ပုသိမ် NLD ပါတီဒုဥက္ကဌကို ဆင်မ ကျေးရွာအုပ်ချုပ်ရေးမှုးက ပုဒ်မ ၆၆ ဃ ဖြင့် အမှုဖွင့်

Photo The Ayeyarwaddy Times
ပုသိမ်၊ နိုဝင်ဘာ ၂၅၊ ၂၀၁၆ ခုနှစ်။

ဧရာဝတီတိုင်းဒေသကြီး၊ ပုသိမ်မြို့နယ် NLD ပါတီ ဒုဥက္ကဌ ဦးစန်းရွှေကို ဆင်မကျေးရွာအုပ်ချုပ်ရေးမှုး ဦးအောင်ကိုလွင်မှ အီလက်ထရောနစ် ဥပဒေပုဒ်မ ၆၆ ဃ ဖြင့်နိုဝင်ဘာလ ၂၄ ရက်နေ့က ငွေဆောင်ရဲစခန်းတွင် အမှုဖွင့်ထားကြောင်း ငွေဆောင်ရဲစခန်း မှသိရသည်။

ဆင်မကျေးရွာ NLD ပါတီ ဘဏ္ဍာရေးမှုးလည်းဖြစ်သူ ဦးအောင်ကိုလွင်သည် ကျေးရွာအတွင်း အရက်ဖြန့်ဖြူးသည် ဟု ဦးစန်းရွှေ၏ လူမှုကွန်ယက်စာမျက်နှာပေါ်တွင် တင်ခဲ့ခြင်းနှင့်ပတ်သတ်၍ အရေးယူ ပေးပါရန် အမှုဖွင့်တိုင်ကြားလာသဖြင့် နိုဝင်ဘာလ ၂၄ ရက်ညပိုင်းမှ စတင်ကာ ဦးစန်းရွှေကို ဖမ်းဆီးထားကြောင်း ငွေဆောင်ရဲခန်းမှ သိရသည်။

ဦးစန်းရွှေသည် နိုဝင်ဘာလ ၁၉ ရက်နေ့ကဆင်မကျေးရွာရှိ NLD ပါတီဝင်များ၏ တိုင်ကြားစာပါ အကြောင်းအရာများဖြစ်သော ဦးအောင်ကိုလွင်မှ ဆင်မကျေးရွာအတွင်း အရက်ပုံးဆိုင်များကို ရန်ပုံငွေကိစ္စပြောပြီး အရက်ဆီယူပေးရန် တစ်လလျှင် ၅ ဂါလံ ဖြန့်ပေးရန် ပြောဆိုခြင်း၊ ငါးဖမ်းစက်လှေ များကို အစည်းအဝေးခေါ်ယူ၍ ရန်ပုံငွေအတွက် ငွေတောင်းခံရန် ညှိုနှိုင်းခြင်း၊ ငွေကောက်ခံ၍ မရသည့်အခါတွင် စက်လှေအဖွဲ့ ကိုတိုင်ကြားခြင်းများ ပြုလုပ်နေကြောင်း လူမှုကွန်ယက်တွင် တင်ခဲ့သည်ဟု သိရသည်။

လူမှုကွန်ယက်တွင် မိမိအားမဟုတ်မမှန်ရေးသားသည်ကို အရေးယူပေးပါရန် ဦးအောင်ကိုလွင်၏ တိုင်ကြားမှုကြောင့် ယခုအခါ ဦးစန်းရွှေကို ငွေဆောင်ရဲစခန်းမှ(ပ)၃၉/၂၀၁၆ အီလက်ထရောနစ် ဆက်သွယ်ရေး ဥပဒေပုဒ်မ ၆၆ ဃဖြင့် အမှုဖွင့်ဖမ်းဆီးစစ်ဆေးလျှက်ရှိကြောင်း သိရသည်။

Ayeyarwaddy Times
https://www.facebook.com/ayetimes/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ