စစ်တွေတွင် ဆရာဝန်တစ်ဦး ကြိုးဆွဲချ သေဆုံး

နိရဉ္စရာ၊ ဇန်န၀ါရီ ၂၉

ရခိုင်ပြည်နယ် စစ်တွေမြို့ မိဇံရပ်ကွက်တွင် ဇန်န၀ါရီလ ၂၈ ရက်နေ့ နံနက်က ဆရာဝန်တစ်ဦး ကြိုးဆွဲချ သေဆုံးခဲ့သည်ဟု သတင်းရရှိသည်။

သေဆုံးသူမှာ မင်းပြားမြို့နယ် ပန်းမြောင်းတိုက်နယ်မှ လက်ထောက်ဆရာဝန် ဒေါက်တာ အောင်မြင့်ကို (ခ) ဒေါက်တာ အောင်မြတ်ကို အသက် ၂၉ နှစ် (ဘ) ဦးမောင်ထွန်းသိန်း ဖြစ်သည်ဟု စစ်တွေ မြို့မ ရဲစခန်း ရဲမှတ်တမ်းအရ သိရသည်။

“၂၈ ရက်နေ့ နံနက်က ရန်ကုန်မှာနေတဲ့ သူ့အမေ ဒေါ်လှလှမြင့်က သူ့သားဆီ ဖုန်းဆက်တဲ့အခါ ဖုန်းမကိုင်တဲ့အတွက် သူ့သား ဒေါက်တာအောင်မြင့်ကို ငှားနေတဲ့ အိမ်ရှင်ဖြစ်တဲ့ ဦးမြင့်မောင်ကို ဖုန်းဆက် အကြောင်းကြားတယ်လို့ သိရပါတယ်။ သူ့သားဟာ တဇွတ်ထိုး လုပ်တဲ့တယ်လို့ ပြောပြတဲ့အတွက် အိမ်ပိုင်ရှင် ဦးမြင့်မောင်က သူနေတဲ့ တိုက်ရဲ့ ၄ ထပ်ကို သွားကြည့်တဲ့အခါ တံခါးပိတ်ထားတာကို တွေ့ရတဲ့အတွက် အဲ့ဒီကိစ္စကို အိမ်ပိုင်ရှင်နဲ့ ဒေါက်တာဇော်ဇော်ထွန်းတို့ ရဲစခန်းကို အကြောင်းကြားလာခဲ့ပါတယ်”ဟု တာဝန်ကျ ရဲအရာရှိက နိရဉ္စရာ သတင်းဌာနသို့ ပြောကြားသည်။

ယင်းသို့ တိုင်ကြားလာသည့်အတွက် တာဝန်မှူး ဒုရဲအုပ်ဇော်မင်းအောင် လိုက်ပါသွားပြီး ရပ်ကွက်အုပ်ချုပ်ရေးမှူး ဦးဇော်မင်း၊ အိမ်ပိုင်ရှင် ဦးမြင့်မောင်နှင့် ရဲတပ်ဖွဲ့ဝင်များ အခန်းကို သွားကြည့်ရာ တံခါးပိတ်ထားသည်ကို တွေ့ရပြီး ဖွင့်၍မရသဖြင့် သံတူရွင်းဖြင့် တံခါးကို ကလော်၍ ၀င်ကြည့်ရာ ကြိုးဆွဲချက် သေဆုံးနေသည်ကို တွေ့ရှိရသည်ဟု ရဲမှတ်တမ်းတွင် ဖေါ်ပြထားသည်။

ယင်းသေဆုံးမှူးနှင့်ပတ်သက်၍ တာဝန်မှူး ဒုရဲအုပ်ဇော်မင်းအောင်က တရားလိုလုပ်၍ အမှတ် ၁ ရဲစခန်းတွင် သေမှုသေခင်း ၁/၂၀၁၇ ဖြင့် ဇန်န၀ါရီလ ၂၈ ရက်နေ့ ညနေ ၈ နာရီ ၅ မိနစ်တွင် အမှုဖွင့်ထားပြီး မြို့မစခန်းမှူး ဒုရဲမှူး ရန်နိုင်လတ်က အမှုကို လက်ခံစစ်ဆေးနေသည်ဟု သိရှိရသည်။

စံမောင်သန်း၊ စစ်တွေ
Narinjara
https://www.facebook.com/Narinjara