ရခိုင်ပြည်နယ်အစိုးရအဖွဲ့ ဘဏ္ဍာရေး၊ အခွန်၊ စီမံကိန်းနဲ့စီးပွားရေးဝန်ကြီး ဦးကျော်အေးသိန်းကို ဖေဖော်ဝါရီလ ၂၀ ရက်နေ့က ရခိုင်ပြည်နယ်လွှတ်တော် မှာ တွေ့ရစဉ်။ Photo: Min Thein Aung/ RFA |
ဒီနေ့ကျင်းပတဲ့ ရခိုင်ပြည်နယ်လွှတ်တော်အစည်းအဝေးမှာ စစ်တွေမြို့နယ် မဲဆန္ဒနယ် ပြည်နယ်လွှတ်တော်ကိုယ်စားလှယ် ဦးအေးသိန်းက မူးယစ်ဆေးဝါးဖမ်းဆီးရမိမှုအခြေအနေနဲ့ တားဆီးနှိမ်နင်းရေးအခြေအနေတွေကို မေးမြန်းရာမှာ ပြည်နယ်ဝန်ကြီး ဦးကျော်အေးသိန်းက ပြောကြား ခဲ့တာဖြစ်ပါတယ်။
၂၀၁၆ ဇန်နဝါရီလကနေ ဒီဇင်ဘာလအတွင်း WY စိတ်ကြွမူးယစ်ဆေးပြားဖမ်းဆီးရမိတဲ့ အမှုပေါင်း ၈၈ မှု ရှိခဲ့ပြီး တရားခံ ၁၄၉ ဦးကို ဖမ်ဆီးနိုင်ခဲ့တယ် လို့လည်း ပြောပါတယ်။
ရခိုင်ပြည်နယ်မှာ မူးယစ်ဆေးဝါးပင် စိုက်ပျိုးထုတ်လုပ်တာမရှိဘဲ ရှိခဲ့ရင်လည်း ဖော်ထုတ်ဖမ်းဆီးမှာ ဖြစ်တယ်လို့ ဝန်ကြီး ဦးကျော်အေးသိန်း က ပြောပါတယ်။
မူးယစ်ဆေးဝါးတွေဟာ မြန်မာနိုင်ငံရဲ့ အရှေ့မြောက်ဒေသတွေကနေတစ်ဆင့် ရခိုင်ပြည်နယ်ကို ရောက်ရှိလာကြတာဖြစ်ပြီး စစ်တွေမြို့မှာ မူးယစ်ဆေးဝါးရောင်းချသူတွေဟာ ပေါ်ပေါ်ထင်ထင် ရောင်းချနေကြတာဖြစ်တယ်လို့ ပြည်နယ်လွှတ်တော်ကိုယ်စားလှယ် ဦးအေးသိန်း က လွှတ်တော်မှာ တင်ပြခဲ့ပါတယ်။
RFA Burmese
http://www.rfa.org/burmese
တစ်နှစ်အတွင်း WY ဆေးပြား အရေအတွက် ၁၈သန်းကျော် ဖမ်းဆီးရမိခဲ့
Reviewed by THITHTOOLWIN
on
19:01
Rating: