မရမ္းကုန္းၿမိဳ႕တြင္ အိမ္ေျခ ၂၉လံုးမီးေလာင္ကာ က်ပ္ ၂၂၇သိန္းေက်ာ္ ဆံုး႐ံႈး

 မရမ္းကုန္းၿမဳိ႕နယ္၊ ၆ ရပ္ကြက္၊ ေဇယ်ာေခမာလမ္းတြင္ မီးေလာင္ကြ်မ္းေနစဥ္(ဓာတ္ပံု-Yangon Police)
ရန္ကုန္၊ ေဖေဖာ္၀ါရီ ၃ ရက္ (ဆင္ဟြာ)

ရန္ကုန္တုိင္းေဒသႀကီး၊ မရမ္းကုန္းၿမဳိ႕နယ္၊ ၆ ရပ္ကြက္၊ ေဇယ်ာေခမာလမ္းတြင္ ယမန္ေန႔ည က ေလာင္ကြ်မ္းခဲ့ေသာ မီးေၾကာင့္ အိမ္ေျခ ၂၉လံုး မီးေလာင္ကာ ဆံုး႐ံႈးမႈတန္ဖိုး ခန္႔မွန္း က်ပ္ ၂၂၇သိန္းေက်ာ္ ဆံုး႐ံႈးခဲ့ေၾကာင္း မီးသတ္ဦးစီးဌာနက အရာရွိတစ္ဦးက ဆင္ဟြာသို႔ ေျပာၾကားသည္။

ဆိုပါ မီးေလာင္ကြ်မ္းမႈ စတင္ျဖစ္ပြားခဲ့ရေသာ အေၾကာင္းရင္းအား ဆက္လက္စံုစမ္းစစ္ေဆးေနၿပီး မီးေလာင္ကြ်မ္းမႈေၾကာင့္ အိမ္ေထာင္စု ၆၆စု၊ လူဦးေရ က်ား ၂၁၄ဦးႏွင့္ မ ၁၆၅စုစုေပါင္း ၃၇၉ဦး မီးေဘးသင့္ခဲ့ရေၾကာင္း ၎က ဆိုသည္။ ယင္း မီးေလာင္ကြ်မ္းမႈေၾကာင့္ အသက္ ၆၀ေက်ာ္အရြယ္ အမ်ိဳးသားတစ္ဦး ေသဆံုးခဲ့ၿပီး မီးေဘးသင့္ ျပည္သူမ်ားအတြက္ ကယ္ဆယ္ေရးစခန္းကို မရမ္းကုန္းၿမိဳ႕နယ္အတြင္းရွိ ေတဇစကီၠေက်ာင္းတြင္ ဖြင့္လွစ္ထားသည္။

“မီးေတာက္ေတာ္ေတာ္ႀကီးတာ၊ အိမ္ေတြက ကပ္ေနေတာ့ မီးကူးျမန္တယ္၊ ႏွစ္ထပ္ ပ်ဥ္ေထာင္အိမ္ေလးေတြ မ်ားတယ္ ဒီနားမွာက”ဟု ၆ ရပ္ကြက္တြင္ ေနထိုင္သူတစ္ဦးက ေျပာသည္။မရမ္းကုန္းၿမဳိ႕နယ္၊ ၆ ရပ္ကြက္၊ ေဇယ်ာေခမာလမ္းတြင္ ေဖေဖၚ၀ါရီ ၂ ရက္ ည ၉ နာရီ ၄၀ မိနစ္ခန္႔က မီးစတင္ေလာင္ကၽြမ္းမႈ ျဖစ္ပြားခဲ့ၿပီး ၁၀ နာရီ ၃၀ မိနစ္၀န္းက်င္တြင္ မီးညြန္႔က်ဳိးသြားေၾကာင္း မီးသတ္ဦးစီးဌာနထံမွ သိရသည္။

(Xinhua)
http://xinhuamyanmar.com

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ