 |
| ရခိုင်ပြည်နယ် လဝကဦးစီးမှူး ဦးဝင်းလွင်ကို အရေးယူပေးဖို့ ဖေဖော်ဝါရီလ ၁၂ ရက်နေ့က စစ်တွေမြို့နယ် ရခိုင်အမျိုးသားပါတီ(ANP)က ဦးဆောင်ပြီး ဆန္ဒပြတောင်းဆိုစဉ်။ Photo: Min Thein Aung/ RFA |
ရခိုင်ပြည်နယ် ဘူးသီးတောင်မြို့မှာ မိဘနှစ်ပါးစလုံး နိုင်ငံသားစီစစ်ခြင်းမပြုရသေးဘဲ သမီးဖြစ်သူ မမြနန္ဒခင်ဆိုတဲ့ အမျိုးသမီးငယ်တစ်ဦးကို ပြီးခဲတဲ့နှစ် ဖေဖော်ဝါရီလ က ပြည်နယ် လဝကမှူးက နိုင်ငံသားမှတ်ပုံတင်ကဒ် ထုတ်ပေးခဲ့တာနဲ့ပတ်သက်ပြီး လ၀က ဦးစီးမှူး ဦးဝင်းလွင်ကို အရေးယူပေးဖို့ တောင်းဆိုတာဖြစ်ပါတယ်။
အစိုးရတာဝန်ရှိသူတွေအနေနဲ့ ဥပဒေကို လေးစားလိုက်နာဖို့လိုအပ်တယ်လို့ စစ်တွေမြို့နယ် ရခိုင်အမျိုးသားပါတီ အတွင်းရေးမှူး ဦးအောင်သန်းဝေ က ပြောပါတယ်။
ရဲတပ်ဖွဲ့က အမှုကိုလက်ခံထားပေမယ့် ဒီနေ့အထိ အရေးယူဆောင်ရွက်တာမရှိတဲ့အတွက် ဆန္ဒပြရတာဖြစ်တယ်လို့ ANP ပါတီ တာဝန်ရှိသူတွေ က ပြောပါတယ်။
တည်ဆဲဥပဒေတွေထဲမှာ မိဘနှစ်ပါးစလုံး နိုင်ငံသားဖြစ်မှ သားသမီးတွေကို နိုင်ငံသားအဖြစ် ခွင့်ပြုပေးရမယ်လို့ ပြဌာန်းထားတာကြောင့် ရခိုင်ပြည်နယ် လဝက ဦးစီးမှူး ဦးဝင်းလွင်ကို ဥပဒေချိုးဖောက်မှုနဲ့ ၁၉၈၂ ခုနှစ် မြန်မာနိုင်ငံသားဥပဒေ ပုဒ်မ - ၁၉ ပါ ပြဌာန်းချက်တွေနဲ့အညီ အရေးယူပေးဖို့ စစ်တွေမြို့နယ် ရခိုင် အမျိုးသားပါတီက စစ်တွေမြို့မရဲစခန်းမှာ ပြီးခဲ့တဲ့နှစ် စက်တင်ဘာလက အမှုဖွင့်ထားတာဖြစ်ပါတယ်။
အဲဒီအမှုနဲ့ပတ်သက်ပြီး ရခိုင်ပြည်နယ် ဝန်ကြီးချုပ် ဦးညီပုနဲ့ ပြည်နယ်ဥပဒေချုပ် ဦးကျော်လှထွန်း တို့အပါအဝင် ပြည်နယ်အစိုးရတာဝန်ရှိသူတွေက ခုနစ်ရက် ထက်နောက်မကျဘဲ အမှုတွဲအတွက် ဥပဒေအကြံပြုချက်တွေပေးသွားမယ်လို့ ပြီးခဲ့တဲ့ ဒီဇင်ဘာလဆန်းပိုင်းက ကတိပြုပြောဆိုထားပေမယ့် ဒီနေ့အထိ အရေးတယူဆောင်ရွက်တာမရှိသေးဘူးလို့လည်း ဦးအောင်သန်းဝေ က ပြောပါတယ်။
ဒီနေ့ ဆန္ဒပြပွဲနဲ့ပတ်သက်ပြီး ပြည်နယ် လဝကမှူး ဦးဝင်းလွင်ကို RFA က ဆက်သွယ်မေးမြန်းရာမှာ တစ်စုံတစ်ရာတုန့်ပြန်ပြောဆိုတာမရှိပါဘူ။ ရခိုင်ပြည်နယ် ဥပဒေချုပ် ဦးကျော်လှထွန်းကို ဆက်လက် မေးမြန်းခဲ့ရာမှာလည်း လက်ခံဖြေဆိုတာ မရှိပါဘူး။
RFA Burmese
http://www.rfa.org/burmese
ရခိုင်ပြည်နယ် လ၀က ဦးစီးမှူးကို အရေးယူပေးဖို့ ANP ပါတီ ဦးဆောင်ဆန္ဒပြ
Reviewed by THITHTOOLWIN
on
20:29
Rating:
Reviewed by THITHTOOLWIN
on
20:29
Rating:
