မုံရွာတွင် မြန်မာကျပ်ငွေစက္ကူအစစ် ၁၅သိန်းကျော် လမ်းပေါ်မှာ စွန့် ပစ်ခဲ့

မုံရွာကန်သာယာပတ်လမ်းတွင် ကျပ်တစ်သောင်းနှင့် ငါးထောင်တန်များ လာရောက်စွန့်ပစ်ပုံထားမှု ဖေဖော်ဝါရီ ၂၂ရက် မွန်းလွဲပိုင်းကဖြစ်ပွား
မုံရွာမြို့ အောင်ချမ်းသာရပ် ရွှေတောင်တန်းဟိုတယ် အရှေ့ဖက်ကန်သာယာပတ် ကားလမ်းပေါ်ရှိကုက္ကိုပင်ခြေရင်းတွင် ကျပ်တစ်သောင်းတန်နှင် ကျပ်ငါးထောင်တန်များကို အမျိုးသမီးနှစ်ဦးက Super Cub အစိမ်းရောင်ဖြင့် လာရောက် စွန့်ပစ်ခဲ့မှု ဖေဖော်ဝါရီ၂၂ရက်မွန်းလွဲ ၁နာရီခွဲခန့်ကဖြစ်ပွားခဲ့ကြောင်း မုံရွာမြို့မရဲစခန်းတာဝန်ရှိသူထံမှသိရသည်။

 စွန့်ပစ်ထားသော ငွေစက္ကူများကို ကောက်ယူခဲ့သူများအနက် အောင်ချမ်းသာရပ်နှင့် အင်းရွာသစ်ရပ်နေ အမျိုးသမီး သုံးဦးက ဖေဖော်ဝါရီ ၂၂ရက်ည ၇ နာရီခွဲခန့်တွင် မုံရွာမြို့မရဲစခန်း ဒုတိယစခန်းမှုးဒုရဲမှုးတင်ယုထံ လာရောက်အပ်နှံခဲ့ရာ သက်သေများရှေ့တွင် သိမ်းဆည်းခါ ရဲစခန်းတွင်ခေတ္တသိမ်းဆည်းထားကြောင်း သိရသည်။

 ကောက်ယူရရှိသူသုံးဦးထံမှ ကျပ်တစ်သောင်းတန်ငွေစက္ကူ၁၂၉ရွက်နှင့် ကျပ်၅ထောင်တန်၄၃ရွက်စုစုပါင်း ကျပ်၁၅သိန်း၅ထောင်အား သိမ်းဆည်းရှိခဲ့ခြင်းဖြစ်ပြီး အဆိုပါငွေစက္ကူ များသည်အစစ်များဟုတ်မဟုတ် ကိုတာဝန်ရှိသူများက စစ်ဆေးရာ မြန်မာကျပ်ငွေစက္ကူအစစ်များဖြစ်ကြောင်း စစ်ဆေးတွေ့ရှိရပြီး အခြားသူများကောက်ယူရရှိမှုရှိမရှိနှင့် ထိုသို့လာရောက်စုပုံရသည့်အကြောင်းရင်းကို ဆက်လက်စုံစမ်းဆောင်ရွက်လျက်ရှိကြောင်းသိရသည်။

 အောင်ချမ်းသာရပ်ကန်သာယာ ပတ်လမ်းပေါ်ငွေစက္ကူများ လွင့်ပျံနေ၍ လမ်းသွားလမ်းလာများလုယက်ကောက်ယူနေကြောင်း အောင်ချမ်းသာရပ်ကွက်အုပ်ချုပ်ရေးမှုးက သတင်းပေးချက်အရမုံရွာမြို့မရဲစခန်းမှုစဒုရဲမှုးတင်ယု တာဝန်မှုးလှိုင်ဘွားကိုကိုနှင့် အုပ်ချုပ်ရေးမှုးဦးမြင့်စိုးတို့ သွားရောက်စုံစမ်းရာ ပိုက်ဆံပုံချထားခဲ့သောနေရာအနီးရှိ ကွမ်းယာဆိုင်မှ ကွမ်းယာရောင်းသူသည် မွန်းလွဲ၁နာရီခွဲခန့်က လူမြင်လျင်မမှတ်မိ သည့် အမျိုးသမီး၂ဦး Super Cub90ဖြင့် ရောက်လာပြီး အမှိုက်စွန့်ပစ်သွားခဲ့ကြောင်းသိရသည်။

စွန့်ပစ်ပြီး၁၀မိနစ်ခန့်အကွာ လေတိုက်၍ စွန့်ပစ်သည့်နေရာမှ ကျပ်တစ်သောင်းတန်နှင့် ၅ထောင်တန်များ လမ်းပေါ်လွင့်သည်ကို ခရီးသွားလမ်းသွားလမ်းလာများနှင့်အတူ တွေ့ရှိကောက်ယူရရှိခဲ့ခြင်းဖြစ်ပြီး ကောက်ယူရရှိသူများအနက် အမျိုးသမီးနှစ်ဦးကို မှတ်မိကြောင်း ကွမ်းယာရောင်းသူထံမှသိခဲ့ရကြောင်း မုံရွာမြို့မရဲစခန်းတာဝန်ရှိသူထံမှသိရသည်။

 လာရောက်အပ်နှံသော ငွေစက္ကူများတွင် လက်ရေးဖြင့် ရေးထားသော 111116 3 rd muster Dr Armyစာတမ်းပါကျပ်တစ်သောင်းတန်များ 2210106 4thwon Armyစာတမ်းပါကျပ်တစ်သောင်းတန်များ16115 Minhyuleus Armyစာတမ်းပါတစ်သောင်းတန်များ BSTစာတမ်းပါ၅ထောင်တန်များ161116Minhyuk 2vut Armyစာတမ်းပါကျပ်တစ်သောင်းတန်များ131113 3rdmuster DrArmyစာတမ်းပါကျပ်တစ်သောင်းတန်စသည်များ ပါဝင်ကြောင်း သိရသည်။

ရတနာပုံ သတင်းစာ
https://www.facebook.com/yadanabonnewspaper/
မုံရွာတွင် မြန်မာကျပ်ငွေစက္ကူအစစ် ၁၅သိန်းကျော် လမ်းပေါ်မှာ စွန့် ပစ်ခဲ့ မုံရွာတွင် မြန်မာကျပ်ငွေစက္ကူအစစ် ၁၅သိန်းကျော် လမ်းပေါ်မှာ စွန့် ပစ်ခဲ့ Reviewed by THITHTOOLWIN on 16:56 Rating: 5
Powered by Blogger.