ထရမ့်ရဲ့အမေရိကန် နဲ့ တရုတ် တို့ ကုန်သွယ်ရေး အချင်းများ လာလေမလား

တရုတ်ကုန်သွယ်ရေး က ထရမ့်ရဲ့ မဲဆွယ်စည်းရုံးရေး ခေါင်းစဉ်တခုဖြစ်ခဲ့
အမေရိကန် နိုင်ငံ ရဲ့ရွေးကောက်ခံ သမ္မတ ဒေါ်နယ်ထရမ့် က ဒေါက်တာ ပီတာ နဗာရို ကို အမျိုးသား ကုန်သွယ်ရေး ကောင်စီမှာ ခန့်ဖို့ လျာထားလိုက်ပြီးတော့ သူ့ကို ကုန်သွယ်ရေး ဆိုင်ရာ ပေါ်လစီတွေ မှာ ရှေ့ဆောင် စေမှာပါ။

မစ္စတာ နဗာရိုဟာ ပီအိတ်ချဒီ ဘွဲ့ ရဖြစ်တယ်၊ ဟားဗတ်က ကျောင်းဆင်းလာတဲ့ စီးပွားရေး ပညာရှင်ပါ။

ဒါပေမယ့် သူ့ရဲ့ တရုတ်နဲ့ ပတ်သက်တဲ့ အမြင်တွေ က တော့ အတော်ပြင်းပါတယ်။

သူရေးတဲ့ တရုတ်ကြောင့် သေရခြင်း Death by China ဆိုတဲ့ စာအုပ် ကိုအခြေခံထားတဲ့ ဗီဒီယို မှတ်တမ်းကား မှာဆိုရင် တရုတ်ရဲ့ စီးပွားရေး တိုးတက်လာမှုတွေ ကြောင့် အမေရိကန် က ကုန်ထုတ်လုပ်ငန်းတွေ အကြီးအကျယ် ကျဆင်းနေတာ၊ တရုတ် ကုန်ထုတ်လုပ်ငန်းတွေ ကြောင့် သဘာဝပတ်ဝန်းကျင် ပျက်စီးနေ တာတွေ ကို ထောက်ပြ ထားသလို အမေရိကန် တို့ရဲ့ ကိုယ့်မိသားစု ကိုယ် ကာကွယ်နိုင်ဖို့အတွက် တရုတ် ကထုတ်တဲ့ ပစ္စည်းတွေ မဝယ် ကြနဲ့လို့ တောင် တိုက်တွန်း ထားပါတယ်။

မစ္စတာ ထရမ့်ကိုယ်တိုင်ကလည်း တရုတ်က ယွမ်ငွေကို ဈေးချထားတာကြောင့် အမေရိကန်တို့အများကြီးနစ်နာ ရတာ လို့ စွပ်စွဲခဲ့တာပါ။

အမေရိကန် ကုန်ထုတ်လုပ်ငန်းတွေ ပြန်ကြီးထွား ရမယ် ဆိုတာက သူ့ရဲ့ ရွေးကောက်ပွဲ ကြွေးကြော်သံထဲက တခုပါ။

ဒါတွေအပြင် အခုအမေရိကန် က တရုတ်ရဲ့ အလီဘာဘာ အွန်လိုင်း ရောင်းဝယ်ရေး ကို အမည်ပျက် စာရင်းသွင်းလိုက်ပါပြီ။

ပစ္စည်းအတု တွေ ကို ရောင်းဝယ်တဲ့အတွက်လို့ အကြောင်းပြပါတယ်။

အလီဘာဘာ အုပ်စု ရဲ့ ဥက္ကဌ မိုင်ကယ် အက်ဗင် က တကယ့်ကို အချက်အလက်ကို အခြေခံပြောတာလား၊ ဒါမှမဟုတ် လက်ရှိနိုင်ငံရေး ရာသီဥတု ကို မှီပြီးပြောနေတာလား ဆိုပြီး ပြန်လည် မေးခွန်းထုတ်ထားပါတယ်။

တရုတ် ကို အမြင်ပြင်းထန်တဲ့ စီးပွားရေး ပညာရှင် ရဲ့ ခြေလှမ်းတွေ ဘယ်လို ထွက်လာမလဲဆိုတာတော့ မသိရသေးပါဘူး။

တခြားစီးပွားရေး ပညာရှင် အများအပြားကတော့ အမေရိကန် က တရုတ်ကို ကုန်သွယ်ရေးနဲ့ပတ်သက်ပြီး ရန်လိုတဲ့ အပြုအမူတွေနဲ့ ချဉ်းကပ်မယ်ဆိုရင် တော့ ကုန်သွယ်ရေး စစ်ပွဲ ဖြစ်လာနိုင်ပြီး ၂ ဘက်စလုံး ရိုက်ခတ် သက်ရောက်တာတွေ လာနိုင်တဲ့အကြောင်း ပြောနေကြပါတယ်။

BBC Burmese
http://www.bbc.com/burmese/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ