တောင်ဒဂုံ ပစ်ခတ်မှုမှ ကားကို ဖမ်းမိပြီး နဂါးလေး လွတ်မြောက်နေ

တရားခံပြေး အောင်နိုင်မြင့်(ခ)နဂါးလေး ။ ဓါတ်ပုံ - facebook

ရန်ကုန်မြို့ တောင်ဒဂုံမြို့နယ် ၂၀ ရပ်ကွက်မှာ ရဲတပ်ဖွဲ့က သံသယရှိသူတယောက်ကို သွားေ၇ာက် ဖမ်းဆီးရာမှာ အပြန်အလှန် သေနတ် ပစ်ခတ်မှု ဖြစ်ပွားခဲ့ပြီးနောက် ထွက်ပြေးသွားတဲ့ ကားကို ဖမ်းဆီး မိသွားပြီလို့ သိရပါတယ်။

နဂါးလေး မောင်းနှင်ထွက်ပြေးတဲ့ မော်တော်ယာဉ် ။ ဓါတ်ပုံ - facebook

မနေ့ ညနေ ၅ နာရီခွဲ လောက်မှာ တစ်ဖက်နဲ့တစ်ဖက် အပြန်အလှန် ပစ်ခတ်မှု ဖြစ်ပွားခဲ့ကြတာ လို့ တောင်ဒဂုံရဲစခန်းက တာဝန်ရှိသူတစ်ဦးက အတည်ပြုပြောကြားပါတယ်။

ရဲတပ်ဖွဲ့အနေနဲ့ အဲဒီတရားခံကို လိုက်လံဖမ်းဆီးနေဆဲဖြစ်ပြီး အသေးစိတ်ကိုတော့ ဖြေကြားနိုင်ခြင်း မရှိသေးဘူးလို့လဲ အဲဒီ ရဲတပ်ဖွဲ့ဝင်ကပြောပါတယ်။

နဂါးလေး မောင်းနှင်ထွက်ပြေးတဲ့ မော်တော်ယာဉ်ကို ဖမ်းမိ ။ ဓါတ်ပုံ - facebook

နောက်ဆုံး ရရှိတဲ့ သတင်းတရပ်မှာတော့ ထွက်ပြေးလွတ်မြောက်သွားတဲ့ တရားခံပြေး အောင်နိုင်မြင့်(ခ)နဂါးလေးဆိုသူ မောင်းနှင်ထွက်ပြေးတဲ့ မော်တော်ယာဉ်ကို ဒဂုံဆိပ်ကမ်းမြို့နယ်၊ကျီစုသုဿသန် လယ်ကွင်းတွေ အနီး တွေ့ရှိထားပြီး လူကတော့ လွတ်မြောက်နေဆဲ ဖြစ်တယ်လို့ သိရပါတယ်။

RFA Burmese
https://www.facebook.com/rfaburmese/