 |
| တာမွေရဲစခန်းကို ရောက်ရှိလာတဲ့ Eleven Media Group အမှုဆောင် အရာရှိချုပ် ဒေါက်တာသန်းထွဋ်အောင်။ |
"အမှုမှာ စွပ်စွဲခံထားရတဲ့အမှုဆောင်အရာရှိချုပ် ဒေါက်တာသန်းထွဋ်အောင်နဲ့ အယ်ဒီတာချုပ် ဦးဝေဖြိုး တို့ ဖြစ်ပါတယ်။ သူတို့ကို ကျနော်တို့ စစ်မယ်။ သူတို့ ပုံစံတွေ ဘာတွေယူမယ်။ ပြီးရင် တရားရုံးကို ရမာန်သွားယူမယ်။ ပြီးရင် ကျနော်တို့ အမှုတွဲ ဆက်တည်ဆောက်မယ်။"
Eleven Media Group အမှုဆောင်အရာရှိချုပ် ဒေါက်တာသန်းထွဋ်အောင်နဲ့ အယ်ဒီတာချုပ် ဦးဝေဖြိုး တို့ ၂ ဦးကိုတော့ ၀န်ကြီးချုပ် ဦးဖြိုးမင်းသိမ်းရဲ့ ရန်ကုန်တိုင်းအစိုးရက ဒီသီတင်းပတ်ထဲမှာပဲ တရားစွဲဆိုခဲ့ပြီးနောက် အမှုရင်ဆိုင်ဖို့ ရဲစခန်းက ဆင့်ခေါ်ထားတာပါ။
နိုဝင်ဘာ ၆ ရက်နေ့က Daily Eleven သတင်းစာရဲ့“ရွေးကောက်ပွဲ တနှစ်ကြာသော်” ဆိုတဲ့ အယ်ဒီတာ့အာဘော်မှာ ၀န်ကြီးချုပ် တဦးဟာ ဒေါ်လာ သိန်းချီတန်တဲ့နာရီကို လုပ်ငန်းရှင်တဦးထံက ရယူထားတယ် ဆိုပြီး ရေးသားခဲ့တဲ့ အတွက် ရန်ကုန်တိုင်းအစိုးရအဖွဲ့က တရားလိုလုပ်ပြီး တာမွေရဲစခန်းမှာ အမှုဖွင့်ခဲ့တာ ဖြစ်ပါတယ်။
Eleven Media Group အမှုဆောင်အရာရှိချုပ် ဒေါက်တာသန်းထွဋ်အောင်နဲ့ အယ်ဒီတာချုပ် ဦးဝေဖြိုး တို့ ၂ ဦးကိုတော့ တာမွေမြို့နယ် ရဲစခန်းက တရားရုံးကို ပို့ဆောင်ခဲ့ပြီး၊ ချုပ်နှောင်ဖို့ ရမာန်ရယူခဲ့တာပါ။ တရားစွဲဆိုခံထားရတဲ့ Eleven Media Group တာဝန်ရှိသူတွေကတော့ သူတို့ဖော်ပြချက်နဲ့ ပတ်သက်လို့ ခုခံကာကွယ်သွားမယ်လို့လည်း ပြောဆိုခဲ့ကြပါတယ်။
ကိုအောင်လွင်ဦး / ဗွီအိုအေ (မြန်မာပိုင်း)
http://burmese.voanews.com
EMG အမှုဆောင်အရာရှိချုပ်နဲ့ အယ်ဒီတာချုပ် အဖမ်းခံ
Reviewed by THITHTOOLWIN
on
22:40
Rating:
Reviewed by THITHTOOLWIN
on
22:40
Rating:
