ဖောက်ခွဲရေးသုံး ပစ္စည်းများစွာနှင့် ကျောက်စိမ်းတုံးအား ဖမ်းဆီးရမိ


ရှမ်းပြည်နယ်မြောက်ပိုင်း၊ လားရှိုးမြို့မှ သယ်ဆောင်လာသည့် ဖောက်ခွဲရေးသုံး တီတိုနီတာကြိုး အမြောက်အများနှင့် ကျောက်စိမ်း(၃)တုံးအား ရှမ်းပြည်နယ် တောင်ပိုင်း၊ လဲချားမြို့နှင့် (၂၄)မိုင်အကွာတွင် ရှိသော ၀မ်ဖွန်ကျေးရွာတပ်စခန်းတွင် တပ်မတော်မှ စစ်ဆေးရေး ပြုလုပ်စဉ် နိုဝင်ဘာလ (၁)ရက် နံနက်ပိုင်းက ဖမ်းဆီးရမိခဲ့ကြောင်း လဲချားမြို့မရဲစခန်းမှ သိရသည်။


"တီတိုနီတာကြိုးတွေက ဖောက်ခွဲရေးလုပ်တဲ့နေရာမှာ အဓိကသုံးတာ အကုန်လုံး ဖောက်ခွဲလို့ရတယ် ငါးမိုင်းခွဲတာတို့၊ လမ်း၊ တံတား ဖျက်ဆီးတာကအစပေါ့ ပြင်းပြင်းထန်ထန်ကို ဖောက်ခွဲလို့ရတယ် နေရာမျိုးစုံမှာ အသုံးပြုလို့ရတယ်၊ သယ်လာတာက လားရှိုးကနေ လဲချားကိုသယ်လာတာ လမ်းမှာ တပ်မတော်လုံခြုံရေးက စစ်ဆေးတွေ့ရှိလို့ စခန်းကိုပြန်ပြီး လွှဲလာတာပါ"ဟု လဲချားမြို့မရဲစခန်းမှ တာဝန်ရှိသူတစ်ဦးက ပြောသည်။

ဖမ်းဆီးရမိသော ပစ္စည်းများမှာ (၁၂)ပေနှင့် (၉)ပေခွဲရှည်သော အစိမ်း၊ အညို၊ အဖြူ၊ နီကြား၊ နက်ကြားအရောင်များရှိ တီတိုနီတာကြိုးပေါင်း (၅၉၅၀)ချောင်းနှင့် (၁)လက်မခွဲပတ်ဝန်းကျင်ရှိ ကျောက်စိမ်းတုံး (၃)တုံးတို့ ပါဝင်ကြောင်း သယ်ဆောင်လာသူမှာ လူ(၂)ဦးဖြစ်ပြီး လားရှိုး၊ ကျေးသီး၊ မိုင်းရယ် လမ်းကြောင်း အောက်တိုဘာလ (၃၁)ရက်နေ့တွင် စတင်ထွက်ခွာလာပြီး လဲချားမြို့နှင့် (၂၄)မိုင်အကွာတွင် ဖမ်းဆီးမိခြင်းဖြစ်ကြောင်း သိရသည်။


သယ်ဆောင်လာသော ပစ္စည်းများအား လားရှိုးမြို့မှ သယ်ဆောင်လာခြင်းဖြစ်ပြီး လဲချားမြို့၊ ဖောင်တော်ဦးကျောင်းတိုက် လမ်းကြားရှိအိမ်တွင် တည်းခိုးရန် မှာကြားလိုက်ကြောင်း အမှုနှင့်ဆက်စပ်လျှက် ကွင်းဆက်တရားခံများအား ဖမ်းဆီးမိနိုင်ရန် လဲချားမြို့မရဲစခန်းမှ စုံစမ်းစစ်ဆေးလျှက်ရှိပြီး အမှုဖွင့်လှစ်ဆောင်ရွက်ထားကြောင်း သိရသည်။

"ဒီပစ္စည်းတွေ အန္တရာယ်တော်တော်များတယ်ပြောတယ် ကြိုးတစ်ချောင်းက လူ(၄)ယောက်လောက်ကို သေစေနိုင်တယ် တချို့ကျတော့ ငါးမိုင်းခွဲတဲ့ နေရာမှာသုံးတာ ဒါပေမယ့် ဒီလောက်အများကြီး မတွေ့ဖူးဘူး ဒီလောက်များတာ ဘယ်နားသုံးမှာလဲတော့မသိသေးဘူး စုံစမ်းစစ်ဆေးနေတုန်းလို့တော့ ရဲစခန်းကပြောတယ်"ဟု လဲချားမြို့ခံ တစ်ဦးက Tachileik News Agencyသို့ ပြောသည်။

သတင်း - ဟံနိုင်
ဓာတ်ပုံ - ရဲစခန်း
Tachileik News Agency
http://www.tachileik.net

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ