ကြားဖြတ်အတွက် NLD ကိုယ်စားလှယ်လောင်းစာရင်း ထုတ်ပြန်

NLD ပါတီ ဗဟိုအလုပ်အမှုဆောင်အဖွဲ့ရဲ့ အတွင်းရေးမှူးအဖွဲ့ဝင် ဦးဝင်းထိန်ကို နိုဝင်ဘာလ ၂၆ ရက်နေ့က တွေ့ရစဉ်။ Photo: Win Ko Ko Latt/RFA
လာမယ့် ဧပြီလ ၁ ရက်နေ့မှာ ကျင်းပမယ့် ကြားဖြတ်ရွေးကောက်ပွဲမှာ ၀င်ရောက်ယှဉ်ပြိုင်မယ့် အမျိုးသား ဒီမိုကရေစီအဖွဲ့ချုပ် လွှတ်တော်ကိုယ်စားလှယ်လောင်း ၁၈ ဦး အမည်စာရင်းကို ဒီနေ့ ထုတ်ပြန်လိုက်ပါတယ်။

အရင်က ချမှတ်ခဲ့တဲ့ ကိုယ်စားလှယ်လောင်း ရွေးချယ်ရေးမူတွေနဲ့ မရွေးချယ်ဘဲ နိုင်ငံရေးအရည်အချင်း ရှိသူတွေကို ဦးစားပေး ရွေးချယ်ခဲ့တာဖြစ်တယ်လို့ NLD ပါတီ ဗဟိုအလုပ်အမှုဆောင်အဖွဲ့ရဲ့ အတွင်းရေးမှူးအဖွဲ့ဝင် ဦးဝင်းထိန် က ပြောပါတယ်။

"၂ဝ၁၅ တုန်းကတော့ သိတဲ့အတိုင်းပဲ အမျိုးသမီးရယ်၊ လူငယ်ရယ်၊ တိုင်းရင်းသားရယ်၊ အခုကျတော့ ရွေး ထားတဲ့လူတွေထဲက တချို့က နိုင်ငံရေးအရည်အချင်း မရှိဘူး၊ မရင့်ကျက်ဘူး ထင်ရာပြော ထင်ရာလုပ် စည်းကမ်းဖောက်၊ အဲဒီတော့ အခုကကျတော့ နိုင်ငံရေးအရည်အချင်းရှိတဲ့လူကို ဦးစားပေးရမယ့် အတွက်ကြောင့်မို့လို့ အရင်ကရွေးတဲ့စနစ်နဲ့တော့ နည်းနည်းကွာတယ်"

လစ်လပ်မဲဆန္ဒနယ် ၁၉ နေရာထဲက စိုက်ပျိုးရေး၊ မွေးမြူရေးနဲ့ ဆည်မြောင်းဝန်ကြီးဌာန ဒေါက်တာအောင်သူရဲ့ မဲဆန္ဒနယ်ဖြစ်တဲ့ ရန်ကုန်တိုင်းဒေသကြီး အမျိုးသားလွှတ်တော် မဲဆန္ဒနယ် (၆) နေရာအတွက် ထုတ်ပြန်ဖို့ ကျန်နေတာဖြစ်ပါတယ်။ အဲဒီနေရာအတွက် ကိုယ်စားလှယ်လောင်းကို စိစစ်နေဆဲဖြစ်ပြီး ထပ်မံထုတ်ပြန်ပေး သွားမယ်လို့ ဦးဝင်းထိန်က ပြောပါတယ်။

လစ်လပ်မဲဆန္ဒနယ်တွေထဲက နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ မဲဆန္ဒနယ်ဖြစ်တဲ့ ကော့မှူး မြို့နယ် ပြည်သူ့လွှတ်တော်နေရာမှာ စာရေးဆရာ မြောင်းမြဘဆွေရဲ့ သားဖြစ်သူ ဦးကျော်ဆွေဝင်းက ၀င်ရောက် ယှဉ်ပြိုင်မှာဖြစ်ပါတယ်။

အန်အယ်လ်ဒီပါတီက ထုတ်ပြန်တဲ့ ကိုယ်စားလှယ်လောင်း ၁၈ ဦးထဲမှာ အမျိုးသမီး ကိုယ်စားလှယ်လောင်း ၂ ဦး ပါဝင်ပါတယ်။

ကြားဖြတ်ရွေးကောက်ပွဲမှာ ၀င်ရောက်ယှဉ်ပြိုင်မယ့် လွှတ်တော်ကိုယ်စားလှယ်လောင်း အမည်စာရင်းတွေကို လာမယ့် နိုဝင်ဘာလ ၂၈ ရက်နေ့ကနေ ဒီဇင်ဘာလ ၇ ရက်နေ့ ပြည်ထောင်စုရွေးကောက်ပွဲကော်မရှင် ထံ နောက်ဆုံးထားတင်သွင်းရမှာဖြစ်ပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ