အမေရိကန်ပြည်နယ်တွေ မဲရုံနောက်ဆုံးရလဒ် - Trump က ကိုယ်စားလှယ်မဲ ၁၆၇ မဲ၊ Clinton ၁၃၁ မဲ


သမ္မတရွေးကောက်ပွဲ ကျင်းပနေတဲ့ အမေရိကန်ပြည်ထောင်စုမှာ အရှေ့ခြမ်း မဲရုံအားလုံးနဲ့ အနောက်အလယ်ပိုင်းက မဲရုံတချို့ပိတ်သွားပြီဖြစ်တဲ့အတွက် မဲတွေ စတင်ရေတွက်နေပါပြီ။

နောက်ဆုံးထွက်ပေါ်လာတဲ့ ရလဒ်တွေအရ မဲရုံပိတ်သွားတဲ့ ပြည်နယ်တွေမှာ Republican သမ္မတလောင်း Donald Trump က ကိုယ်စားလှယ်မဲ ၁၆၇ မဲ၊ ဒီမိုကရက် သမ္မတလောင်း Hillary Clinton က ၁၃၁ မဲ ရရှိထားပါတယ်။

အမေရိကန် ရွေးကောက်ပွဲစနစ်အရ ပြည်နယ်တခုချင်းစီမှာ လူဦးရေနဲ့ အချိုးကျရှိနေ သမ္မတရွေးချယ်ရေးအဖွဲ့ရဲ့ Electoral vote ၅၃၈ မဲအနက် သမ္မတလောင်းတဦးအနေနဲ့ အနိုင်ရဖို့ စုစုပေါင်း Electoral vote ၂၇၀ ရရှိဖို့ လိုအပ်ပါတယ်။

လူထု ထောက်ခံမဲ အများစုရတဲ့အပေါ် မူတည်ပြီး Electoral vote တွေကို အဲဒီပြည်နယ်အတွက် သမ္မတလောင်းတွေက မဲရရှိကြပါတယ်။ ဒါကြောင့် Electoral vote များများရနိုင်တဲ့ ပြည်နယ်တွေဆီ သမ္မတလောင်းတွေ သွားရောက်မဲဆွယ်ခဲ့ကြတာဖြစ်ပါတယ်။ အင်္ဂါနေ့ အစောပိုင်းကတော့ ဒီမိုကရက် သမ္မတလောင်း Hillary Clinton ရော Rpbublican သမ္မတလောင်း Donald Trump ပါ New York ပြည်နယ်မှာ မဲပေးခဲ့ကြပါတယ်။ သမ္မတလောင်း ၂ ယောက်လုံးက မဲဆန္ဒရှင်တွေကို မဲပေးကြဖို့ ရုပ်မြင်သံကြား Radio နဲ့ Twitter လူမှုကွန်ယက်တွေပေါ်ကနေ တိုက်တွန်းနေပါတယ်။ ဒီတခေါက် ရွေးကောက်ပွဲမှာ မဲပေးကြသူတွေ တော်တော်လေးများပါတယ်။

တချို့ပြည်နယ်တွေမှာ မဲပေးတဲ့ စက်တချို့ချွတ်ယွင်းမှုရှိတယ်ဆိုတဲ့ သတင်းတွေလည်း ထွက်ပေါ်နေပါတယ်။ အပြီးသတ်မဲရလာဒ်တွေကတော့ ဝါရှင်တန်စံတော်ချိန် ညသန်းခေါင်လောက်မှာ ထွက်လာမယ်လို့ ခန့်မှန်းရပါတယ်။ သမ္မတလောင်း ၂ ယောက်လုံးက New York မြို့မှာ ရွေးကောက်ပွဲအောင်နိုင်ပွဲတွေကို ကျင်းပဖို့ စီစဉ်ထားကြပါတယ်။

 ဗွီအိုအေ (မြန်မာပိုင်း)
http://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ