၂၀၁၆ နိုဝင်ဘာလတုန်းက ဘင်္ဂလားဒေ့ရ်ှထဲ တရားမ၀င် ၀င်ရောက်လာသော မြန်မာနိုင်ငံသားများကို Cox’s Bazar အရပ်တွင် ဖမ်းမိစဉ် |
အဲဒီ မြန်မာနိုင်ငံသားတွေ ရောက်နေတဲ့အကြောင်း ဒေသခံတွေနဲ့ နိုင်ငံခြားသားတွေက သတင်းပေးတဲ့အတွက် ရဲတပ်ဖွဲ့က ဖမ်းဆီးလိုက်ခြင်း ဖြစ်တယ်လို့ ရဲတပ်ဖွဲ့ပြောတာကို ကိုးကားပြီး The Dhaka Tribune သတင်းမှာ ဖော်ပြထားပါတယ်။ သူတို့အားလုံးထံမှာ ခိုင်လုံတဲ့ အထောက်အထား ပါလာတာ မတွေ့ရဘူးလို့ ဆိုပါတယ်။
သူတို့အနေနဲ့ ဘင်္ဂလားဒေ့ရ်ှနိုင်ငံထဲကို တရားမ၀င် ၀င်ခဲ့ခြင်းဖြစ်ကြောင်း၊ သူတို့အထဲက ၁၂၆ ယောက်ဟာ Cox’s Bazar ကတဆင့် ခိုးဝင်လာခြင်း ဖြစ်ကြောင်း အဲဒီလူတွေက ထွက်ဆိုခဲ့တယ်လို့ ရဲတပ်ဖွဲ့က ပြောပါတယ်။ ခိုးဝင်လာသူတွေထဲက ၁၃ ယောက်ကတော့ ထွက်ပြေး လွတ်မြောက်သွားတယ်လို့ ဆိုပါတယ်။
သူတို့အနေနဲ့ ဘင်္ဂလားဒေ့ရ်ှကတဆင့် တခြားနိုင်ငံတခုခုကို ထွက်ပြေးဖို့ဆိုတဲ့ အစီအစဉ်နဲ့ အဲဒီလို ခိုးဝင်လာခြင်းဖြစ်တယ်လို့ ထွက်ဆိုခဲ့ကြောင်း ရဲမှူးကြီး Harun-ar-Rashid က ပြောတယ်လို့ ဆိုပါတယ်။
ဖမ်းဆီးမိသူတွေကို စစ်ဆေး မေးမြန်းပြီးတဲ့နောက် ဒါကာမြို့မှာရှိတဲ့ မြန်မာသံရုံးကို ပို့လိုက်တယ်လို့ ဆိုပါတယ်။
ဗွီအိုအေ (မြန်မာပိုင်း)
http://burmese.voanews.com
တရားမဝင်လာရောက်သူ မြန်မာ ၁၅၀ ကျော် ဘင်္ဂလားဒေ့ရ်ှရဲ ဖမ်းဆီး
Reviewed by THITHTOOLWIN
on
05:50
Rating: