ရသေ့တောင်နဲ့ မောင်တော အကြမ်းဖက်ခံရမှု စုံစမ်းရေးကော်မတီ ပဏာမအစီရင်ခံစာ တင်သွင်း

မောင်တောအကြမ်းဖက်မှု လေ့လာစုံစမ်းရေးကော်မတီ ခေါင်းဆောင် ပြည်နယ်လွှတ်တော် ကိုယ်စားလှယ် ဦးအောင်ဝင်း ကို တွေ့ရစဉ်။ Photo: Min Thein Aung/RFA
မြန်မာနဲ့ ဘင်္ဂလားဒေ့ရ်ှနယ်စပ် ဘူးသီးတောင်-မောင်တောမှာ လုံခြုံရေးကို တင်းတင်းကြပ်ကြပ် ဆောင်ရွက်ဖို့နဲ့ အဂတိလိုက်စားမှုတွေ ရှိနေတဲ့ နယ်စပ်က အစိုးရဌာနဆိုင်ရာဝန်ထမ်းတွေကို အရေးယူဖို့ မောင်တောအကြမ်းဖက် ခံရမှု လေ့လာစုံစမ်းရေးကော်မတီက ပဏာမအစီရင်ခံမှာ တိုက်တွန်းထားပါတယ်။

လာဘ်ပေးလာဘ်ယူကိစ္စတွေနဲ့ နယ်စပ်ဂိတ်က လူဝင်လူထွက်ကိစ္စတွေကို ပေါ့ပေါ့တန်တန် သဘောထားခဲ့ လို့ ပြဿနာတွေဖြစ်လာတာလို့ ရခိုင်ပြည်နယ်လွှတ်တော်က ဖွဲ့စည်းထားတဲ့ မောင်တောအကြမ်းဖက်မှု လေ့လာ စုံစမ်းရေးကော်မတီ ခေါင်းဆောင် ပြည်နယ်လွှတ်တော် ကိုယ်စားလှယ် ဦးအောင်ဝင်းက ပြောပါတယ်။

ပြည်နယ်လွှတ်တော်ထံ တင်သွင်းထားတဲ့ ကော်မတီရဲ့ ပဏာမအစီရင်ခံစာမှာ လုံခြုံရေးတွေ တိုးမြှင့်ချထားပေးဖို့၊ ဘင်္ဂလားဒေ့ရ်ှနဲ့ မြန်မာနိုင်ငံနယ်စပ်မှာ သံဆူးကြိုးနဲ့ ကာရံထားတာကို အုတ်တံတိုင်းနဲ့ ပြောင်းလဲကာရံဖို့၊ မွတ်စလင်ကျေးရွာတွေကို စနစ်တကျ ပြန်လည်ဖွဲ့စည်းပေးဖို့ စတဲ့အချက်တွေ ပါဝင်ပါတယ်။

ရခိုင်ပြည်နယ် မောင်တောမြို့နယ်နဲ့ ရသေ့တောင်မြို့နယ်မှာဖြစ်ပွားခဲ့တဲ့ အကြမ်းဖက် တိုက်ခိုက်ခံရမှုတွေကို ရခိုင်ပြည်နယ်လွှတ်တော်က စုံစမ်းရေးကော်မတီဖွဲ့ပြီး ပြီးခဲ့တဲ့ အောက်တိုဘာ ၂၅ ရက်နေ့ကစတင်ကာ ကွင်းဆင်းလေ့လာမှုတွေ ပြုလုပ်ခဲ့တာဖြစ်ပါတယ်။

ပဏာမအစီရင်ခံစာကို နိုဝင်ဘာ ၉ ရက်နေ့က ရခိုင်ပြည်နယ်လွှတ်တော်ထံ တင်ပြထားတာဖြစ်ပြီး ပြည်နယ် လွှတ်တော်ကတဆင့် ပြည်နယ်အစိုးရနဲ့ ပြည်ထောင်စုအစိုးရထံ တင်ပြမှာဖြစ်ပါတယ်။

မောင်တောအကြမ်းဖက်မှု လေ့လာစုံစမ်းရေးကော်မတီဟာ အပြီးသတ်အစီရင်ခံစာကို ဒီဇင်ဘာလ နောက်ဆုံးပတ် မှာ တင်ပြရမှာဖြစ်ပါတယ်။

RFA Burmese
http://www.rfa.org/burmese/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ