လင်မယားချင်း စကားများရန်ဖြစ်ရာမှ ဇနီးဖြစ်သူက ခင်ပွန်းအား ဓားဖြင့်ထိုး၍ သေဆုံး


ကျွန်းစု ဒီဇင်ဘာ ၂၀ ရက်

တနင်္သာရီတိုင်းဒေသကြီး ကျွန်းစုမြို့နယ်၊ မဲတောကျေးရွာအုပ်စု၊ စစ်ဘုကျေးရွာတွင် ဒီဇင်ဘာလ(၁၉)ရက်နေ့ ည(၁)နာရီ အချိန်ခန့်က လင်မယားချင်းစကားများရန်ဖြစ်ရာမှ ဇနီးဖြစ်သူက ခင်ပွန်းအားဓားဖြင့်ထိုး၍ စခန်းသစ် တိုက်နယ် ပြည်သူ့ဆေးရုံသို့ တင်ပို့ရာ ၎င်းနေ့ နေ့လည်(၂)နာရီအချိန်က သေဆုံးခဲ့ကြောင်း သိရှိရသည်။

အဆိုပါဖြစ်စဉ်မှာ စစ်ဘုကျေးရွာရာအိမ်မှူးဖြစ်သူ ဦးသန်းထွန်းဦးသည် နေအိမ်၌နေစဉ် တစ်ရွာတည်း နေ အဘ ဦးဖေစိန်၏သား ဦးရဲဝင်း အသက်(၄၂)နှစ်သည် ၎င်းဇနီးဖြစ်သူ အဘ ဦးရွှေလင်း၏ သမီး မဝေေ၀မြင့် အသက်(၃၄)နှစ် တို့မှ လင်မယားချင်းစကားများရန်ဖြစ်နေကြောင်း သတင်းကြား၍ ဖျန်ဖြေရန်သွားရောက်ခဲ့ရာ ဦးရဲဝင်းအား အိပ်ယာထဲတွင် ရင်ဘတ်၌ မျက်နှာသုတ်ပ၀ါဖြင့် ဖိထားပြီး သွေးများထွက်နေသည်ကို တွေ့ရ၍ ဖြစ်စဉ်ကို မဝေေ၀မြင့်အားမေးမြန်းရာ ၎င်းတို့လင်မယား ခရုဝယ်ယူရာတွင် စရံငွေပေးထားသည့်ကိစ္စနှင့် ပတ်သက်၍ စကားများရန်ဖြစ်ရာမှ မဝေေ၀မြင့်က ခင်ပွန်းဖြစ်သူ ရင်ဘတ်ကို ဓားဖြင့်ထိုးလိုက်ခြင်းဖြစ်ကြောင်း သိရသည်။

အဆိုပါအမှုအား ကျေးရွာရာအိမ်မှူး ဦးသန်းထွန်းဦးမှ ကံမော်နယ်မြေရဲစခန်းသို့ ဥပဒေအရ အရေးယူဆောင်ရွက် ပေးနိုင်ရေး တိုင်တန်းခဲ့သောကြောင့် ကံမော်နယ်မြေရဲစခန်းမှ ဒီဇင်ဘာလ(၁၉)ရက်နေ့ နံနက်(၈)နာရီအချိန်ခန့် က (ပ)အမှတ် ၅၃/၂၀၁၆၊ ရာဇသတ်ကြီး ပုဒ်မ ၃၂၆ အရ ဓားဖြင့်ထိုးသူ မဝေေ၀မြင့်အား အမှုဖွင့်လှစ်အရေးယူ ဆောင်ရွက်ပြီး ဒဏ်ရာရရှိသူ ဦးရဲဝင်းမှ စိုးရိမ်ရသဖြင့် စခန်းသစ်တိုက်နယ်ပြည်သူ့ဆေးရုံသို့ မှုခင်းဆေးစာဖြင့် တင်ပို့ကုသခဲ့ရာ ဦးရဲဝင်းမှာ ဒီဇင်ဘာလ(၁၉)ရက်နေ့ နေ့လည် (၂)နာရီအချိန်က ရရှိသော ဒဏ်ရာဖြင့်သေဆုံး သွားသဖြင့် ကံမော်နယ်မြေရဲစခန်းမှ အမှုအား လူသတ်မှု ပုဒ်မ ၃၀၂ သို့ ပြောင်းလဲစစ်ဆေး ဆာင်ရွက်လျက်ရှိ ကြောင်း သိရှိရသည်။

Ko Kyunthar
https://www.facebook.com/ko.kyunthar

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ