလှယ် ဦးလှသိန်းကတော့ ဦးနေမျိုးဆွေ ကြိုးဆွဲချ သေဆုံးတဲ့နေရာနဲ့ တပေလောက်အကွာမှာ သွေးကွက်တကွက်နဲ့ ညာဘက်မျက်ခုံးမှာ ပေါက်ပြဲဒဏ်ရာတခု တွေ့ခဲ့ကြောင်း သတင်းထောက်တွေကို ပြောဆိုခဲ့ပါတယ်။
အင်ကြင်းနိုင် / ဗွီအိုအေ (မြန်မာပိုင်း)
http://burmese.voanews.com
ဦးနေမျိုးဆွေ ကြိုးဆွဲချတယ်ဆိုတာ ဦးကိုနီအမှုနဲ့ ပတ်သက်နေသလား
Reviewed by THITHTOOLWIN
on
06:47
Rating: