 |
| ( ဓါတ်ပုံ - ပြည်သူ့လွှတ်တော်ဥက္ကဌ ဦးဝင်းမြင့် ကို ဒီဇင်ဘာလ ၆ ရက်နေ့က တွေ့ရစဉ် ) |
ဒီနေ့ ပြည်သူ့လွှတ်တော်မှာ မြန်မာ့လယ်ယာဖွံ့ဖြိုးရေးဘဏ်အနေနဲ့ စိုက်ပျိုးစရိတ်ချေးငွေ ထုတ်ချေးရာမှာ ကျေးရွာဘဏ်ကော်မတီတွေကို စနစ်တကျဖွဲ့စည်းပြီး ကျေးရွာတွေအရောက် ချေးငွေထုတ်ပေးတဲ့ပုံစံ ပြောင်းလဲပေးဖို့အဆိုကို လွှတ်တော်ကိုယ်စားလှယ်တွေ ဆွေးနွေးပြီးနောက် လွှတ်တော်ဥက္ကဌ ဦးဝင်းမြင့် က တိုက်တွန်းလိုက်တာဖြစ်ပါတယ်။
အဲဒီအဆိုကို ဝင်ရောက်ဆွေးနွေးခဲ့တဲ့ ပြည်သူ့လွှတ်တော်ကိုယ်စားလှယ် ဦးအောင်မြင့် က စိုက်ပျိုးစရိတ်ချေးငွေ ထုတ်ပေးရာမှာ လယ်ယာမြေလုပ်ပိုင်ခွင့် ပုံစံ ၇ ရှိမှထုတ်ချေးပေးတာကြောင့် ပုံစံ ၇ တွေဟာ အမှန်တကယ် လယ်လုပ်တဲ့သူတွေထံ မရောက်ရှိဘဲ အောက်ခြေမှာ မသမာမှုတွေ ပြုလုပ်ပြီး စိုက်ပျိုးစရိတ်ချေးငွေတွေကို ထုတ်ယူနေကြောင်း အမှန်တကယ် တောင်ယာလုပ်ကိုင်သူတွေ ချေးငွေရရှိဖို့ အခက်အခဲဖြစ်နေရကြောင်း ဆွေးနွေးခဲ့ပါတယ်။
အဲဒီဆွေးနွေးမှုနဲ့ ပတ်သက်ပြီး အောက်ခြေမှာ မမှန်မကန်ဆောင်ရွက်နေတာတွေကို လွှတ်တော်ကိုယ်စားလှယ်တွေအနေနဲ့ တိတိကျကျလေ့လာပြီး အထောက်အထားခိုင်ခိုင်လုံလုံနဲ့ တင်ပြဖို့ ဦးဝင်းမြင့် က ပြောခဲ့တာဖြစ်ပါတယ်။
ဒါ့အပြင် စိုက်ပျိုးရေး၊ မွေးမြူရေးနဲ့ ဆည်မြောင်းဝန်ကြီးဌာနအနေနဲ့ လွှတ်တော်ကိုယ်စားလှယ်တွေနဲ့ ပူးပေါင်းဆောင်ရွက်မယ်လို့ ပြောဆိုထားပေမယ့် မဲဆန္ဒနယ်တွေကို ဆင်းတဲ့အခါမှာ အောက်ခြေမှာ ဝန်ထမ်းတွေက ဝန်ကြီးဌာနရဲ့ ညွန်ကြားချက် မရရှိသေးကြောင်း ပြောဆိုတာကြောင့် ကိုယ်စားလှယ်တွေအနေနဲ့ အခက်အခဲဖြစ်ရကြောင်းလည်း ဦးအောင်မြင့် က တင်ပြခဲ့ပါတယ်။
RFA Burmese
https://www.facebook.com/rfaburmese
ဥပဒေမဲ့လုပ်ရပ်တွေနဲ့ မသမာမှုတွေကို တိတိကျကျတိုင်ကြားဖို့ လွှတ်တော်ဥက္ကဌ တိုက်တွန်း
Reviewed by THITHTOOLWIN
on
18:29
Rating:
Reviewed by THITHTOOLWIN
on
18:29
Rating:
