ဦးကိုနီ အသတ္ခံရမႈ ရံုးထုတ္



Share/Bookmark
ရန္ကုန္ေျမာက္ပိုင္းခရိုင္ တရားရုံးမွာ မတ္လ ၃၁ ရက္ေန႔က တရားခံ ၾကည္လင္း ကို ရံုးထုတ္လာစဥ္။ Photo: Kyaw Zaw Win/RFA
အမ်ဳိးသားဒီမိုကေရစီအဖဲြ႔ခ်ဳပ္ရဲ႕ ဥပေဒအႀကံေပး ေရွ႕ေနဦးကိုနီ လုပ္ႀကံခံရတဲ့ကိစၥနဲ႔ ပက္သက္ၿပီး တရားလိုျဖစ္ တဲ့ ေလဆိပ္တာဝန္ခံ ရဲအုပ္မိုးႏိုင္ ကို ဒီကေန႔ စတင္စစ္ေဆးတာျဖစ္ပါတယ္။

အခင္းျဖစ္ပြားခ်ိန္က အသံုးျပဳတဲ့ ေသနတ္က်ည္ဆံနဲ႔ လူသတ္တရားခံ ၾကည္လင္း ဝတ္ဆင္ခဲ့တဲ့ အကၤ်ီေတြကို ရဲအုပ္မိုးႏိုင္က သက္ေသခံ တင္ျပတာျဖစ္တယ္လို႔ ဒီကေန႔ ရုံးထုတ္စစ္ေဆးတဲ့ အေျခအေနနဲ႔ ပက္သက္ၿပီး တရားခံ ေအာင္ဝင္းေဇာ္ရဲ႕ ေရွ႕ေနျဖစ္သူ ဦးေအာင္ခိုင္က ေျပာပါတယ္။

ရဲတပ္ဖြဲ႕က ဖမ္းဆီးထားတဲ့ ၾကည္လင္း၊ ေအာင္ဝင္းေဇာ္၊ ေအာင္ဝင္းထြန္းနဲ႔ ေဇယ်ာၿဖိဳး တို႔ ၄ ဦးစလံုးကို ပုဒ္မ ၃၀၂ လူသတ္မႈ၊ ပုဒ္ ၃၄ အားေပးကူညီမႈ၊ ပုဒ္မ ၂၁၂ ျပစ္မႈက်ဴးလြန္သူကို ကူညီမႈတို႔နဲ႔ တရားစဲြဆိုထားတာျဖစ္ၿပီး အဲဒီအထဲက ေအာင္ဝင္းေဇာ္နဲ႔ ၾကည္လင္းတို႔ကို လက္နက္မႈနဲ႔ပါ တရားစဲြဆိုတာပါ။

ဒီကေန႔ ရုံးထုတ္မွာ သက္ေသတေယာက္ကို စစ္ေဆးၿပီး ေနာက္တပတ္ရုံးခ်ိန္မွာ ေနာက္ထပ္ သက္ေသတေယာက္ ကို ထပ္မံစစ္ေဆးမွာျဖစ္ပါတယ္။

တရားလႊတ္ေတာ္ရွ႕ေန ဦးကိုနီအမႈနဲ႔ ပက္သက္ၿပီး သက္ေသအေယာက္ ၈၀ ေလာက္ကို စစ္ေဆးသြားမွာျဖစ္ ပါတယ္။

အမႈနဲ႔အဓိက ပတ္သက္သူျဖစ္တဲ့ ေအာင္ဝင္းခိုင္ ကိုေတာ့ အခုအခ်ိန္ထိ ဖမ္းဆီးရမိျခင္း မရွိေသးပါဘူး။

RFA Burmese
http://www.rfa.org/burmese

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ