ရန္ကုန္ေလဆိပ္မွာ အၾကမ္းဖက္ဆန္႔က်င္ပြဲလုပ္

 ဦးကိုနီ လုပ္ႀကံခံရမွုတလျပည့္က်င္းပ
NLD ဗဟို ဥပေဒ အေထာက္ အကူျပဳ အဖြဲ႕ဝင္ ေရွ႕ေန ဦးကိုနီနဲ႔ အငွားကား ေမာင္းသမား ဦးေနဝင္း သတ္ျဖတ္ခံ ရတာ တလျပည့္ တဲ့ေန႔မွာ အၾကမ္းဖက္မွု ဆန္႔က်င္ေရးနဲ႔ ဂုဏ္ျပဳပြဲကို ေဖေဖာ္ဝါရီလ ၂၇ ရက္ ေန႔ ညေနက ရန္ကုန္ အျပည္ျပည္ ဆိုင္ရာ ေလဆိပ္မွာ ျပဳလုပ္ခဲ့ပါတယ္။

ဦးကိုနီကို ေသနတ္နဲ႔ ေနာက္ကေန ပစ္ခတ္ လုပ္ႀကံခဲ့မွုဟာ သူရဲေဘာ ေၾကာင္တဲ့ အၾကမ္းဖက္ လုပ္ရပ္ျဖစ္ေၾကာင္း၊ ဒီလို အၾကမ္းဖက္မွုေၾကာင့္ ျပည္သူေတြ ေၾကာက္ရြံ့ သြားၾကမွာ မဟုတ္ဘူးလို႔ အဲဒီ အခမ္း အနားမွာ ၈၈ မ်ိဳးဆက္ ပြင့္လင္း လူ႔အဖြဲ႕ အစည္းက ကိုဂ်င္မီက ေျပာပါတယ္။

အခုလုပ္ႀကံမွုကို အၾကမ္းဖက္မွုပုဒ္မနဲ႔ တရားမစြဲပဲ လူသတ္မွုနဲ႔ စြဲတဲ့အတြက္ ေဝဖန္ေနတဲ့အေပၚ ကိုဂ်င္မီက ဒီကိစၥဟာ အၾကမ္းဖက္ တိုက္ခိုက္မွုျဖစ္တယ္ဆိုတာ လူတိုင္းသိေၾကာင္း၊ အခုလုပ္ႀကံသတ္ျဖတ္မွုဟာ နိုင္ငံေရးအရ လုပ္ႀကံတာျဖစ္လို႔ ျပည္ထဲေရး ဝန္ႀကီးဌာနက ျပဳလုပ္တဲ့ သတင္းစာ ရွင္းလင္းပြဲမွာ ေျပာသလို ပုဂၢိဳလ္ေရးမုန္းတီးမွုလို႔ မယူဆနိုင္ေၾကာင္းလည္း ဘီဘီစီကိုေျပာသြားပါတယ္။

ကဗ်ာဆရာေတြ၊ ၈၈မ်ိဳးဆက္ ပြင့္လင္း လူ႔အဖြဲ႕အစည္းက ေခါင္းေဆာင္ေတြ၊ တကၠသိုလ္ ေက်ာင္းသားေတြနဲ႔ တက္ႂကြ လွုပ္ရွားသူေတြ ဦးေဆာင္ ျပဳလုပ္တဲ့ အဲဒီ အခမ္းအနားမွာ လူေပါင္း တေထာင္ေက်ာ္ နဲ႔ အတူ အန္အယ္လ္ဒီ သဘာပတိ အဖြဲ႕ဝင္ ဦးတင္ဦး၊ ရန္ကုန္တိုင္း ဝန္ႀကီးခ်ဳပ္ ဦးၿဖိဳးမင္းသိမ္းတို႔ တက္ေရာက္မိန္႔ခြန္းေျပာခဲ့ၾကပါတယ္ ။

အဲဒီအခမ္အနားမွာ ဗုဒၶဘာသာ ဟိႏၵဴ ခရစ္ယာန္ နဲ႔ အစၥလာမ္ ဘာသာေရးေခါင္းေတြလည္း ဘာသာေပါင္းစုံ ဆုေတာင္းပြဲျပဳလုပ္ခဲ့ၾကပါတယ္။

BBC Burmese
http://www.bbc.com/burmese

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ