မောင်တောတောင်ပိုင်း မြင်းလွှတ်တွင် ကျောင်းဆရာမများ အဆောင် မီးရှို့ခံရ


နိရဉ္စရာ၊ နိုဝင်ဘာ ၇

ရခိုင်ပြည်နယ် မောင်တောမြို့နယ်တောင်ပိုင်း မြင်းလွှတ် ဘင်္ဂလီရွာတွင် ဆရာမနေထိုင်သည့် အဆောင်မှာ ဆရာမများ မရှိခိုက် နိုဝင်ဘာလ ၇ ရက်နေ့ ညနေ ၇ နာရီခန့်က မီးရှို့ခံခဲ့ရသည်ဟု သိရသည်။

“မီးရှို့ခံရတယ်ဆိုတာက သေချာပါတယ်။ ကျွန်တော်တို့က စုံစမ်းတုန်းပါ။ မြင်းလွှတ်ကို ဖုန်းဆက်မှရမယ်။ အဲဒီမှာ ကျောင်းကလည်း ပိတ်ထားတော့လေ။ တပ်နဲ့ ရဲနဲ့တော့ စစ်ဆေးမှုတွေ လုပ်နေပါတယ်” ဟု အင်ဒင်းနယ်ခြားစောင့်စခန်း နယ်မြေမှူးက နိရဉ္စရာသတင်းဌာနသို့ အတည်ပြု ပြောကြားသည်။

ဦးဒေါင်းကျေးရွာမှ ရပ်မိရပ်ဖတစ်ဦးကလည်း မီးလောင်သည်မှာ ဟုတ်မှန်ကြောင်း၊ ၇ နာရီ ၀န်းကျင်လောက်က ဖြစ်ကြောင်း၊ ဆရာမများနေထိုင်သည့် တန်းလျားကို မီးလောင်ခြင်းဖြစ်ကြောင်း၊ နိရဉ္စရာသတင်းဌာနသို့ ပြောသည်။

ဦးဒေါင်းကျေးရွာသည် မြင်းလွှတ်နှင့် အနီးတွင်တည်ရှိပြီး မြင်းလွှတ်မြို့နှင့် ဦးတောင်းကျေးရွာအကြားတွင် ကျောင်းတောင် ကျေးရွာတစ်ရွာတည်ရှိကြောင်း သိရသည်။

ကျောက်ပန်းတူ ကျေးရွာ အုပ်ချုပ်ရေးမှူးသို့ ဆက်သွယ်ရာ မီးလောင်သည်မှာ ဟုတ်မှန်ကြောင်း၊ ရှို့မီးဟု သိရကြောင်း၊ သူတို့မှာ ရွာထဲတွင် နေ၍ မမြင်ရသော်လည်း ရွာပြင်တွင် နေထိုင်သူများ မီးလောင်နေသော မီးရောင်များကို မြင်ရကြောင်း ပြောကြားသည်။

ယင်းသို့ မီးလောင်မှု ဖြစ်ပွားသောကြောင့် မြင်းလွှတ် အထကခွဲ ဆရာ/ဆရာမများနေထိုင်ရာ နှစ်ခန်းတွဲအဆောင် ပြာကျသွားပြီး၊ ၄ ခန်းတွဲတစ်ဆောင်တွင် ၂ ခန်း မီးလောင်သွားသည်ဟု သိရသည်။

လွန်ခဲ့သော နှစ်ရက်ကလည်း မြင်းလွတ်ကျေးရွာရှိ နယ်ခြားစောင့်ရဲစခန်းတစ်ခု စခန်းတွင် ရဲတပ်သားများ မရှိစဉ် မီးရှို့ခံခဲ့ရသည်ဟု သိရသည်။

စံမောင်သန်း၊ စစ်တွေ
Narinjara
https://www.facebook.com/Narinjara

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ