KIA မှ တောင်းခိုင်းသည်ဟု ပြောဆိုကာ တောင်းကော့ရာအိမ်မှူး ဦးကျော်ဇောဦးမှ ရွာသားများထံ ငွေတစ်သိန်းနှုန်း ကောက်ခံနေ


ကချင်ပြည်နယ် ဖားကန့်မြို့နယ် ဆိပ်မူ( ဆိုင်းတောင် ) ကျေးရွာအုပ်စု တောင်းကော့ကျေးရွာတွင် ကျောက်စိမ်းတူးဖော်မှုကြောင့် လူနေအိမ်များ ပြိုကျပျက်စီးသွားမည့် အန္တရာယ်ရှိသော နေအိမ် (၄၂) လုံးအား ကုမ္မဏီ သုံးခုမှ နစ်နာကြေးများ ပေးလျော်ခဲ့သည်ဟု သိရပါသည် ။

 အဆိုပါ လူနေအိမ် (၄၂) လုံး အန္တရာယ်အနီးဆုံး ဖြစ်သည့် နေအိမ် (၆) လုံးကို သိန်း (၄၀) နှုံးပေးခဲ့ပြီး ကျန်အိမ် (၃၆) လုံးကို သိန်း (၃၀)နှုန်းပေးခဲ့သည်ဟု သိရပါသည် ။

 နစ်နာကြေးရရှိသူ အိမ်ရှင်များထံမှ တောင်းကော့ ကျေးရွာ ရာအိမ်မှူး ဦးကျော်ဇောဦးမှ ကျေးရွာရန်ပုံငွေအတွက် တစ်ဦးလျှင် ငါးသောင်းနှုတ်ယူခဲ့သည်ဟု ရွာသားများက ပြောပြခဲ့ပါသည် ။ ၄.၁၁.၂၀၁၆ နေ့တွင် KIA မှ တောင်းခိုင်းသည်ဟု ဆိုကာ တစ်သိန်းနှုန်း လိုက်လံတောင်းယူခဲ့ပြီး စုစုပေါင်း တစ်သိန်းခွဲ ခေါင်းပုံ ဖြတ်ခံခဲ့ရသည်ဟု အမည်မဖော်လိုသူ အိမ်ရှင်တစ်ဦးက ပြောပါသည် ။

 “ ရုံးအတွက် ရန်ပုံငွေက ငါးသောင်း ၊၄ ရက်နေ့ မနက်မှာ kia က တောင်းခိုင်းတာဆိုပီး တအိမ်ကို တစိသိန်းဆိုပီး ဦးကျော်ဇောဦးကိုယ်တိုင် အိမ်မှာ လာတောင်းသွားတာ”ဟု ငွေဖြတ်ယူခံခဲ့ရသူ အိမ်ရှင်တစ်ဦးက ပြောပါသည် ။

အဆိုပါတောင်းကော့ကျေးရွာသည် ရတနာစမ်းရွှင် ၊ရွှေဂေါင်ဂေါင် ၊ဆဲဗင်းစတား စသောကျောက်တူးဖော်ရေးကုမ္မဏီးများ၏ ကျောက်စိမ်းတူးဖော်မှုကြောင့် ကျေးရွာတည်ရှိရာ အောက်ခြေမှ မြေသားနံရံများ အက်ကွဲပြိုကြမည့် အန္တရာယ်နှင့် ကြုံတွေ့နေခဲ့ရတာလည်းဖြစ်ပါသည် ။

 အဆိုပါ ကိစ္စအား ဖားကန့်မြို့နယ် ပြည်သူ့လွှတ်တော်ကိုယ်စားလှယ်များအား ဖြေရှင်းပေးရန် တောင်းဆိုခဲ့သော်လည်း ပြေလည်အောင် ဖြေရှင်းပေးနိုင်ခြင်းမရှိဟုလည်း သိရပါသည် ။

 မူလ လွှတ်တော်ကိုယ်စားလှယ်များ လာရောက်ဖြေရှင်းချိန်တွင် သိန်းရာဂဏန်းခန့် ကုမ္မဏီများဘက်မှ ပေးရန် ပြောသော်လည်း အမှန်တကယ် လက်တွေ့တွင်ပေးသော လျော်ကြေးငွေမှာ လွန်စွာ နဲနေသည်ဟု ရွာသားများက ပြောဆိုနေကြသည် ။

“ ဒီလိုဖြစ်တာ ရိုးရိုးသားသားမဖြစ်နိုင်ဘူးဗျ ။အရင်က လွှတ်တော်ကိုယ်စားလှယ်တွေ လာရှင်းတုံးက တစ်အိမ်ကို သိန်းရာဂဏန်းနီးပါး ကုမ္မဏီနဲ့ ညှိနေကြတာ ။ အဲ့ချိန်က ရွာသားတွေက မညီညွှတ်ကြဘူး ။တစ်ယောက်တစ်ပေါက်ပြောနေကြလို့ လွှတ်တော်ကိုယ်စားလှယ်တွေက လာရှင်းမပေးတော့တာ ” ဟု ရွာသားတစ်ဦးက ပြောပြပါသည် ။

ဖားကန်းသား (Facebook)

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ