 |
| သမ္မတယာယီအမိန့် အကောင်အထည်ဖော်မှု ပြသနာအတွက် ၀န်ကြီးတာဝန်ခံ |
ကွန်ဂရက်လွှတ်တော်ကို ပထမဆုံးအကြိမ်အဖြစ် အင်္ဂါနေ့က ရောက်ရှိလာပြီး၊ အောက်လွှတ်တော် အမိမြေလုံခြုံရေးကော်မတီရှေ့မှောက် ၀န်ကြီး Kelly က ထွက်ဆိုချိန်မှာ - သူ့အနေနဲ့ အချိန်နည်းနည်းလောက် ပိုယူခဲ့သင့်တယ်လို့လည်း ပြောကြားခဲ့တာ ဖြစ်ပါတယ်။
မူဆလင်နိုင်ငံတချို့က နိုင်ငံသားတွေကို ပြည်ဝင်ခွင့် တားမြစ်လိုက်တဲ့ နိုင်ငံတွေရဲ့ စာရင်းကို ပြုစုရာမှာ ဘာသာရေးကို အခြေခံစဉ်းစားခဲ့ခြင်း မရှိခဲ့ကြောင်းပြောဆိုရင်း - သမ္မတရဲ့ အမိန့်နဲ့ ပတ်သက်လို့ အောက်လွှတ်တော်ရဲ့ ဝေဖန်မှုတွေကိုလည်း ကာကွယ်ပြောဆိုသွားပါတယ်။
မူဆလင်နိုင်ငံတွေ ဖြစ်တာကြောင့် ဆုံးဖြတ်ရတာမဟုတ်ဘဲ၊ သူတို့ဆီက သတင်းအချက်အလက်တွေကို မယုံကြည်တဲ့အတွက် စာရင်းထဲမှာ ထည့်သွင်းခဲ့တာ ဖြစ်ကြောင်းလည်း ထွက်ဆိုခဲ့တာပါ။
ပြည်ဝင်ခွင့် တားမြစ်လိုက်တဲ့ နိုင်ငံတွေက လက်တွေ့မြေပြင်အခြေအနေတွေကြောင့် လျှောက်လွှာတွေကို သေသေချာချာ စိစစ်ဖို့ မလွယ်တာကြောင့် - သမ္မတရဲ့ အမိန့်ထုတ်ပြန်ချက်ဟာ လိုအပ်တယ်လို့လည်း ၀န်ကြီး Kelly က ပြောပါတယ်။ မူဆလင်နိုင်ငံ ၇ နိုင်ငံက နိုင်ငံသားတွေရဲ့ ပြည်ဝင်ခွင့် ယာယီတားမြစ်မှုနဲ့ ဒုက္ခသည်တွေ အမေရိကန်ပြည်ထောင်စုက လက်ခံတဲ့ အစီအစဉ်ကို ဆိုင်းငံ့ဖို့ သမ္မတ ရဲ့ အမိန့်နဲ့ ပတ်သက်လို့ ပြည်ထောင်စု အယူခံတရားရုံးတခုမှာ ဒီကနေ့ နှုတ်နဲ့အပြန်အလှန် လျှောက်ထားကြမှာ ဖြစ်ပါတယ်။
ဗွီအိုအေ (မြန်မာပိုင်း)
http://burmese.voanews.com
သမ္မတယာယီအမိန့် အကောင်အထည်ဖော်မှု ပြသနာအတွက် ၀န်ကြီးတာဝန်ခံ
Reviewed by THITHTOOLWIN
on
07:45
Rating:
Reviewed by THITHTOOLWIN
on
07:45
Rating:
