သန်းနဲ့ချီတဲ့ တရားမ၀င် ရွှေ့ပြောင်းနေထိုင်သူတွေ ပြန်ပို့မည်ဟု Trump ပြော


အမေရိကန်ပြည်ထောင်စုရဲ့  သမ္မတအဖြစ်ရွေးကောက်ခံထားရတဲ့ Donald Trump က ရာဇ၀တ် ကျူးလွန်ထားသူ၊ တရားမ၀င် ရွှေ့ပြောင်းဝင်ရောက် လာသူပေါင်း ၂ သန်းကနေ ၃ သန်း အထိကို နေရပ်ပြန်ပို့သွားမယ်လို့ ပြောပါတယ်။

ဒါ့အပြင် အမေရိကန်နိုင်ငံထဲကို မက္ကဆီကိုကနေ လူတွေတရားမ၀င် ၀င်ရောက်မလာနိုင်အောင် တံတိုင်းဆောက်မယ်ဆိုတဲ့ ရွေးကောက်ပွဲ မဲဆွယ်စဉ်က ကတိစကားကိုလည်း သူတာဝန် စတင်ယူတာနဲ့အကောင် အထည်ဖော်မယ်လို့ဆိုပါတယ်။ CBS သတင်းဌာနနဲ့ တွေ့ဆုံမေးမြန်းခန်းအတွင်း Trump ကအဲ့ဒီလိုပြောဆိုသွားတာပါ။

Trump ရဲ့ မဲဆွယ်ပွဲ ကတိစကားထဲမှာ တံတိုင်းဆောက်မယ်ဆိုတဲ့ စကားကို သူ့ကိုထောက်ခံသူတွေ အကြိုက်ဆုံးဖြစ်ပါတယ်။ ဒါပေမယ့် တံတိုင်းရဲ့အချို့ အပိုင်းတွေက ခြံစည်းရိုးတွေဖြစ်လိမ့်မယ်လို့ ပြောပါတယ်။

ဟောဟောဒိုင်းဒိုင်းပြောတတ်တဲ့ အိမ်ခြံမြေ သူဌေး Donald Trump က ဆောက်လုပ်ရေးနဲ့ပတ်သက်လို့ သူကောင်းကောင်းလုပ်တတ်တယ်လို့ပြောပါတယ်။ တံတိုင်းဆောက်လုပ်ရေးအတွက် မက္ကဆီကိုနိုင်ငံက အကုန်အကျခံရမယ်လို့ Trump က အဓိဋ္ဌာန်ပြုပြောဆိုထားပေမယ့် မက္ကဆီကိုဘက်ကတော့ မပေးနိုင်ဘူးလို့ ပြောဆိုထားတာပါ။

အမေရိကန်နိုင်ငံထဲမှာ တရားမ၀င်ရွှေ့ပြောင်းဝင်ရောက်လာသူ အကြမ်းဖျင်း ၁၁ သန်း လောက်ရှိပါတယ်။ နယ်စပ်လုံခြုံရေး လုပ်ပြီးတာနဲ့ ဥပဒေချိုးဖောက်တာ နဲ့ တရားမ၀င်ရွှေ့ပြောင်းဝင်ရောက်လာသူတွေကို ပထမအသုတ် အဖြစ်ပြန်ပို့မယ်လို့ပြောပါတယ်။ အမေရိကန်နိုင်ငံမှာ ကျန်နေသေးတဲ့ တရားမ၀င်ရွှေ့ပြောင်းဝင်ရောက်နေထိုင်သူ သန်းနဲ့ချီကို ဘာဆက်လုပ်မလဲဆိုတာကိုတော့ သူ့အစိုးရက ဆုံးဖြတ်မယ်လို့ Trump ကပြောပါတယ်။

ဗွီအိုအေ (မြန်မာပိုင်း)
http://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ