မင်းမဲ့ စရိုက်ဆန်ဆန် ၀ိုင်းဝန်းထိုးကြိတ် ရိုက်နှက်ခဲ့ ကြသူများအနက် တစ်ဦးအား ဖမ်းဆီးရမိ

လှိုင်မြို့နယ်၊ အုတ်ကျင်းဘူတာရုံလမ်း ကားမှတ်တိုင်တွင် ဖြစ်ပွားခဲ့သော ၀ိုင်းဝန်းထိုးကြိတ် ရိုက်နှက်ခဲ့ ကြသူများအနက် တစ်ဦးအားဖမ်းဆီးရမိ
ရန်ကုန်၊ ဒီဇင်ဘာ ၄

၃.၁၂.၂၀၁၆ ရက်နေ့ ၁၅၀၀ အချိန်ခန့်တွင် လှိုင်မြို့နယ်၊ (၁၆)ရပ်ကွက်၊ အင်းစိန်လမ်း၊ အုတ်ကျင်းဘူတာရုံလမ်း၌ အမျိုးသားတစ်ဦးအား လူငယ် ၄ ဦးမှ ၀ိုင်းဝန်းရိုက်နှက်ထိုးကြိတ်မှုဖြစ်ပွားခဲ့ကြောင်း သိရှိရပါသည်။

ဖြစ်စဉ်မှာ လှိုင်မြို့နယ်နေ ဦးမြင့်နိုင်ဦးသည် ထောက်ကြန့်သို့သွားရန်အတွက် အင်းစိန်လမ်းမ၊ အုတ်ကျင်းဘူတာရုံလမ်းမှတ်တိုင်၌ ကားစောင့်နေခဲ့ကြောင်း၊ ထိုစဉ် သံလမ်းဘက်မှ သမိုင်းလမ်းဆုံ ဘက်သို့မောင်းနှင်လာသော အမှတ်(၂၂၆)ယာဉ်လိုင်း ခရီးသည်တင်ယာဉ်ပေါ်မှ ပိုက်ဆံ
အိတ်ကိုင်ထားသော လူငယ်တစ်ဦးဆင်းလာပြီး ၎င်းနောက်မှ အမျိုးသား ၄ ဦးဆင်းလာကာ မှတ်တိုင်၌ စကားများနေကြသဖြင့် ဦးမြင့်နိုင်ဦးမှ ၀င်ရောက်ဖြန်ဖြေပေးခဲ့ကြောင်း၊ အမျိုးသား ၄ ဦးအနက် တစ်ဦးက “ခင်ဗျားနှင့်ဘာဆိုင်လို့လဲ”ဟုပြောပြီးဆဲဆိုကာ လက်သီးနှင့်ထိုးခဲ့သဖြင့်
ဦးမြင့်နိုင်ဦးမှ လမ်းတစ်ဘက်သို့ကူးသွားစဉ် လမ်းလယ်အရောက်၌ ၎င်းအမျိုးသား ၄ ဦးက နောက်မှလိုက်လာကာ ထပ်မံ၍ ၀ိုင်းဝန်းထိုးကြိတ်ခဲ့ကြောင်း၊ လမ်းတစ်ဖက်အရောက်တွင်လည်း ၎င်းတို့ ၄ ဦးမှ အုတ်ခဲနှင့်ထု၊ စတီးဂေါ်ပြားဖြင့် ၀ိုင်းဝန်းရိုက်နှက်ခဲ့ကြသဖြင့် ဦးမြင့်နိုင်ဦးတွင် ဦးခေါင်းထိပ်၊ ၀ဲလက်မောင်း၊ ၀ဲလက်ဖျံပေါက်ပြဲ၊ လည်ပင်းယာဘက်ပွန်းခြစ်ဒဏ်ရာများ ရရှိခဲ့ကာ ရန်ကုန်ပြည်သူ့ဆေးရုံကြီးတွင် ပြင်ပလူနာအဖြစ်ကုသခဲ့ရကြောင်း သိရှိရပါသည်။

ထိုသို့ဝိုင်းဝန်းထိုးကြိတ်၊ ရိုက်နှက်သူများအား အရေးယူပေးရန် တိုင်တန်းချက်အရ လှိုင်မြို့မရဲစခန်း(ပ)၁၁၅၈/၂၀၁၆၊ ရာဇသတ်ကြီးပုဒ်မ-၃၂၅/၂၉၄/၁၁၄ ဖြင့် အမှုဖွင့်ပြီး ပြစ်မှုကျူးလွန်သူများကို ဖမ်းဆီးရမိရေးဆောင်ရွက်ခဲ့ရာ အမှုမှပြစ်မှုကျူးလွန်ရာတွင်ပါဝင်သူ လှိုင်သာယာမြို့နယ်နေ ဆန်းဝင်းကို၊ (၂၃)နှစ်အား ဖမ်းဆီးရမိခဲ့ပြီး ကျန်ပြစ်မှုကျူးလွန်သူများကိုလည်း ရဲတပ်ဖွဲ့မှ လိုက်လံ စုံစမ်းဖမ်းဆီးလျက်ရှိကြောင်း သတင်းရရှိပါသည်။

Yangon Police
https://www.facebook.com/yangonpolice/
မင်းမဲ့ စရိုက်ဆန်ဆန် ၀ိုင်းဝန်းထိုးကြိတ် ရိုက်နှက်ခဲ့ ကြသူများအနက် တစ်ဦးအား ဖမ်းဆီးရမိ မင်းမဲ့ စရိုက်ဆန်ဆန် ၀ိုင်းဝန်းထိုးကြိတ် ရိုက်နှက်ခဲ့ ကြသူများအနက် တစ်ဦးအား ဖမ်းဆီးရမိ Reviewed by THITHTOOLWIN on 19:19 Rating: 5
Powered by Blogger.