Ohio တက္ကသိုလ် တိုက်ခိုက်မှု ၉ ဦး ဒဏ်ရာရ

Ohio တက္ကသိုလ် တိုက်ခိုက်မှု ၉ ဦး ဒဏ်ရာရ
အမေရိကန်နိုင်ငံ အနောက်အလယ်ပိုင်း Ohio ပြည်နယ်၊ Coloumbus မြို့မှာရှိတဲ့ ပြည်နယ်တက္ကသိုလ်ဝင်းအတွင်း လူတဦးက လမ်းလျှောက်နေတဲ့သူတွေကြားထဲ ကားနဲ့ ၀င်တိုက်ပြီးတဲ့နောက် ဓါးနဲ့ လိုက်ထိုးတဲ့အတွက် အနည်းဆုံး ၉ ဦး ထိခိုက် ဒဏ်ရာရသွားတယ်လို့ ဒေသခံ ရဲတပ်ဖွဲ့က ပြောပါတယ်။

တိုက်ခိုက်မှု ပြုလုပ်တဲ့ မသင်္ကာသူကိုတော့ ရဲတပ်ဖွဲ့က သေနတ်နဲ့ ပစ်သတ်လိုက်ပါတယ်။ ဒီတိုက်ခိုက်မှုကို အကြမ်းဖက် တိုက်ခိုက်မှုအဖြစ် သတ်မှတ်ရမှာဖြစ်ကြောင်း Columbus မြို့ ရဲတပ်ဖွဲ့ အကြီးအကဲ Kim Jacobs က ပြောပါတယ်။

တိုက်ခိုက်သူဟာ Abdul Razak Ali Artan လို့ခေါ်တဲ့ ပထမနှစ် ကျောင်းသားတဦးဖြစ်ကြောင်း Ohio ပြည်နယ်တက္ကသိုလ်က ပြောပါတယ်။ သူဟာ အသက် ၂၀ အရွယ်ရှိပြီဖြစ်တဲ့ ဆိုမားလီးယားနွယ်ဖွား တဦးဖြစ်တယ်လို့ Columbus မြို့ခံတွေက ဗွီအိုအေ ဆိုမားလီး ဌာနကို ပြောပါတယ်။

ဒဏ်ရာ ရသူတွေထဲက ၈ ဦးကတော့ စိုးရိမ်စရာ အခြေအနေ မရှိပေမယ့် ကျန်တဦးကတော့ စိုးရိမ်ရတဲ့ အနေအထားမှာရှိကြောင်း ဆေးရုံ အရာရှိတွေက ပြောပါတယ်။

ဒုတိယမြောက် တိုက်ခိုက်သူတဦး ရှိနေသေးတယ်ဆိုတဲ့ ကောလာဟာလ သတင်းတွေ အစောပိုင်းမှာ ထွက်ပေါ်ခဲ့ကြောင်း တက္ကသိုလ် အကြီးအကဲ Michael Drake က ပြောပါတယ်။ ဒါပေမယ့် ရဲတပ်ဖွဲ့က တက္ကသိုလ် ၀င်းအတွင်း လိုက်လံ ရှာဖွေပြီးတဲ့နောက် တိုက်ခိုက်သူ တဦးထဲဖြစ်တယ်ဆိုတာလို့ သိရှိခဲ့ကြောင်း Michael Drake က ပြောပါတယ်။

 ဗွီအိုအေ (မြန်မာပိုင်း)
http://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ