ချင်းတွင်းမြစ်အတွင်း ရေနစ်မြုပ်ပျောက်ဆုံးနေသည့် မုံရွာစီးပွားရေး တက္ကသိုလ် ကျောင်းသူ၂ဦးနှင့် လူငယ်တစ်ဦးတို့ အလောင်းကို ရေငုပ်အဖွဲ့က ပြန်လည်တွေ့ရှိ
 |
| မုံရွာချင်းတွင်း တံတားအနီး ဇန်နဝါရီလ၁၈ရက် ညနေ၃နာရီခန့်က နစ်ခဲ့သော ကျောင်းသူ၂ဦးနှင့် လူငယ်တစ်ဦးတို့ အလောင်းကို ရေငုပ်အဖွဲ့က ပြန်လည်တွေ့ရှိ |
``ပထမနစ်တဲ့ ဟုမ္မလင်းက မသန်းသန်းဆင့်ကို မြုပ်တဲ့နေ့ ညနေ၄နာရီ၂၀မှာ ပြန်ရှာတွေ့ခဲ့ ပါတယ်။ သူ့ကိုကယ်ကြတဲ့နှစ်ဦးကို ရေငုပ်သမားတွေ ဝိုင်းရှာကြတာ ၁၉ရက်နေ့မှာရေနစ်တဲ့ နေရာရဲ့ တောင်ဖက်နစ်တဲ့ နေရာအနီးမှာ ပြန်တွေ့ခဲ့ပါတယ်။ မောင်ကုဋေ အောင်ကိုနေ့လည် ၁၁ နာရီ မိနစ်၅၀မှာတွေ့ပြီး နေ့လည်၁နာရီ၄၀မှာ မဟန်နီဆင့်ရဲ့ အလောင်းကို ရှာတွေ့တာဖြစ်ပါတယ်။ ရေနစ်မြုပ်တဲ့ဖြစ်စဉ်မှာ ဓမ္မတာအတိုင်း သေဆုံးရတာ ဟုတ်မဟုတ်ကို ယင်းမာပင်မြို့မရဲစခန်းက သေမှုသေခင်း အမှတ်စဉ်(၃/၂၀၁၇)ဖွင့်ပြီး ဒုရဲမှုးအောင်ကျော်ထူးက စစ်ဆေးဆောင်ရွက်နေပါတယ်´´ဟု ယင်းမာပင်မြို့ မ ရဲစခန်းတာဝန်ရှိသူက ပြောပြသည်။
မုံရွာမြို့တွင်ရှိသော တက္ကသိုလ်နှင့် အခြားကျောင်းများမှ ကျောင်းသားကျောင်းသူအချို့သည် သူငယ်ချင်းများ စုဆုံမိလျင် အလည်အပါတ် ခရီးအဖြစ် ရွှေတောင်ဦးတောင်သို့ သွားရောက် လည်ပါတ်ရင်း ကပ်လျက်ရှိသော ချင်းတွင်းမြစ်ထဲသို့ ရေဆင်းချိုးမှုများရှိသည်။ ထိုသို့ရေဆင်းချိုးရာမှမတော်တဆဖြစ်ကာ ရေနစ်သေဆုံးရမှုများ ရှိနေရာ ဇန်နဝါရီလ၁၈ရက်ကဖြစ်ခဲ့သော ရေနစ်သေဆုံးမှုသည် အဆိုပါအနီးတစ်ဝိုက်တွင် နှစ်ကြိမ်ရှိနေပြီ ဖြစ်သောကြောင့် သက်ဆိုင်ရာက အဆိုပါ အနီးတဝိုက်ကို ရေဆင်းမချိုးရန်တားမြစ်မှုများ ဆောင်ရွက်သင့်ပြီ ဖြစ်ကြောင်း ဒေသခံကျောင်းသား မိဘများက အကြံပြုထားသည်။
အဆိုပါကိစ္စနှင့်ပါတ်သက်၍ ယင်းမာပင်မြို့နယ်ရဲစခန်း တာဝန်ရှိသူကို စုံစမ်းကြည့်ရာ ယင်းမာပင်မြို့နယ် အုပ်ချုပ်ရေးမှုးနှင့် ညှိုနှိုင်းပြီး ပညာပေး သတိပေး ဆိုင်းဘုတ်များကို လူအလာများသည့် ရွှေတောင်ဦးတောင်ခြေ ချင်းတွင်းမြစ်ကမ်းတွင် ဆိုက်ထူသွားရန် စီစဉ်သွားမည် ဖြစ်ကြောင်း သိရသည်။
မျိုးဝင်းထွန်း မုံရွာ
Myanmaalinn
https://www.facebook.com/MYANMAALINNNEWS
ချင်းတွင်းမြစ်အတွင်း ရေနစ်မြုပ်ပျောက်ဆုံးနေသည့် မုံရွာစီးပွားရေး တက္ကသိုလ် ကျောင်းသူ၂ဦးနှင့် လူငယ်တစ်ဦးတို့ အလောင်းကို ရေငုပ်အဖွဲ့က ပြန်လည်တွေ့ရှိ
Reviewed by THITHTOOLWIN
on
19:11
Rating:
Reviewed by THITHTOOLWIN
on
19:11
Rating:
