 |
| ကရင်အမျိုးသားအစည်းအရုံး KNU တပ်ရင်း ၈ ရဲ့ ဖေဖော်ဝါရီလ ၁၇ ရက်နေ့က ထုတ်ပြန်တဲ့ ကြေညာချက်ကို တွေ့ရစဉ် |
NCA စာချုပ်သဘောတူညီချက်အရ တိုင်းရင်းသားလက်နက်ကိုင်အဖွဲ့တွေရဲ့ ဧရိယာအတွင်း တစုံတစ်ခု ပြုလုပ်မယ် ဆိုရင် သဘောတူညီချက် ရယူရမယ်ဆိုတဲ့အချက်ကို တပ်မတော်ဘက်က လိုက်နာမှုမရှိတဲ့အတွက် KNU က စာထုတ်ပြန်လိုက်တာလို့ ကျောက်ကြီးမြို့နယ် တိုင်းဒေသကြီးလွှတ်တော် ကိုယ်စားလှယ် ဦးတင်ဆန်းဦး က ပြောပါတယ်။
"NCA မူပါအချက်အလက်တွေအရ လုပ်ငန်းတွေလုပ်ရင် နှစ်ဖက်တပ်တွေညှိနှိုင်းရမယ်လို့ ပါရှိတယ်လေ။ တပ်မတော်က ပူးပေါင်းဆောင်ရွက်တာမရှိပဲ အဲဒီမှာ တပ်တွေဝင်သွားပြီး လမ်းဖောက်မယ်ဆိုပြီးလုပ်တော့ ဟိုဘက်ကလည်း စာပြန်ထွက်တာပါ"
တပ်မတော်က KNU တပ်ရင်း ၈ ပိုင် ဧရိယာအတွင်းက ကော့ပြင်းကျေးရွာကနေ မွေတော်အထိ လမ်းဖောက်လုပ်နေတာ ဖြစ်ပါတယ်။
လတ်တလောမှာ KNU တပ်က တာဝန်ရှိသူတွေနဲ့ တပ်မတော် တာဝန်ရှိသူတွေအကြား ညှိနှိုင်းဆောင်ရွက်မှုတွေ လုပ်ဆောင်နေပေမယ့် နှစ်ဖက်တင်းမာမှုတွေ ရှိနေတယ်လို့လည်း ဦးတင်ဆန်းဦး က ပြောပါတယ်။
KNU တပ်ရင်း ၈ ဧရိယာအတွင်း ဒေသခံတွေ အမြဲသွားလာနေတဲ့ လမ်းတွေကလွဲပြီး ကျန်တဲ့ လမ်းတွေနဲ့ တော တွင်းကို သွားလာခွင့်မပြုကြောင်း KNU က ပြီးခဲ့တဲ့ ဖေဖော်ဝါရီ ၁၇ ရက်နေ့က ကြေညာချက် ထုတ်ပြန်လိုက် တာဖြစ်ပါတယ်။
RFA Burmese
http://www.rfa.org/burmese
KNU တပ်ရင်း ၈ နယ်မြေ အတွင်း ဖြတ်သန်းသွားလာခွင့် မပြုကြောင်း ကြေညာချက်ထုတ်
Reviewed by THITHTOOLWIN
on
19:01
Rating:
Reviewed by THITHTOOLWIN
on
19:01
Rating:
