 |
| ၂၀၁၆ ဇူလိုင်လ ၁၇ ရက်နေ့က UNFC နှင့် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တွေ့ဆုံ |
UWSA ၀ ကိုယ်ပိုင်အုပ်ချုပ်ခွင့်ရနယ်မြေ၊ ပန်ခမ်းမှာ ဖေဖော်ဝါရီလ ၂၂ ရက်ကနေ ၂၄ ရက်နေ့အထိ ထိပ်သီးစည်းဝေးပွဲ ကျင်းပခဲ့ကြတဲ့ အစိုးရနဲ့ အပစ်အခတ်ရပ်စဲရေး သဘောတူစာချုပ် လက်မှတ်မထိုးရသေးတဲ့ တိုင်းရင်းသားလက်နက်ကိုင်အဖွဲ့များ စည်းဝေးပွဲကနေ နိုင်ငံရေး ဆွေးနွေးမှု လုပ်ဆောင်မယ့် အဖွဲ့ကို ဖွဲ့စည်းခဲ့ကြပါတယ်။
အစိုးရကိုယ်စားလှယ်တွေနဲ့ UNFC အကြား ထိုင်းနိုင်ငံ၊ ချင်းမိုင်မြို့မှာ ဇန်န၀ါရီလ ၁၃ ရက်နေ့က တရားဝင်မဟုတ်တဲ့ တွေ့ဆုံ ဆွေးနွေးမှု ပြုလုပ်ပြီးနောက်ပိုင်း နှစ်ဖက် တွေ့ဆုံကြဖို့ ၂ ကြိမ် ကြိုးပမ်းခဲ့ဘူးပါတယ်။
တိုင်းရင်းသားလက်နက်ကိုင်အဖွဲ့ပေါင်း ၉ ဖွဲ့နဲ့ ဖွဲ့စည်းထားတဲ့ UNFC က တောင်းဆိုထားတဲ့ အချက် (၈) ချက်ကို အစိုးရဘက်က လက်ခံမယ်ဆိုရင် NCA တနိုင်ငံလုံးဆိုင်ရာ အပစ်ရပ်စဲရေး သဘောတူစာချုပ်ကို လက်မှတ်ထိုးမယ်လို့ UNFC အဖွဲ့က ပြောထားပါတယ်။
ဒီအတောအတွင်း UNFC ခေါင်းဆောင်တွေနဲ့ တရုတ်အစိုးရကိုယ်စားလှယ်ဖြစ်တဲ့ အာရှဒေသဆိုင်ရာ ညွန်ကြားရေးမှူးတို့ ထိုင်းနိုင်ငံ၊ ချင်းမိုင်မြို့မှာ မနေ့က တွေ့ဆုံခဲ့တယ်လို့ ဆိုပါတယ်။ တွေ့ဆုံမှုအတွင်း မြန်မာနိုင်ငံ ငြိမ်းချမ်းရေးအတွက် တရုတ်ဘက်က ကူညီလိုတဲ့ ကိစ္စအပါအ၀င် ပန်ခမ်းမှာ ကျင်းပခဲ့တဲ့ တိုင်းရင်းသားလက်နက်ကိုင်အဖွဲ့တွေရဲ့ ထိပ်သီး စည်းဝေးပွဲအတွင်း ဆွေးနွေးခဲ့ကြတဲ့ အကြောင်းအရာတွေကို တရုတ်ကိုယ်စားလှယ်ဘက်က မေးမြန်းခဲ့တယ်လို့ ဆိုပါတယ်။
ဗွီအိုအေ (မြန်မာပိုင်း)
http://burmese.voanews.com
ဒေါ်စုနဲ့ UNFC ခေါင်းဆောင်များ မတ်လ ၃ ရက်နေ့ တွေ့မည်
Reviewed by THITHTOOLWIN
on
10:18
Rating:
Reviewed by THITHTOOLWIN
on
10:18
Rating:
